Chanmari Branch YMA President, Pu Lalhmangaiha
29th May, 2009 (Zirtawpni) zan khan Chanmari Branch YMA chuan Chanmari YMA Hall-ah 6th Central YMA Inter-Branch Cricket Tournament (2009)-a Champion a nih leh Central YMA Athletics Meet, 2009-a hlawhtlinna ropui tak Chanmari Branch YMA-in a chan chu ropui takin a lawm. Khuallian chu Pu Lal Thanzara, Bialtu MLA leh Parliament Secretary to the Govt. of Mizoram a ni.
Chief Guest - Pu Lal Thanzara, CBYMA Cricket Team, Pu C.Vanlalnunga
He Championship lawmna inkhawm hi Pu Lalhmangaiha, President, Chanmari Branch YMA chuan a kaihruai a, Pu C.Vanlalnunga chuan hunserh a hmang. Secretary, Sports Sub-Committee hnen atangin Cricket Tournament leh Athletics Meet-a Chanmari Branch YMA-in hlawhtlinna a neih theihna atana a kawng lo zawhte report ngaihnawm tak ngaihthlak a ni. Khuallian, Pu Lal Thanzara chuan Infiammite hnenah hian chawimawina Certificate leh ngaihhlutna thilpek a hlan vek a, chumi hnuah kalkhawmte hmaah thu a sawi.
Secretary,Sports Sub-Committee-in report ngaihnawm tak a pe
Khuallian chuan Mizoram State-in Cricket lama hma a lakna chi hrang hrang a sawi zingah Cricket Bowling Machine lei a nih thute, tun atanga reiloteah mumal zawka Cricket Coaching/Training pek a nih tur thu a sawi. Tin, Sihhmui rama Cricket Ground atan DONER atanga Crore tam tham tak hmuh mai tur thu a sawi a, Mizoram State Stadium tur Mualpui hmuna ruahmanna chak taka kalpui mek a nih thu a tarlang bawk. Tin, Khuallian hian Wumbrand Road (Sec-II huam chhung) siamthat hna zawh fel thu a report a, Y-Road kawng lehlam (PWD Workshop, Laipuitlang to Primary School) atana Sawrkarah (US & PA kaltlangin) ruahmanna siam mek a nih thu a sawilang bawk.
Khuallianin lawmman a sem a, thu a sawi; Pu Lalrinkima, Chairman Sports Sub-Committee
Khuallian hi Pu Lalrochuanga, President, Mizoram Cricket Association leh Chairman, Sports Committee, Central YMA ni kawp chuan a rawn tawiawm a, ani hnen atang pawh hian lawmpuina leh duhsakna thu ngaihthlak a ni.
Pu Lalrochuanga; Chairman Sports Committee CYMA; Cricket Team; Athletes
Pu R.Lalrinkima, Chairman, Sports Sub-Committee chuan lawmthu sawiin Pu Peter Zohmingthanga chuan Pathian hnenah lawmthu sawia tawngtaiin he inkhawm hlimawm tak hi tin a ni ta a ni. He inkhawm zawhah hian Thingpui ruai tuihnai tak kilho a ni a, a hnuah Concert & Harhfim Freestyle hman a ni ta a ni. Hemi hunah hian veng pawn atangin heng mite hian kalkhawmte hi an awi - 1) C.Sanga, 2) Josephine 3) Lalropuii Pachuau 4) Jubilee Band
Jojo; C.Sanga
5 comments:
infiammi te tana kan theih tawka an chunga kan tih hi kan bat ve a ni. an niin veng an tihmingthaa, kei niin kan chawimawi thung. Chutirh rualin a huaihawttu lamte inzir tur kan la ngah hle mai.
Veng ti hmingthatute in chawimawi thiam e.
Hetianga chawimawi tur hi kan nei tam vak lo thrin a, a awmchhunte hi chu theih ang anga chawimawi an phu thrin
Hetianga chawimawi tur hi kan nei tam vak lo thrin a, a awmchhunte hi chu theih ang anga chawimawi an phu thrin
chawimawi an phu a,in chawimawi a a thra khop mai a..kan inchawimawi thiam zel hi a thra a ni..Hetiang ang hun te mi veng in kan la tih tam vakloh ti hmasa tu veng inni thei hi a ropui lehzual ngawt mai...kan inchawimawi danah hian Pathian Ropuina hi lo lang tel zel bawk sela nakin zel a tan pawh...
Post a Comment