Jubilee kan lawm tan ta

28th August 2008 zing dar 7:00 khan Chanmarians ten kan nghahhleh em em, Chanmari Branch YMA GOLDEN JUBILEE lawmna chu Pu Lalhrangluaia Sailo (Ex-President, CBYMA) chuan Chanmari kawnah a hawng ta. He hun hman a nih hma hian Section hrang hrang atangin Section huam chhunga member-ten kawngzawhin Chanmari kawn hi an pan a, jubilee flag kengin memberte hian kawng an rawn zawh a ni. Jubilee lawmna hawn a nih hnu hian Branch YMA hruaituten Jubilee DAR an vua a, member pungkhawmte hnenah Jubilee Sweet sem a ni bawk.
Zan dar 8:00-ah YMA Hall-ah Variety Programme hlimawm tak leh changkang tak hman a ni. He hunah hian Pu Vanneihtluanga (Member, Org Com) chuan kalkhawmte hnenah thuchah a sawi a. Pu Vanlalchhawna (Ex-VCP) chuan Vengchhung Telephone Directory a tlangzarh bawk. He hunah hian Belinda, Mami Varte, C.Sanga, Marina te bakah Jubilee Band ten mipui pungkhawmte hi zaiin an awi. VCP pawhin a hla thul khung a rawn veto chhuak bawk!!
Variety Programme hman zawh a nih hian Hall tualah Jubilee Meidet hun hman a ni leh a, Pu T.Lalhluna (Ex-President, CBYMA) chuan Jubilee mei hi a dep kai. Hetih rual chiah hian Jubilee meidet chhawn turin Mini Sports Complex atangin halmawi/halpuah (fireworks) mawi tak tak hal a ni a, Aizawl khawpui a thum dup dup a ni ber mai.
Jubilee Programme hi hman chhoh a ni zel dawn a, Dt 30th August 2008 11:30 am ah hian Jubilee Exhibition hawn a ni ang.

Jubilee Hawng

Naktuk zing (28th august, 2008, Thursday) 7:00 AM hian Kan Branch Golden Jubilee chu hawn a ni dawn ta. Zingah hawn a ni ang a, zan lamah MEI DET a ni ang. Detailed Programme -

Dt. 28th Aug.2008 ( Ningani) 7:15 a.m
Jubilee hawnna Programme
( Chanmari veng kawngpui tin atangin dar 7:00 am ah Chanmari Kawn panin kawngzawh tur a ni)
A hmun : Chanmari Kawn.
Chairman : Pu PC Lalramliana, Asst Secy, Organising Committee
Jubilee hawngtu : Pu Lalhrangluaia Sailo,Ex - President, CBYMA
Hunserh : Pu PC Liansiama.
Thupuan : Pu Lalsawmkima. Secy, Organising Committee
Jubilee hawnna :
Opening Song : Jubilee Band
Au rual : Pu Vanlalruata, Exe-Member,CBYMA.
Jubilee Dar vuak :
Jubilee Sweet sem :

Dt. 28th Aug.2008 ( Ningani) 7:30 p.m
Jubilee Meidet / Variety Programme
Chairman : Pu Lalpara, Vice Chairman, Organising Committee
Hunserh : Pu Siamhranga
Thupuan : Pu Lalsawmkima. Secy, Organising Committee
Zai : Nl.Belinda L.Sailo, Sec - II Thusawi tawi : Pu Vanneihtluanga, Member Organising Committee

Rainy days

Tunlai chu ruah a sur leh thut thin a, inchei sual a hlauhawm thei khawp mai. Ruahsur laia chhuah chuan a vawt deuh sung a, kawrlum lam hak ngawt mai a chakawm thin. Mahse khua a lo that leh chuan a lum leh viau thin si. 23rd August (Inrinni) pawh khan ruah a rawn sur thut a, Chanmari kawn chu tuihawkin a khat a ni ringawt.

Hello Chanmarians

Kan Blog hi kan han ti ve chhin a. Chanmarians issue bik hi a link kan dah tawp mai a. PDF file save a nih avangin a chhiartu tur ten Google Account an neih a ngai a. Chuvangin chi danga kan tih hma chuan Google account hmangin he blog hi lo sign in zel mai lok teh u. Fiah fai taka Chanmarians in chhiar theih kan duhsak che u a ni e. Tin, a tam thei ang comments/feedback nangmahni atangin kan beisei bawk.

Another NEW Video by OLIAS COUSINS

We are the World!! Hei hi a pui. Fak an phu!
http://in.youtube.com/watch?v=VJ7wA8oXjdA

NEW VIDEO from Chanmarians

Hei le!! Chanmarians thenkhat (OLIAS Cousins) ten Ruahtham loh Video an rawn released thut mai. Hei hian Chanmarians a barakhaih hle.. Tunlaiin he video hian vengchhung a luah hneh hle.
Kan va ngai dawn em! By OLIAS Cousins - A Link hi hmet keuh mai rawh
http://www.youtube.com/watch?v=enz5kV9HZwg

Chanmari Veng from GOOGLE eARTH

Chung lam atanga mahni in awmna lai zawn chhui chhuah hi a khat ve a, ka rawn post ve mai mai.

A vaw hot tu te

Heng mite hian Hall sak lai Stage-ah thla an la a, Chanmari veng boruak vaw hot tu ber an ni. Anni tel lo hian Chanmari Vengah SPORTS-in awmzia a nei lova, Chanmari kawn pawh a an tel lo chuan a ngui nghuai thin.