Sunday, September 27, 2009

SABEREKA KHUANGKAIHIN A LAK MI 4 RUANG HMU KIM

Sabereka khuangkaihin a lak mi 4 ruang chu vawiin ni 27.9.2009 (Pathianni) khan hmuh kim an ni ta. (Pick Up driver, Malsawmdawngliana (25) Sesawng khua, tuna Electric Venga cheng, handyman, Lalthlamuana, Ratu, Lalrinchhunga (20) Bethlehem leh Lalfamkima (27) Chhinga Veng)

Ruang pahnih chu Tuirial leh Muthi lui infinna bul suarah hmuh an ni a, pahnih dang chu Tuirini chhuah kaiah leh Nausel bul, sih lui bulah hmuh an ni.

Ruang zawng te hi Branch 18 an ni a, Chanmari Branch YMA atangin mi 200 chuang zet an thawkchhuak a, City Bus 3 leh motor eng emaw zat thawhchhuahpui a ni.

4 comments:

htta said...

Sabereka khuangkaihin a lak, boralte a pawi ka tihpui hle. An chhungte Pathianin vengin thlamuan zel rawh se.

Ruang zawnga kal tlawmngaihna a ropui takzet a ni. Chet a huna che chhuak nghal thei mi engemaw zat Branch tina an awm hi YMA tan chuan a thlamuanthlak hle a ni. Kawng hrehawm tak tak karah pawh rual u zawkte (kan pa rualte) kaih ngaih miah lova luidung an han zawh tluanchhuak parh te kha an tlawmngaihna a ropui hle.

Vawiin ni chu Mizo tlawmngaihna tam tak a taka hmuin ka inhria...

YMA chu CHAWIMAWI, SUM LEH PAI phut lova midangte tana THILTHA tih a ni si a.

A_es said...

Nokia N73 chu alo fiah hle mai
Pic 3 TT Board lanna khi khawilai nge?

* Hetiang hi kn tawng zeuh² ta mai a, hetia mipuiin chim huk hian thil fello tam takte poh a thleng thei fo zawkin a hriat......
Kan Police & Assam Rifle-te hi hetiang pui thamah hian tir vat thin se sorkar hian (Ram danga Fireman-te poh min hriatchhuah tir rum² mai). Assam Rifle-te hian bel nawh/canteen nghah/tawtawrawt ham leh an awmhmun tihfai bak enge an tih, chutiangin kan Police tam takte poh hian eng em² nge an thawh, an tih tur ber ral bei tura tirh lahin...Hmmm sawi peih tawh lo :)
2 be continue peih tak leh :)

Pezo said...

@A_es TT Board lanna khi chu kan YMA Recreation Room (YMA Hall hnuai chiah) a nih khi. Ruang zawng tura chhuak khawmte kal hmain Instruction inpe lai a nih ka ring.
Ruang an hmu kim leh ta hrim hrim hi a lawmawm hle. Tin, mi khati zozai chhuakah inhliam leh chesual kan awm lo te kha a vanneihthlak hle

A_es said...

ty pezo. Ruang zawnna lai vela building awm emaw ka ti mai asin! :)