Saturday, December 12, 2009

H. Lalhlimpuii (Mapuii) kan then ta

H. Lalhlimpuii (Mapuii) (45), Section-III hi Pu J. Rohmingliana leh K. Rochhumi te fa panga zinga a naupang ber dawttu niin ni 20.8.1964 ah Lungleiah a lo piang a. A pianpui unaute , an upat dan indawtin:

1. Hmardingliani Hmar w/o Lalrinzuala
2. J. Laltanpuia h/o Lalrammawii
3. Varparhi w/o Lalrinmawia
4. Lalbiakdiki

Zirna lamah chuan Lady Keane College, Shillong-ah PU zovin Kolkata-ah Steno a zir leh a. Kum 1988 khan Lalhminghlua nen an innei. Kum 1994 khan Chanmari vengah an khawsa tan a ni.

Amah hi Pathiana innghat tlat mi leh thilpek ngai pawimawh em em thin a ni. Kum 2009 January thla khan chhul cancer a nei a ni tih hriatchhuah a ni a. January 2009 khan Mumbai-ah inenkawl turin an kal a, May leh August 2009 ah in checkup turin an kal leh a. In lamah theihtawp chhuaha enkawl a nih hnuah ni 12.12.2009 (Inrinni) zing dar 5:45 khan chatuan ram min lo pansan ta a ni.

5 comments:

A_es said...

A va mak e aw....nangni poh hi in thi hnem ve ta riauin ka hria..engzat chiah nge hre thei m??

Pezo said...

Puii te nupa hi an inkawmngeih si a, fa an nei bawk si lo. a pasal Pu Hminghlua a khawngaihthlak khawp mai.

A_es said...

Hman atangin ka au pui tawh, mitthi in neih zat hi tuman min la chhang lo, sob sob sob :(

anohch29 said...

Aes.....mitthi 19, ruang chhuak 8, ruang khual 2.

I fel e.... kan lo chhang har che chu a pawi hle mai....

A_es said...

@anohch29. A lomawm e, ka rin loh berin min chhang nalh mai. ka hre chak sim2 alom le, haha. Hman atang tawh khan zawhna vawi 3 vel ka siam tawh maithei chhanna ka hmu theilo re2 ani :)
Rin ai tak chuan in la nghah leh si lo anih hi. Keini kan Kohhran ringot poh 28 chuang an nia, hemi bakah hian kohhran dang an la thahnem khop mai. Khawhar chhungte tlawh tur poh kan ngah don khop mai tun Ningani chu.