Our Athletes won Medal

(Pu Lalhmangaiha, President CBYMA with Trophy bagged by athletes)

Nimin, 25th April, 2009-a Cricket Final Match tan hma khan Central YMA chuan kar hmasa lama Aizawl District Inter-Branch YMA Athletics Meet-a lawmman an sem a, Kan Branch chu a pumpuiah pathumna niin Bronze Medal kan la. Heng kan infiammite hi 5th May, 2009 (Tuesday) hian Mizoram pum huapin an inel leh dawn a, Gold Medal la theuh turin duhsakna kan hlan e.

Repulsive is the word!Would you recommend this to your family?

He thlalak ka en hian tuibur hi a hrisel ka ring lo khawp mai.....enge i ngaih ve dan??

We are the Champions!

Vawiin 25th April 2009 khan kan Branch tan chuan ni chhinchhiahtlak tak a ni awm e. CYMA Inter YMA Branch Cricket Tournament 2009-a Branch 29 zet zingah Champion Branch kan ni ta.

Final hi Ramhlun Venglai Branch YMA nen kan khel a. Toss-ah kan chak a, Fielding kan thlang. Ramhlun Venglai lam chuan bat hmasain Lalchhuanliana chuan run 12 a siam a, over 11-naah all out-in run 54 an siam hman a ni. Chanmari lam atangin CH.D-a chuan wicket 2, OP-a leh Zoduhsanga’n Wicket 3 ve ve lain Ramhlun Venglai Player 2 run out an ni.

Tichuan Target (55 runs) chu umin Chanmari Branch lam chuan an bat ve a, Zorema’n run 14, Zothansanga’n run 20, Lalhmingliana’n run 6 siamin over 12 naah wicket 3 hlohvin target hi kan khum hman. Ramhlun Venglai lam atangin Lalchhuanliana’n Wicket 2 a la a, Robert-a’n wicket 1 a la bawk. Chutichuan vanneihthlak takin wicket 7-a chakin 2009 CYMA Inter-Branch YMA Cricket Tournament champion kan ni ta a ni.Lawmman atan Trophy leh tangka fai, Rs 20,000/- kan dawng a ni.

Tin, Individual prize hetiang hian an dawng :-
Best Batsman - Lalfakzuala (Chanmari)
Best Bowler - Frederick Zosangzuala (Govt Complex)
Most Valuable Player - Lalmalsawma (Ramhlun Venglai)

Sawi tawh angin kumina CYMA Cricket Tournament hi kan veng pa, Pu C.Laltanpuia chuan an fanu Rebecca Vanlalruati hriatrengna atan a sponsor a ni. Vawiina inkhel en hian veng mipui kal kan thahnem hle. Chutiang bawkin Ramhlun Venglai lam pawh an phur tlang hle. Inkhel tan dawn leh kan chak hnuah Chanmari Anthem chu play a ni a, rilru a kal thui duh hle. Inkhel zawhah Chanmari kawnah innghak khawmin lawmthu sawina neih a ni bawk.

Reached Final

23rd April, 2009 chhunah khan CYMA Inter-Branch YMA Cricket Tournament 2009 Semi Final chu Chanmari Branch YMA leh Chhinga Veng Branch YMA Cricket Team ten an khel a, Vanneihthlak takin Chanmari Branch YMA chuan Run 31 zetin hnehna a chang.

Vawiina Semi Final khelhah hian Chanmari Branch YMA chu Toss-ah chakin Batting an thlang a, Lalfakzuala'n 62 runs a siam a, Chama'n runs 43 zet a siam bawk. Tichuan over 20 chhungin run 156 an siam a, wicket 5 an hloh bawk.

Chhinga Veng lam hian bat velehin Jonathana'n run 49 a siam a, Chhandama'n run 17, Reggie-a'n run 14 an siam a, run 125 siam hmanin an all-out ta a ni. Chanmari Veng lam atangin Captain Ch.D-a chuan Wicket 3, Tetea'n Wicket 3, Victor-a'n Wicket 3, Lalfakzuala'n Wicket 1 an la a ni.

Semi-Final Match lehlama lo chak tawh Ramhlun Venglai Branch YMA Cricket Team leh Chanmari Branch YMA Cricket Team te chuan 25th April, 2009 (Saturday) 11:00 AM-ah hian AR Lammual-ah Final hi an khel ang. Anni pahnih hi nikum Final-ah khan an lo intum tawh bawk a, Ramhlun Venglai Branch te hi Champion lai an ni.

