Saturday, August 01, 2009

NAUPANG ENKAWL THAT A PAWIMAWH

Tunlaiin naupang pawikhawihna avanga thihna hriattur a awm zeuh zeuh ta mai. Hei hi a pawi hle a ni. Naupan lai atanga thil tha inzirtir lo a, puitlin hnua thil tha inzirtir leh hi a sawt mawh khawp mai. Naupang chu a kalna awm kawngah zirtir ula, a upat hunah pawh a thlah lovang tih a nih angin fanau te hi khawvel ro sum leh pai aia hlu an ni tih hriat chian a pawimawh.
Naupang enkawl chungchangah nu leh pate mawhphurhna a sang hle a. An thian turte thlenga thlansak a tul hle. Nu leh pa thenkhat chu fate chhan ti na em em, an sual a ni tih hriat reng pawha midangte puh tlat emaw zeppui tlat an awm thin. Chung zingah chuan naupang an tha thei lo. Naupang thil ngen a piang pek tum ringawt mai te hi a thatlohna tam tak awm thei. Naupang duat kawngah pawh fimkhur a tul khawp mai, duat sual awl tak an ni.
Chutih rualin naupang zirtirna tha dawng ve pha lo tam tak an awm thei bawk.
Juvenile Justice Act hnuaiah Sorkar chuan naupangte nasa lehzuala humhim a duh a. Thuchhuah a siamah chuan naupang kumtlinglo thiltih sual vanga man te chu police thuhnuaiah emaw, jail-ah emaw kum 3 chhung aia rei an tang tur a ni lo a ti.
Child Welfare Committee pawhin naupang enkawl leh chhanchhuah ngaite chungchang hi chawlhkar tin; thawhlehni emaw, nilaini emaw hian ngaituahin an thukhawm thin.
Naupang enkawl leh venhim ngaite vengchhungah an awm chuan Child Welfare Committee-ah hriattir thin turin Chanmari Branch YMA chuan veng mipuite a ngen.

5 comments:

Craftsmen said...

Naupang enkawl hi thiam a har a,tu nu leh pa nge thiam in ti hi an vang hle ang..Amaherawhchu in ziah ang hian kan Bible in min hrilh hi 'Naupang chu a kalna awm kawng ah hian zirtir ula....''
tih ringot poh hi nu leh pa tamtak chuan har kan la ti tlang hle a niang.kanfate ai a inkhawm thatchhia te kan awm ta fur mai. sawitur a tam hle awm e..

Nu leh Pa leh thalai nupui/pasal la nei tur te poh in kan hriat sa mahse kan thinlungah ri nawn fo se ka duh chu tawngka mai a fuihtu nilo a,a taka kawngdik kan hruai zel hi a poimoh.kan thinlungah lo ri nawn fo teh se..

htta said...

Fate enkawl that hi thil har tak a ni ngei ang. Kohhran upa/ Pastor fate tha tak tak awm laiin a tha lo pawh sawi tur an awm nual mai..

Chicco said...

@htta, Pastor fa sual ka nihlai i sawi chhan em? hehe. Uang mai2. Ka chapo dawn hian ka hrechhuak thin a. ka sual lai ka hriatchhuah hian min bengdai leh thin. Setana duhzawnga ka lo awm thinna chu ka chapo loh nan Pathianin hmanruaah a hmang ta zawk si. (thildang daih ka rawn sawi nih chu.)
Fa enkawl hi chu awwwwwwwww, master degree lak har ber aniang. Tawngtai chung hian enkawl ve zel phot mai teh ang.

Dada said...

Naupang engkawl han tih dawn chuan kal experience ve lo a..sawitur ka ngahlo khawp mai...mahse hengtiang thu tha tak2 hmang hian ala neilo tana inzirna te pawh a om a...ka hlawkpui khawp mai....

A_es said...

Thu tak tha anih kha...engtikah tak maw apply ve thei ang awwwwww...A tlangpuiin fate enkolah hian ka hmuh dan chuan Mizote hi kan hlawhchham ani top...