Saturday, February 28, 2009

WEBSITE SAWI TAKAH CHUAN

Kei chu ka Website hi ka update ngai lovin update tu tur ka hmu tha thei khawp mai. Tin, duh ai a tam leh hnawk hian a lo update thin a, amaherawh chu he site | Direct Links | Movies world | Software world | Download PC Games | Mediafire Links | Celebrity Picturesvisit tu te reng reng chuan comments pawh nei lovin he site tan liau liau hian an nun zawng zawng an hlan vek thin....Oh! What a Sacrifice !!

Friday, February 27, 2009

KTP GOLDEN JUBILEE ATANA SAWMNA

K.T.P Golden Jubilee lo thleng mai tur ah hian Chanmari Branch K.T.P leh Y.M.A member veng pawn lama awm zawng zawng te lo haw vek turin sawm inni e.

Wednesday, February 25, 2009

Web

Khawvel hi a inthlunpawh nasa tawh hle a. Telephone line tluklehdingawn tam tak mai bakah hrui nei chi dang leh hrui tello chite pawhin a inthlung hnawk tuak tawh a. Hei Internet website ringawt pawh Mizopa chhiarkawp chhiar dan chuan a daih tawh lo a nih hi.
.
Chutih laiin kan vengah pawh line dang an rawn thlun belh zel a. Thlalak hi en chuan hrui hnawk zia hi a chiang viau ang. Heng hi hman deuh laia kan changkannain a rawn hrin chhuah a ni a, naupan lai hun phei kha chuan heng hruiah hian lehkhachaih a tang duh thin hle.

SaChek!

Sachek kan ti naa, Sakawchhung ti zawk ila a dik zawk mah ang a, Mahse Sachek a ni ve hrim hrim tho. Mizo tam tak hrawkah chuan sachek hi a tui reng mai zawng a ni hi. Tlai lama bel tlang berh deuh tak chunga YMA no berh deuh li liai nena a zuartu a lo thut vang mai chuan mi tam tak tan kal pelh har tak a ni. Thil chik mite chuan hetianga khawlaia sachek ei hi Pathlawi leh tlangval tihmai tur a ni bik lo, "a nula hlei hlei hian a tui zia an man chiang lehzual," an ti!!

VC Inthlan

24th February 2009 khan Village Council Member turte chu Mizoram Sawrkarin a lo ruahman angin thlan an ni. Chanmari Veng-ah pawh veng hruaitu turte chu Chanmari YMA Hall-ah thlan an ni. MPF chu he inthlanah hian an duty a, KTP member-ten MPF hi an tawiawm. VC inthlannaah hian Indian National Congress-in mi 6 an candidate a, Tangrual (MNF,MPC & ZNP) ten mi 5 an candidate. Vote nei zawng zawng 3145 vel zingah mi 1555-in vote an thlak a, 49.45 % vel vote a tla a ni.



Inthlan result hi zan dar 6 atangin chhiar a ni a. Zan dar 10:15 velah result hi peihfel a ni. Vote chhiarna atan hian Pu Vanneihtluanga chuan Computer thiamna hmanga Programme a duan chuan hna a ti awlsam hle.
He VC inthlannaah hian Indian National Congress party candidate zawng zawng an tling vek. hetiang hi vote hmuh dan a ni :-
Pi Lalzuali - 1143
Pu Lalzuiliana - 1080
Pu LT Sanga - 1035
Pu Lalkhumtira - 998
Pu T.Lalhluna - 990
Pu R.Lalhmachhuana - 915
Inthlanna hi boruak muanawm taka tlingtlak fel a ni a, Pu R.Sangliana chu he inthlannaah hian Returning Officer a ni. Tin, VC member thlantharte zingah hian Pu Lalzuiliana leh Pu R.Lalhmachuana te hi Chanmari Branch YMA Executive Member nilai an ni.

Sunday, February 22, 2009

Vawiin Tlai

Vawiin, 22nd February 2009 (Sunday) hi KTP Din champha (KTP Day) vawi 55-na a ni. Hemi tlai hian Chanmari kawnah thil thleng ropui tak a awm lem lo. YMA President Pu Hmaa leh OB thenkhat leh Committee member-te William-a dawr kawtah an thu a. Mi nungchang an thlir. Kawnah hian 24th February-a VC inthlan lo awm tura Candidate te poster chu Congress Party leh Tangrual ten an tar a. Tin, Traffic Duty an awl ni a nih vang nge, Hrangbana College lam atanga Bike lo tlan chu Wrong Side-in Electric Veng lamah a tlan phei. (Temp 24 degree Celcius)

Lam zir



13th March, 2009 (Friday) khi Chapchar Kut a ni a. AR Ground-ah ropui taka lawm tum a ni. Hetah hian kan Branch YMA chu lam tura ngen kan nih angin tunlai hian YMA Hall-ah lam an zir leh tan ta.

