Tuesday, March 17, 2009

Chanmari Branch KTP Jubilee


16th March, 2009 (Thawhtanni) zan dar 7:00 khan Chanmari Branch KTP chuan an Branch Golden Jubilee lawmna Programme an hmang tan ta. Chanmari Branch KTP Leader hlui, Upa Lalhrangluaia chuan Jubilee Programme hi a hawng. Tin, hemi zan hian Branch KTP-in Audio Album an siam panga-na "Hmangaih Vangin" tih chu Upa Lalrinmuana, Gen.Secretary, Central KTP chuan a tlangzarh (He Album-ah hian Zaipawl, Solo leh Instrumental Music te a awm a, 21st March 2009 atangin zawrh chhuah a ni ang). Inkhawmah hian Nl Lalrinawmi (Rintei) chu a zai bawk. Tin, inkhawm banah hian Jubilee Meichher det a ni a, Pu PC Thandanga, Dawrpui (Jail Veng), Chanmari Branch KTP Leader hmasa ber chuan Meichher hi a dep kai.
Chanmari Branch KTP hi 23rd March, 1959 khan Member 20 neiin din a ni a, kum 50 zet a vei hnu, kuminah hian member 1175 zet an tling tawh a ni.
JUBILEE LAWMNA PROGRAMME
  • 17th March 2009 (Zan) - Jubilee Sports Kharna (Kohhran Hall)
  • 18th March 2009 (Zan) - Missionary Nite (Biak In)
  • 19th March 2009 (Zan) - Variety Programme (Kohhran Hall)
  • 20th March 2009 (Zan) - Hruaitu Hlui Pual (Kohhran Hall)
  • 21st March 2009 (Chhun) - PC Hospital tan thisen pek
  • 21st March 2009 (Zan) - Pathian Biak Inkhawm
  • 22nd March 2009 (Nileng/zan) - Pathian Biak Inkhawm
  • 23rd March 2009 (Chhun) - Rising Day - Pathian Biak Inkhawm
  • 23rd March 2009 (Tlai) - Jubilee Ruai
  • 23rd March 2009 (Zan) - Pathian Biak Inkhawm

4 comments:

A_es said...

Kan Jub kharna 2005 kha kan theihnghilh theilo - Inkhom banah a kal zz in Biak in tualah 'Kan Pathian kulhpui nghet ani'tih kan sak zawhah tuma rin loh takin fire works mawi tak2 kan hal thut....

Thingpui in zawhah motor nei zz ten rawn hawl chhuakin Azl khopui kan fang, flag hrang2 kengin tawngtai rualna te nei bokin, kan kham lo kher asin, athenin an lo hawng leh dek2 thul....

Craftsmen said...

chanmari Ktp Member zawng2 te,duhsakna sangber hlan chungin chibai ka buk e.Kum 50 chhung Ktp hruai a,Malsawmna tamtak lo vurtu Kan Pathian hnenah Ropuina leh chawimawina zawng2 i hlan ang u.

Khawvel danglam zelah mihring nun leh duhzawng a danglam thin,Kan Pathian erawh a pangngai reng,Kum 50 ralta a duhdan kha,Kum 50 lo awmturah a duhdan ani zel ang.A duhzawng thlir zelin Rinawm takin a rawng i bawl zel ang u."RAWNGBAWL TURA CHHANDAM'kan ni si a.

Pezo said...

Thanks, Nunpuia, I duhsakna avangin kan lawm e. Heta i sawi, "Pathian Duhdan a pangngai reng"tih hi a tha khawp mai. Ka lo vei ve thin a ni. Tunlaiin "Sual kan palzam ta lutuk"hi Thalaite inngaihtuah harh a hun tawh khawp mai.

htta said...

dam leh hrisel taka golden jubilee hmang theia kan awm hi kan vannei hle, mahse thalaite hian kan vanneihna hi kan hre thiam lo, thil eng emaw lo thleng satliah ve maiah kan ngai tlat.