Friday, October 24, 2008

YMA GENERAL CONFERENCE 2008


YMA General Conference chu 21st October,2008 atanga tan in 23rd October thleng Serchhip ah neih a ni a, kan Branch ai awhin Executive Commitee Member Tv. Duhawma (Treasurer) leh
Tv. Victor-a te an Palai a, Nl. Zoramchhanin a tawp zan ah zaiin mipui a awi a, report kan hriat theih chinah hun hlim awm tak han hmangin a tawp ni i.e. 23rd October khan Branch hruaitu thenkhatte pawhin lehlang an han chhim a ni.

Tuesday, October 21, 2008

Saum Bur


Mizo chokaa thil awm ve ngei ngei zinga mi chu Saum Bur hi a ni ve ngei ang. Mizo te hi kan hnam a naupang a, hmasawnna tak tak hmel kan hmuhna pawh hi Chanchintha lo luh hnu (kum 100 chuang erh awrh) chauh kha a la ni a. Chuvangin ei leh in leh khawsak phungah pawh hnam dangho hi kan pha lo hle. Kan ei leh ina tel ngei ngei, kan pipute atanga kan chawhmeh chi hrang hrang tih tuina (taste-maker) ber chu saum hi a ni. Chuvangin saum bur hi chhung tinah tun thleng hian kan nei deuh ngei ngei thin.

Tunlaiin khawsak a changkang ta a, saum han urna turin tapchhak zawl nei kan awm ta meuh lo. Chuti chung pawhin saum siamsa (ready-made) kan lei a, kan fridge-ah te kan dahtha a, bai, bawl, etc. siam tuinan kan la hmang nasa hle. Saum tel lo chuan Mizo chawhmeh hi a famkim lo a ni ber e. Saum hi meiin ur that a nih loh chuan a rei deuh hnuah a rimchhe (tler rim nam) duh hle. Chuvangin a um a tho tir tih hian bottle-ah dah ila, fridge-ah dah hmiah mai ila, a thar hlim ang rengin a tui thin an ti.

Sunday, October 19, 2008

Beauties and the Beast


Hei hi an chhe lo. Jubilee laia Costume Parade-a mipui mit fukna ho an ni a. He Rock Star hian Chanmarians-a a dil angin a pic hi kan han tilang a ni e.

Friday, October 17, 2008

Jubilee Kan hmang zo ta



Jubilee lawmna vawrtawp chu 16th October 2008 khan kan hmang zo ta. Hemi ni hian khua a tha a, zingkarah fatuten ruai tur buaipuiin ran an talh mup mup a. Mahse vanduaithlak takin Lalduhawma s/o P.Siamhnuna Sec-I (Pump House bul) chu a boral a, khawtlang nun a tinuam zan lo hle.

Chawhma inkhawmah Dr.C.Silvera (Ex-Union Minister) chu khuallian a ni a, Chanmari YMA Hall a hawng. Chawhnu inkhawmah Pu JH Zoremthanga (CYMA President) chu khuallian a ni a, Jubilee lungphum(monument) a hawng. Chawhnu inkhawm-ah hian hruaitu hlui (OB) te chawimawina thuziak hlan a ni. Heng inkhawmah hian Jubilee Zaipawl chuan thiam takin hla an sa a, a ngaihnawm hle.
Tlaiah Jubilee Ruaipui kilho a ni a, Chanmari vengah khatiang zat Ruai kil kha an la awm lo awm mang e, tih tura thahnem veng mipuii ruai kan kil a, a hlimawm hle. Ruai kil zawh hian Mini Sports Complex atangin halmawi (fireworks) chi hrang hrang Jubilee lawmna atan hian hal a ni.
Zanah Jubilee kharna inkhawm hlimawm leh zangkhai tak hman a ni. Hetaqh Hian Jubilee Band ten hun hmangin hla mawi tak tak (Mizo & Sap hla hlui larte) an sa a, Hall-a lenglo mipui pungkhawmte chu an hlim hle. Zai an zawm dual dual a, an lam mup mup reng mai. Tichuan khamlo takin dar 11:15 PM khan Golden Jubilee kan lawmna chu a lo zo ta a ni.

Thursday, October 16, 2008

Jubilee Kan thleng ta


Chanmarians zawng zawngin kan nghahhlelh leh tuktin ni chhiara kan lo hmuah, Branch YMA Jubilee chu kan thleng ta der mai le. Veng chhung leh pawna awm Chanmarians zawng zawngte chibai kan buk a che u. He hun hi hlim takin i hmang ang u. Vawiin chawhma leh chawhnua-a kan hun hman tur te, Hall thar hawnna inkhawm te, tlai lama Ruai Ropui kan kil tur te, zan lamah Jubilee thlahna inkhawm te leh Hal mawi hal te hi Chanmarians ten kan YMA Jubilee kan lawmna a ni tih i hria ang u.

He lawmna hian mi chanhai leh tanpui ngaite thleng phak mawlh rawh se!!
Hetah hian Chanmarians Jubilee Special Issue chhiar theih a ni e http://www.scribd.com/full/6865525?access_key=key-22yj7ygns553db6av9b
Chanmari Branch YMA - Dam reng rawh se.

