HSLC Result

• Kumina HSLC Result chhuakah khan David Ngursangpuia s/o KC Lalremruata, Section III chu Mizoram pumpuiah 2-na a ni a, a lawmawm hle. Ani hi St.Pauls's Higher Secondary School-a kal lai a ni a, Subject 5 -ah letter hmuin Distinction-ah a passed.

Nu leh pa leh chhungte puihna a dawn nasat avang leh Pathian hnena a tawngtai nasat avanga hetianga hlawhtling ta hi niin amah ngei hian a sawi a, Medical Super Specialist nih a tum hle. A interview kimchang chu Chanmarians Issue thar berah tarlan a ni.

HSLC passed dangte chu :- (Hriat theih chin)
SECTION I :-
Lalchhandama s/o Lalramliana - Dist.(L-E, Sc, IT)
Zodinsangi, d/o Lalrinawma - Dist. (L-Mt)
Ruthi Lalmuanzeli d/o Dr. T. Lalzoliana - Dist. (L-Eng, Mt,Sc,IT,SS)
Vanlalnghaka s/o Dingluaia - III
Lalnunthara s/o Lalthankima - III

Israel Lalengkima s/o K. Mawizuala - III
Zothansangi s/o Lalremsiami - I
Zothanpuia s /o Zohruailiana -I (L-Mz)
Vanlalpeki d/o Lalduhawma - II

SECTION II
Zohmingmawia s/o R. Lallianzuala - Dist.(L-M,Sc,MZ,IT)

Vanlalchhanhimi d/o Lalzuiliana -III
Elizabeth Lalfakawmi d/o Mazuala -II
C. Lalruatfela s/o Rev. C. Laltanliana - I
Dorothy Lalruatfeli d/o Peniel-a - III
Ricky Rosangliana s/o Biakchungnunga - II
Laldikchhani d/o Lalthansanga Pachuau - III
Immanuel Lalngilneiha s/o Rochamliana - I (L-Sc,SS)
Saizampuii Sailo d/o Lalzuifela - I (L-SS,Sc)
F. Lalkhumliana s/o F. Lalbiaktluanga - I (L-Sc)
Lalthanchama s/o Ramhlunsanga - I
Jigas Lalhmingsangi d/o C. Thanga - II
Valalpeka s/o C. Lalpianga (L) - III
Lalkhumliana s/o F. Lalbiaktluanga - Dist. (L-Sc)

SECTION III
David Ngursangpuia s/o KC. Lalremruata - Dist.2nd Position(L-E,Mz,SS,Sc,IT)
Lalawmpuia s/o R. Lalnunmawii - II
Jerry Lalrinawma s/o RK. Zoliana - III
Michael Lalthansanga s/o Thanhliri - III
Lalpianpuii d/o Lalkhawmthanga - II
B.Lalremruati d/o B. Lalthanliana - III
John Lalhmachhuana s/o R. Lalhmangaiha - I
Mika Lalngaihtuaha s/o C. Lalruatfela - I
Jonathan Lalnelawma s/o C. Lalremsanga (L) - II
Lalrindiki d/o Vanmawia - III
Lalbiakkima s /o Rualthankhuma - III
Baby Vanlalruati d/o Lalbiakchhunga - II
C. Lalrinsangi d/o Tholeha - III
PC. Vanlalnghaka s/o PC. Lawmzuala - I (L-SS,Sc)

SECTION IV
Lalruatkimi d/o Lalsangliani - II(L-SS)
Grace VL. Chhuanliani d/o Dr. PC. Lalnghakliana - Dist. (L-Eng, Mt,Sc,IT)
Ngurthanpuii d/o Dr. Ngurdingliana - III
R. Lalrinkimi d/o Dr. R. Lalthanga - Dist.(L-Mt,SS,Sc)
Christine Lalrindiki d/o Lalphunchhunga - III
Sangthankimi d/o Vanhnuaithanga - II
Lalremruata s/o Zohmingthanga -
Jacob Lalremruata s/o R. Vanlalhmuaki - I
John Vanlalhruaia s/o Lalduhawmi - II
Lalnuntluanga s/o Lalrampuia - I
Lalruatpuia s/o Zosangzuala - I
Jonathan Lalrindika s/o RB. Sanglura - III
Grace VL. Thazeli d/o KL. Malsawma - II
Hranhmingliana s/o John Zoramengmawia - I

That Year

Chanmari Branch KTP Golden Jubilee lawmna Programme pakhat - "Hruaitu Hlui Pual" huna hruaitu hluiten an hunlai chanchin an sawi thenkhat te -

"Hman deuh kha chuan Sumtuakna tur hi a vang khawp a, Mau Mual-a Forest Reserve hmunah te khuan thing phurin kan hnatlang thin a. Mahse thing zawng zawng chu Reserved vek an ni si a, chu'ng thing kan kih hma chuan kan hruaitu pakhat hi a'n tawngtai phawt a, chutah kan han kit mai ta thin a. Khatia a tawngtai phawt khan sawrkar thil kan tihsual kha a nep deuh kan ring emaw ni?"

