24th February 2009 khan Village Council Member turte chu Mizoram Sawrkarin a lo ruahman angin thlan an ni. Chanmari Veng-ah pawh veng hruaitu turte chu Chanmari YMA Hall-ah thlan an ni. MPF chu he inthlanah hian an duty a, KTP member-ten MPF hi an tawiawm. VC inthlannaah hian Indian National Congress-in mi 6 an candidate a, Tangrual (MNF,MPC & ZNP) ten mi 5 an candidate. Vote nei zawng zawng 3145 vel zingah mi 1555-in vote an thlak a, 49.45 % vel vote a tla a ni.
Inthlan result hi zan dar 6 atangin chhiar a ni a. Zan dar 10:15 velah result hi peihfel a ni. Vote chhiarna atan hian Pu Vanneihtluanga chuan Computer thiamna hmanga Programme a duan chuan hna a ti awlsam hle.
He VC inthlannaah hian Indian National Congress party candidate zawng zawng an tling vek. hetiang hi vote hmuh dan a ni :-
Pi Lalzuali - 1143
Pu Lalzuiliana - 1080
Pu LT Sanga - 1035
Pu Lalkhumtira - 998
Pu T.Lalhluna - 990
Pu R.Lalhmachhuana - 915
Inthlanna hi boruak muanawm taka tlingtlak fel a ni a, Pu R.Sangliana chu he inthlannaah hian Returning Officer a ni. Tin, VC member thlantharte zingah hian Pu Lalzuiliana leh Pu R.Lalhmachuana te hi Chanmari Branch YMA Executive Member nilai an ni.
4 comments:
Voters in va ngah bik ve! Keini 1959 chauh kan awm, kan veng hi a len ang huin mihring kan tlem tlat. Keini chu Cong. 4 leh MNF 1 ani.
Kan vengah chuan hman atang toh khan Congress leh MNF bak inbei tur hi an awm ngai meuh lo. MPC tlem awm hian Congress an support vek tohin a hriat. Term hmasaa President (MNF) tih loh chu vawi khat dinna leh tlinna vek an ni.
Voter chu kan tam angreng... vote thlak kan tlem a ni.. kan silchar rickshaw tam tlurh ringawt mai a nih hi..LOL
Keini pawh kan VC ah hian "Change" a awm dawn hmel.
Man Utd lah chuan an ti goal thei der lo lehnghal a! Poilo, Rooney a lut dawn chiah...
Kumin chu change awm teh se, khawtlang leh kohhran tangrual ila, hmasawnna lo thleng tur hi i lo nghak phawt mai teh ang u
Post a Comment