Saturday, October 11, 2008

Biakin Thlalak

Thlalak post tur a vang angreng khawp mai. Hei, Presbytery Inkhawmpui hmanna hmun, Ramhlun Vengchhak Biakin kan rawn tarlang ve mai mai.

Wednesday, October 08, 2008

Presbytery Inkhawmpui


Mizoram Presbyterian Kohhrana inkhawmpui lian "Presbytery" chu Mizoram Synod hnuaia hmun hrang hrangah 9th - 12th October, 2008 hian neih a ni dawn. Chanmari Prebyterian Kohhran pawh Aizawl Bethel Presbytery hnuaiah a awm a, Ramhlun Vengchhak Kohhranah inkhawmpui hi nghah a ni. He Presbytery ah hian Thupui chu Sual sim (Tirh 3:19) a ni a, Thupui sawitu chu Upa Vanlalvuan Sailo, Chanmari a ni ang. He inkhawmpui hi Bethel Presbytery a nih hnuah a vawi 3-na a ni.

Khawmpui puipate chu - Moderator - Pastor K.Lalthangmawia, Secretary (sr) - Upa Lalrinawma, Secretary (jr) - Upa Lalpekliana, Treasurer - Upa P.Lianrikhuma leh Statistician - Upa Chalhmingthanga te an ni.

Sunday, October 05, 2008

Chanmari Malsawmna


He pitarte hi Inrinni zing bazar nang turin a thlai tharte Chanmari Veng Bazar-ah a rawn thutpui a. A hmel han en mai atang pawhin hna hram tak thawk thei tawh awmlo tak a ni tih chu a hriat. Amaherawhchu duhthlan tur dang a awm chuang lo nge, chhungte thawhsa ring ringawta awm a duh loh hrim hrim vanga zing khaw vawt tak pal tlanga hetianga Chanmari Bazar-a rawn thu hi a ni tih chu Amah zawh mai lo chuan kan hre bik lo.

Saturday, October 04, 2008

Jubilee Souvenir Release a ni ta





3rd October, 2008 zan khan Chanmari Bramch YMA Golden Jubilee Souvenir chu Pu Rozinga, Ex-President, CBYMA chuan a released. He Souvenir hi Rs 50/- man a ni.
He Souvenir Release zan hian Programme hlimawm taka hman a ni. Mizo Idol/Icon atangin Mathlenga, Isaac, Zomuanpuii, Hmingtea, Zoramchhani te bakah tualchhung zaithiam Nl.Julie, Maruata leh Jubilee Band te an che a, pungkhawm ho an chawkhlim hle. Pungkhawmho hian lamtual an pan a; zaithiam zaite hlim takin an lo awi thin.

Friday, October 03, 2008

Jubilee exhibition

2nd October, 2008 chhunah khan Exhibition Sub-Committee buatsaih “Jubilee Exhibition” chu Pu Laldinpuia Sailo, Ex-President, CBYMA chuan a hawng.

He Exhibition-ah hian CBYMA-in kum 50 kalta atanga a hun lo tawn tawhte thil chi hrang hrang hmanga tarlan a ni a, a hmuhnawmin a lunglenthlak hle mai. Khawtlang hruaitu lo ni tawh thin, chatuan ram min pansan tate thuamhnaw pholan chuan tlawhtute rilru a khawih hle.

http://picasaweb.google.com/chanmarians/JubileeExhibition#

Jubilee Cultural Programme (Competition)

2nd October, 2008 khan nilengin YMA Hall-ah Jubilee Cultural Programme hlimawm tak chu hman a ni. He hunah hian Section hrang hrangte chu hengah hian an inel – 1) Cheraw, 2) Chheih lam 3) Lengkhawm zai.
Intihsiak hi a hlawhtling hle a, Section tinte inpuahchahna a tha hle mai. An tha leh zung tam tak senga, he Cultural Programme atana an thawk chhuak hi a ropui hle. He Programme hi veng chhunga pawl hrang hrang – Hmeithai Assn, MUP, Ex-Servicemen Assn, etc ten an hmanpui a, vengchhung mipuiin an hlut hle.
Heng intihsiaknate hi Art & Culture Dept-a Instructor ten an endik a; hmasawnna tur thu tha tak tak an hnen atang hian ngaihthlak a ni bawk.
Hetiang hi result a ni :-
I. CHERAW - Ist – Sec II; 2nd – Sec I; 3rd –Sec IV; 4th Sec-III;
2. CHHEIH LAM – 1st-Sec I; 2nd-Sec II; 3rd-Sec III; 4th-Sec IV
(Lam thiam ber / Hmeichhia – Sec I; Mipa-Sec III
3. LENGKHAWM ZAI – 1st-Sec III; 2nd-Sec II; 3rd-Sec I & IV
(Hla hril thiam ber-Sec II; Khuangpu tha ber-Sec III)

to view picture follow the link below -
http://picasaweb.google.com/chanmarians/JubileeCultural