Saturday, February 21, 2009

Hisap Kitab!



Heng ho hian engnge an ngaihtuah i rin?

"A... Major Repair ai chuan phur thla ila, Kabuganj velah KG tawp mai ila a hlawk tawh zawk ang," an ti a ni mai thei.

Friday, February 20, 2009

Pro Pastor te innei

20th February, 2009 (1:00 pm) khan Chanmari Pastor Bial (Presbyterian) Pro Pastor - Lalngaihawma leh Hannah C.Lalrempuii d/o Upa C.Thansiama, Chanmari West te chuan Pastor hmaah Inneih thu tiamin "Tiam tlat e" an ti dun ta.
.
P/P Lalngaihawma,BD hi 2007 Synod khan Pro-Pastor atan a la a, 2008 atang khan Chanmari Pastor Bial-ah a awm tan a ni. Hannah hi KTP rawngbawlnaa thawhhlawk tak leh tuna Chanmari Pastor Bial zaipawl member (Soprano) ni mek a ni.

In kal pel


Tleirawl laia thil ho deuh huphurhawm ve deuh chu "In kal pel" hi a ni. Teenage kan han thleng a, ngaihzawng hriat tan tirh laia mahni kawng kan kal, keimahni kum rual pui, opposite sex te han kalpelh kha chu huphurhawm tak a ni thin. Kan lo leikang deuhva, rilru pawh a huai tan tih kha chuan mipa khan hmeichhiate an kalpelh kha chuan an han su lui deuh kher thin a, a su luitu khan hlawhtling a inti hle bawk thin.

Thursday, February 19, 2009

Change

Hman deuh khan Aizawl-a thlalakna tlanglawn deuh ber chu AGFA Click II/Click III kha a ni a, a nei turu deuh khan Yashica Mat (En chhuk chi) kha a ni leh mai. Amah-erawhchu tunah chuan Kan ngaihtuahna zawng zawng pawh a thl a a la thei ang tih hial khawpa thra Camera hi Aizawl-ah ngei pawh a awm ta fur mai. Camera pangngai mai ni lovin Mobile ah thleng thlengin a awm tawh a.(Nakinah phei chuan Burma kawlsunhlu emaw Pawh Fuh-ah emaw pawh a la awm ta ve ang!)
Kan hotute tawngkam takin "Hmasawnna hi a zuangin a zuang" a nih ber hi maw!!!



Wednesday, February 18, 2009

BlackOut



Then...there was TOTAL DARKNESS!

Ral

Hei hi indonaa kan hmelhmate kan sawina "Ral" ang hi a ni lo. Rannung te reuh te te, mahni aia a huhova awmkhawm nuam ti zawk ang hi an ni. Lung pangah an awm tlangpui. Naupang hovin an awmkhawmna bulah "RAL..." tiin an va au va, an tlanchhe chum chum thin. Chumi hnuah a ngaite bawkin an awmkhawm leh mai thin.
(Heng rannungte chawei duh zawng te, an sik leh sa mamawh tawk leh an "Mating Season" te leh eng species nge tih lam chu he thu post tu hian a hre hauh lo. Amaherawhchu naupan laia hetiang an hmuha au khum lohva an kalsan theih loh avangin, hetiang rannung hriatreng nan hian a post mai a ni e.)

Tuesday, February 17, 2009

Shillong Bawng Kawchhung

En chet chet la, a tui hmel i ti em?

Mizote leh Pathian Biak

Sap pakhat, Mizoram kohhran chanchin zira lokal chuan "Mizote an inkhawm a, hlim taka Pathian faka an zai chhung chuan an ram hian hma a sawn zel ang" a ti.