• "Tum khat chu sumtuakna atan Branch KTP-in Chanmari kawnah Carnival kan nei a, a nuam kher mai. Kawnah hrui kan thlung a, kha hrui kana Chanmari kawn kal tlang tur apiang hnenah pawisa kan khawn zel. Pindan mak kan siam a, a hlawk fu. Tin, kan thahnemngai lutukin Hupthuk te, Three-Card te kan ti a, chu erawh Kohhran Committee chuan a lo helh deuhva, chutih laia an Leader chuan Committee hmaah ngaihdam a dil hial! Mahse sumtuakna hlawk tak a ni!"
• "Tum khat pawh Ramthar Field-a zinna turin Town Bus 4 kan hire tawp a. KTP hruaitute Bus Conductor-ah kan tang a, Bus chuangte hnenah Bus kan hire chhan kan sawi pah zel a, tlaia kan haw chuan a hlawk ka ti hle a niang, chumi zan la la chuan kan committee nghal a, a tukah Bus 10 hire kan passed nghal"
• "Sound Box Lian hi a thum duh an ti bawk a, kan KTP Sound Box siam pawh kha a lian tha khawp mai. Mahse a speaker lian lam kan ngaihtuah si lova, a thum der lo. Kan lilam a, Hruaitu pakhatin a khul a, Wardrobe atan an hmang daih"
• "Kawnpuia KTP Conference-ah khan Bass Guitar introduce kan duh si a, kan veng mistiri pakhatin a tuk a, palai thlenniah a rawng a hnawih chauh si... TMB chungah kan lek ro thla chawp ta mai mai a nih kha!"
  
• "Tum khat pawh sumtuaknan Lalkulha te inchai kha Branch KTP-in kan huaihawt a, a hlawk fu!"

Rain At Last!

Hun rei tak chhung ruah sur lova kan khawsak hnuah 26th March 2009 tlai lam khan 2009-a a vawikhatna atan ruah a sur ta. Ruahsur hma hian khua a zing mup mai a, tlai lam dar 2:30-3:00 vel te phei kha chuan khua a thim mup mai a ni. Hun engemaw chen nasa vak lovin a sur a, thlai leh pangpar te tan chuan a lawmawm hle ang. An huh hlep mai a, an no ser hian a hriat. Tin, khua a tithiang nuam hle.

Khapna Thupek

A lo rutu hian chhiar ve tak ang maw? Hetianga Mizote'n mahni thil pawh nilo, mi thawh hah sa ruk kan ching hi a thalo hle mai. Kristian ram inti si, dik lohna a hluar  hle.  Kan Sawhthing thartute pawhin a buk tih rihna atan lung/lei tlang an dah thin an ti. Mizo thingzai ai chuan vai(Hindu) thingzai a dik zawk an ti bawk. 

Hetiang hi chuan kan ram dehchhuahte kan thawhnchhuah kawngah malsawmin kan awm lo palh mai ang tih a hlauhawm hle. Rinawmna tello chuan eng pawh hi a tluantling thei tak tak lo.

Khawkheng Effect

Kumin hian Mizoramah ruahtui a tla tlem hle a. A bikin Aizawl leh a chhehvelah phei chuan ruah a la sur lo a ni. Hemi avang hian thlai pawh a duah har em em a, a rah sate pawh a vuai zo an ti. Hetianga khawkheng hi tun hnaiah sawi tur a tlem hle a niawm e.  

Tin, March thla hi Mizo lo neih dana "Lo hal hun"a nih avangin meikhu a nasa hle mai a. Lo mai nilo, ram thalai pawh a kan nasat avangin Mizoram nungchate leh ngaw chuan a tuar dawn hle. Chubakah meikhu a nasat avangin Thlawhna a tum thei lo (Clear visibility mamawh tawk neih theih loh avangin). Tin, kumin hian meikhu a nasat avangin natna hrang hrang a leng nasa bawk tiin thil chik deuhte chuan an sawi.

KTP Jubilee

Chanmari Branch KTP-in Golden Jubilee a lawm mek a, a lawm runpui chu 23rd March, 2009 zan khan a tawp ta. Jubilee lawmpuina thilpek hi Kohhran Committee, Kohhran Hmeichhe Committee, Member inphal tak takte atangin an dawng a, Tin, TKP, Chanmari Unit te, Dawrpui Branch KTP te, Zarkawt Branch KTP atangtein thilpek an dawng bawk. Thilpek zawng zawng hi Rs 200000.00 (Nuai Hnih) chuang zet a ni.

