Thursday, April 23, 2009

Reached Final

23rd April, 2009 chhunah khan CYMA Inter-Branch YMA Cricket Tournament 2009 Semi Final chu Chanmari Branch YMA leh Chhinga Veng Branch YMA Cricket Team ten an khel a, Vanneihthlak takin Chanmari Branch YMA chuan Run 31 zetin hnehna a chang.

Vawiina Semi Final khelhah hian Chanmari Branch YMA chu Toss-ah chakin Batting an thlang a, Lalfakzuala'n 62 runs a siam a, Chama'n runs 43 zet a siam bawk. Tichuan over 20 chhungin run 156 an siam a, wicket 5 an hloh bawk.

Chhinga Veng lam hian bat velehin Jonathana'n run 49 a siam a, Chhandama'n run 17, Reggie-a'n run 14 an siam a, run 125 siam hmanin an all-out ta a ni. Chanmari Veng lam atangin Captain Ch.D-a chuan Wicket 3, Tetea'n Wicket 3, Victor-a'n Wicket 3, Lalfakzuala'n Wicket 1 an la a ni.

Semi-Final Match lehlama lo chak tawh Ramhlun Venglai Branch YMA Cricket Team leh Chanmari Branch YMA Cricket Team te chuan 25th April, 2009 (Saturday) 11:00 AM-ah hian AR Lammual-ah Final hi an khel ang. Anni pahnih hi nikum Final-ah khan an lo intum tawh bawk a, Ramhlun Venglai Branch te hi Champion lai an ni.


2 comments:

A_es said...

Hlauthawng su..an champ leh ngei dawn...Pic chu nalh thei phian

Pezo said...

Champ se chu ka ti khawp mai... Mahse Game chu vanneihna hian a keng thui em a ni..Inkhel en ai mahin photography lam kha buaipui a awl zawk.. A chang chuan an OUT tih hre lovin ka lo hmet vel.. LOL