He thu hi a dik hmel hle mai. Kum 100 chuang awrh Chanchin Tha kan dawn hnua engkima hma kan sawn dan ngaihtuah hian Mizote hian min Siamtu Pathian fak hi kan bat tlat a ni tih hi a chiang hle mai. Thiamthil, ei leh bar, finna leh kawng hrang hrangah khawvel el pha em tur kan la ni rih lo. Mahse, chuti chung chuan khawvel hmaa tarlan kan nihna chu kan Pathian tana kan inserhna hi a ni. Chanchintha avangin khawvel hriat kan hlawh a, chu Chanchin kan puan avangin khawvel kan deng chhuak. Amaherawhchu he kan ro hlu neih that ber hi kan ngaihthah vaih erawh chuan mi ram aiin kan tluchhe awlsamin kan khawlo hle ang.
-
Chuvangin, khawi hmunah pawh awm ila, kan chakna hnar - Pathian Biak inkhawm leh a rawngbawlna hrang hranga theihtawp chhuah hi khawvel thang zel uar sauh sauh hi kan nghehna leh hmasawnna bul a ni zel ang.

Monday, February 16, 2009

Mizo leh Sa

Mizote hi khawvel hnam hrang hrang zingah hian sa ei nasa pawl tak kan tling hial awm e. Eng sa pawh kan duh ti ila a sual tam pui lovang. Ei leh in siam lam (cuisine) hi kan changkan lohna a ni leh nghal. Chhum tawp, tlak tawp etc a ni deuh mai. Hnam dang chuan bawlhlo leh eng ilo nen tui tak leh thianghlim takin an siam a, keini chuan chuti lam chu kan uksak vak thin lo. Ei leh in lama fimkhur deuh leh duhtui deuhte phei chu "tenchhia" kan la ti zui a, tenchhia nih kan lo duh vak hlawm bawk si lova, a hniak tam lam duhdanin kan kal ve leh ngawt thin a nih hi.
Kan sa ei duhdan leh kan sawngbawl dante erawh hi chu inenfiah a ngai tawh hle mai. Sa-ah pawh a kawchhung lam te hi kan duh hlei hlei bawk si.. Vawk lah "Kum tling ngei" kan han ti a, a thau taksa tan a pawi hnuah kher kan han talh a. Ruai kan siam lahin kan eitur siamdanah kan fimkhur tawklo fo. Heng vangte hian natna engemaw kan pumpelh theih reng hi kan tawrh phah fo ang em tih pawh ngaihtuah tham tak a ni.
Engpawh nise, khing sa ho khi mizote hrawkah chuan a la tui ber miau si a le!!

Saum Bur

Hei hi Saum bur, a chhunga saum awm miahlo a ni. Saum dah hmain a bur hi thlalak pui a ni a, tunah chuan a nam ve viau tawh ngei ang le. Hei hi Mizo in mawitu a ni a, Taste-maker a ni deuh ber.

Sunday, February 15, 2009

Chawlhni Tlai

Chawlhni tlai hi hmanlai atangin Mizo thalaite tan hun nuam tak a ni. Kar tluanin hna an thawk a, ram lamah riakin hah takin an tul em em thin. Tunlaiah pawh office leh hmun dangah kan buai em em a, Chawlhni/Pathianni-ah chuan kan hna tulte dahin he ni hi kan serh thin a. Biakinah inkhawmin kan thuamhnaw tha ber ber (Chawlhni kawr) nen kan inthuam thin. Hetianga uluk taka kan inchei chuan kan incheina chuan kan rilru pawh a kaihruai nasa hle a, kan nunchan leh chetdan pawh kan uluk hle thin.
Hemi ni tlai lam hi thalaite tan chuan thiante nena inkawm a, khawi hmun ilova lenho hi an thlahlel em em thin. Hna lam thilah engmah engto nei lem lova khawsak theih hun a nih avangin he hun hi a nghahhlelhawm thin kher mai.

Saturday, February 14, 2009

Joint Meeting

Ni 13.2.09 (Zirtawp) zan khan Chanmari Branch YMA chuan Chanmari YMA hall-ah Chanmari Branch YMA hnuaia Sub-Committee zawng zawngte pualin Joint Meeting a nei. Meeting hi Zan dar 7:20 ah tanin Branch President Pu Lalhmangaiha’n a kaihruai.
Pu R.Sangliana, Exe. Committee leh Pu Vanneihtluanga Exe. Committee member ten thu an sawi a, Group Discussion neih a ni. Pu Liansailova, Adviser, Chanmari Branch YMA chuan thu tawi sawi a tawngtaina a neih hnuah zan dar 10:05 ah meeting hi an zo a ni. He meeting-ah hian Chanmari Branch YMA a mawhphurhna nei mi 111 zet an kal a ni.

