Saturday, July 04, 2009

TAITESENA RUHRO - Khuallian atan hman a ni

Taitesena ruhro hian kum 1976 YMA khawvel a nghawr hneh hle. Kawrthah khuaa Taitesena tupa Pu Lalmawia hnen atanga phalna lain Kawrtethawveng Branch YMA-te chuan 1976 March ni 9 khan an phawrh a, Taitesena hi Khalhvuuga Khiangte leh Dovi Pautute fapa a ni. Kum 1904-a kum 22 mi niin a thi.

Chumi kum August thla lamah chuan Central YMA hotute’n Taitesena, chu Aizawla zin tur leh Kolasib-a YMA General Conference hmang tura sawmzai an rel ta a, a phawrhtute’n an lo phal em em bawk. Kawrtethawveng atangin September ni 15-ah an rawn zawn chhuak a, Pu R. Tlanghmingthanga leh Pu Lalhmachhuana’n Sairangah lo hmuakin ni 17-ah Aizawl an rawn thlen a. Reception Committee-in a ruahman angin Chaltlang Dawrkawnah CYMA hotute’n an lo hmuak a, Scout and Guides hovin chibai an buk a. Chanmari kawnah zawitein an chhukpui a, hmuaktu mipui tamzia chuh! pawl tinreng chibai leh pangpar thi hi a vumin a vum a ni ber mai. Inkhawm zawhah Scout leh Guides-te’n hma an hruai a, Z.U.P lamin Kuang an zawn a, tlai dar 5-ah Central YMA Office, Threatre Hall-ah luhpui a ni ta. A hnu lawk YMA General Conference Kolosib-ah Khuallian atan phurhthlak a ni a. Kum 14 emaw lai Central YMA pisa a nghah hnuin 1990 January ni 17 khan hotute’n Kawrtethawvengah an phur thla leh ta a ni.

2 comments:

htta said...

Tlawmngaiha Mizoram puma lar Taitesena nunah hian thangthar te hian entawn tur kan ngah hle. Chu mai piahlamah thian chhan thih ngam a nihna hian a ropuizia a tilang a ni. Chutih rualin tlawmngaih avanga miin an sawi apiang tihhlawhtlin tum erawh a fuh kher lo thei. Mahse, Taitesena nuna erawh chu chu a bet tlat. Tihhlawhtlin ngei a tum thin. Tunlai kan khawvel nen chuan a inhmeh ber tawh lo in ka hria.

A_es said...

Ni e, dada sawi ang khian Taitesena nuna entawn tur tam tak awm hi inzirtir angai leh hle tawh ani.
Pic khian lung a tileng kher mai...khilai hmun chu ka hriatchian ve naupan lai poha kan tal tamna ber.