Jubilee Camping chu July-August, 2009-ah neih a ni ang a, Jubilee kharna Programme chu 27th October, 2009-ah hman a ni ang. Hemi zan hian Jubilee Souvenir tlangzarh a ni nghal ang.

Y Road

Y-Road (Section II), Laipuitlang atanga Chanmari panna kawng chu Bialtu MLA Pu Lalthan Zara (Patea) hmalakna azarah PWD Department chuan an siamtha ta. Tunkar khan he kawng hi Metalled (Black-topped) a ni a, lirthei leh kea kalte tan a awlsam phah hle. He kawng hian veng mipuite tan remchanna tam tak a thlen ngei a beiseiawm.

chapchar kut

Chanmari Branch KTP Jubilee

16th March, 2009 (Thawhtanni) zan dar 7:00 khan Chanmari Branch KTP chuan an Branch Golden Jubilee lawmna Programme an hmang tan ta. Chanmari Branch KTP Leader hlui, Upa Lalhrangluaia chuan Jubilee Programme hi a hawng. Tin, hemi zan hian Branch KTP-in Audio Album an siam panga-na "Hmangaih Vangin" tih chu Upa Lalrinmuana, Gen.Secretary, Central KTP chuan a tlangzarh (He Album-ah hian Zaipawl, Solo leh Instrumental Music te a awm a, 21st March 2009 atangin zawrh chhuah a ni ang). Inkhawmah hian Nl Lalrinawmi (Rintei) chu a zai bawk. Tin, inkhawm banah hian Jubilee Meichher det a ni a, Pu PC Thandanga, Dawrpui (Jail Veng), Chanmari Branch KTP Leader hmasa ber chuan Meichher hi a dep kai.

Chanmari Branch KTP hi 23rd March, 1959 khan Member 20 neiin din a ni a, kum 50 zet a vei hnu, kuminah hian member 1175 zet an tling tawh a ni.

JUBILEE LAWMNA PROGRAMME

• 17th March 2009 (Zan) - Jubilee Sports Kharna (Kohhran Hall)
• 18th March 2009 (Zan) - Missionary Nite (Biak In)
• 19th March 2009 (Zan) - Variety Programme (Kohhran Hall)
• 20th March 2009 (Zan) - Hruaitu Hlui Pual (Kohhran Hall)
• 21st March 2009 (Chhun) - PC Hospital tan thisen pek
• 21st March 2009 (Zan) - Pathian Biak Inkhawm
• 22nd March 2009 (Nileng/zan) - Pathian Biak Inkhawm
• 23rd March 2009 (Chhun) - Rising Day - Pathian Biak Inkhawm
• 23rd March 2009 (Tlai) - Jubilee Ruai
• 23rd March 2009 (Zan) - Pathian Biak Inkhawm

KA LO KIR EEEEEEEE

K.T.P Golden Jubilee denchhena tawngtai tlaivar zanah Sawhchiar siamin bul a rawn tan a, Jubilee hi a hlawhtling hle tawhah ngaih a ni.

Haleluiah Lalpan a hmu leh ta.

The Other Side

Chapchar Kut lawmnaa thlalak hrang hrangte kan en a, a lawm dan chanchin tlem kan ziak tawh bawk a. Chumi lo lama he kut lawm ni-a rilrua lo lang thenkhat te :-

• Ko pang lungrem hi a chim a hlauhawm
• Dress lamah kan buai vak tawh lo
• "Hmeichhia leh Uite"tih hi a lo dik zel
• Digital Camera a awm hnu hian thlalak en nghal kan chak zel
• Chapchar Kut lawmnaah hian "Age no bar, Caste no bar" ka ti thei ta
• Midang ngaichang lova mahnia hlim thiam kan thahnem ve ta
• Chapchar Kut hi Hnamdang pawhin an lo hlawkpui ve ta
  

chapchar Kut a lam te

chanmari lamthiam te

CCK

13th March, 2009 khan Aizawl-ah Chapchar Kut 2009 hlim taka hman a ni. He Kutah hian Pu PC Zoramsangliana, Minister i/c Art & Culture chu Khuallian a ni a, Pu Lalthanhawla CM chu "Kut Pa" a ni. "Chapchar Kut hi Kristianna nen a hman theih a, kan hmang bawk a ni", a ti. He Kut hi mipui thahnem takin an chhim. Kum dang ang bawkin YMA Branch hrang hrangin hnam lam chi hrang hrang a huhovin an entir a. Chanmari Branch YMA member engemaw zat chu hetah hian an va tel ve nghe nghe a ni.

Zaithiam hrang hrang Vanlalsailova, Mami Varte, T-Melody, etc an zai a, Drama, Cultural Dance, Costume parade, etc entir a ni bawk. T-Melody te zai hian lawm a hlawh bik hle.