Songs for Valentine's Day

Valentine's Day kan thleng leh ta reng mai le. He ni hi tunlaiin mi thenkhatin kan hmang uar sawt ta viau mai. Sumdawnghovin an thilsiam (products) {kan culture mil ni lem lo} an advertise thiam hle a, media lam pawhin an thehthang nasa hle bawk. Hemi avang hian a ni mai thei, Mizo thalaite hian intihhmuhin kan bei nasa ve ta hle mai. Mahse hemi hi ngaihtuah chian chu a ngai hle. A kutni rilru avang hian kan hmangaih leh hmangaih vak lem lohte laka kumkhuaa kan inchhirna tur thil pawi tak kan ti palh thei bawk tih kan hria. Chuvangin vawiin ang hun hi i hmang thiam ang u.
Hemi ni hian heng hla ho te hian lung a tileng thar leh thin -



  • From This Moment - Shania Twain
  • Endless Love - Mariah Carey & L.Vandross
  • Because you love me - Jo Dee Messina
  • You're Beautiful - James Blunt
  • It will be me - Faith Hill
  • Forever and for always - Shania Twain

Friday, February 13, 2009

Thursday, February 12, 2009

Reiek Tlang

31st December, 2009 khan Reiek tlang khu an sawi teh sek bawk a, ka zuk kal ve a. Ka rinai daihin a lo nuam a (Thal lai lovah kal phei ila chuan a hmun vel a hring nalh ngawt ang). Mahse a tlang chhip khu chu ka duh aiin a sang deuh. Helaia naupang ho te hi a hnuai lung tohlawtah hian an zuk chhuk thla kher a, an ninhlei zui lehnghal a, fimkhur turin ka'n chah ve ngawt a. Reiek tlangsang hlauh deuhna (Reiektlang-phobia) hi ka nei deuhvin ka hria. England Vs Spain inkhel nghah pahin ka rawn post ve leh mai a ni e.

Wednesday, February 11, 2009

Khup pem

Naupan laia harh ho hi chu hetiang hian an khup a pem nuan thrin. Mahse tunlai naupang ho hi chu chuti vakin an harh tawh loh avangin khup pem an awm tawh meuh lo. Hman deuh kha chuan tawlailir khalh, leivung/balu-a chen, tawlhpahrita tawlh, etc te kha naupang infiamna neih chhun a nih avangin a pem loh theih loh.

Tuesday, February 10, 2009

Thlasik Bonus

Tu ke nge le? A bei khi ve phix phex hle mai. "Change" a mamawh a nih hmel. Valentine lo ve mai mai. LOL
Tu emaw tih dan takah "A ke hi a facial ngai lo a niang"

Thlawh-na-neih

Ka fanu hian Thlawhtheihna hi "Thlawh-na-neih" a ti tlat pek a. Zanina kan chaw ei kham khan pa dak vual vual tih takah Pu Lalpara te inchung zawna a lo thlawk nul nul hi ka hmu a, thil tam tak min ngaihtuahtir a.
Wright Bros. te kha lo awm ta lo se, tun ang model (AirBus) ang hi tun hunah hian kan nei tawh ang em le? A chhungah khian Arabian ho hmuihmul hmul dur an chuang ang em le? International Flight a nih chuan thil an sem tui ngawt ang a? Singapore Airlines nge a nih ang Cathay Pacific nge, Biman (Bangladeshi) a nih ang aw? tih vel mai mai ka'n ngaihtuah pek chu!

Full Moon

Zanin khan zan dang ang bawkin Power Supply a rawn Fail leh thut mai a. Ka tihtur hre lo chu verandah-ah ka va dak a. Ngai teh, Chunglam thiltihtheihnain Vanah chuan Thla hi a lo eng vei roh lutuk a. Min rawn intihtheihkhum hian ka hre deuh tlat lehnghal a!! Chuan ka tlan lut a, Camera ka va la a, inti Proffessional takin tripod nen kan in pu chhuak a, mahse tripod nen chuan thla ka la thei awzawng lo mai. (Kan inchungin a hliah tlat). Verandah-a dak chhuak deuh ur, Ke hlang chhuak deuh vung chung hian khi pui roh hi ka han hmet ta kheuh mai a nih kha. Rin aiin lak fiah a har kher mai. Mahse Current neih loh laia rinawm taka lo eng a nih avangin ka han post ve leh tawp mai a ni e. 19th Feb 2009 hi kan calendar-a a lan dan chuan Full Moon zan a ni.