More Pics

Advanced to Semis

A tawpa tawpah chuan Ruahsur reng karah Chanmari Branch YMA leh Chaltlang Branch YMA Cricket Team-te chuan CYMA Cricket Tournament 2009 Quarter Finals chu an khel thei ta. He Match hi vawiin, 21st April, 2009 (Tuesday) chhunah AR Lammualah an khel a, Vanneihthlak takin Chanmari Branch YMA Team chuan an khingpui Chaltlang Branch YMA Cricket Team hi run 81 zetin an hneh a, Semi Final an inhlang kai ta. Semi-Final Match hi 23rd April, 2009 (9:00 AM) -ah AR Ground-ah Chhinga Veng Branch YMA Cricket Team nen an inkhel ang.

Vawiin inkhelah hian Chaltlang Branch hi Toss-ah chakin Fielding an thlang a. Chanmari Team atangin Zoremliana chuan run 63 zet a vaw chhuak a, Lalhmingliana chuan run 21 a vaw tling bawk. Over 20 khelin Wicket 8 an hloh va, run 150 an siam tling a, Chaltlang Branch atang hian Lalrindika chuan Wicket 5 zet a la a, Joseph-a'n Wicket 2, Israela'n Wicket 1 a la bawk.

Chaltlang Branch lam hian Bat ve lehin Lalmalsawma chuan run 16 a siam a, Over 16.3-ah all out in run 69 an vaw chhuak hman a ni. Chanmari lam atangin Captain Ch.D.A chuan Wicket 3 a la a, Zoduhsanga leh Lalfakzuala ten wicket 2 ve ve, Victor leh O.P.A'n wicket 1 ve ve an la. Tichuan Chanmari Branch YMA hian Semi Final thleng turin Chaltlang Branch YMA te hi Quarter Final Match-ah Run 81 zetin an hneh ta a ni.

(Zorema scored 69 * Two openers-Zorema & Hmingliana)

(Chak lawmnan Carpet an zial a, an zawn, CHDa-Hitting the Stumps)

(Celebrations at the fall of wickets * Planning the game)

(The game)

More Pics

Tual Upa thlang

Kumin Chanmari Pastor Bial Inkhawmpui (Vawi 34-na) khan Chanmari Kohhran chu a dilna angin Tual Upa 3 thlan a phalsak a. Chumi bawhzui chuan Chanmari Presbyterian Kohhran chuan vawiin chawhma inkhawmah khan Kohhran Committee member (Tual Upa) tur chu thlang a, Vote 1096 a tla a ni. (Tual upa atana tling tur hian Vote tla zawng zawng(1096) atanga a zatve (548) hmu tling nih a ngai).

Tual upa atana thlan tlinte chu :-
1) Dr.T.Lalzoliana
2) Pu Zionparlawma (Leader, Chanmari Br KTP)

On our way to Victory

State Level Inter-YMA Branch Sports Meet - 2009, 5th May, 2009-a Aizawl AR Lammual-a neih tur atan Aizawl District aiawh turin heng Discipline-ah te hian Chanmari Branch YMA chu a tling (qualified) a, Branch hminga infiammite chungah YMA chuan lawmthu a sawi

Javelin Throw (M) - Kevin Malsawmtluanga (Sec-IV), 2nd Postn (41.50m)

100m Race (W) - Amy Lallawmpuii (Sec-IV), Ist Postn

Long Jump (M) - Zoremliana (Sec-IV), Ist Postn (6.05m)

Relay (M)

Relay (W)

Heng Chanmari Branch YMA Member, veng hminga tel turte hi Chanmari Branch YMA chuan ram pum huapa Pakhatna ni ngei turin duhsakna a hlan.

Hetih lai hian CYMA Volleyball Tournament-ah Mens Team-in Nursery Branch chu 0-3 in an hneh lova, Womens' Team chuan Second Round an lut. 21st April (Thawhlehni) khian an khel leh ang.

They Do

Vawiin, 17th April, 2009 (Friday) chawhnu dar 1:00 khan Dawrpui Vengthar Presbyterian Kohhran Biak Inah Lalthianghlimi (Tete-i) d/o Pu Lalnghinglova, Sec-II leh Robert Zosangliana s/o RL Thantluanga (L), Dawrpui Vengtharte chu Kohhran Dan Thianghlimin an innei. Lalthianghlimi hi Chanmari Presbyterian Kohhran Naupang Sunday School (Intermediate Dept) zirtirtu ni mek lai a ni a, tin, Group KTP leh YMA Section II hruaitu hlun tan a ni. Tin, Robert-a hi an kohhranah Senior Dept Asst Leader leh Branch KTP Committee member ni mek lai a ni.
An inneih lai hian ruah a sur nasa hle a, chuti chung chuan Biak In khat tlatin lawmpuitute an inkhawm a ni. Nupa hlawhtling tak an nih theihna'n duhsakna kan hlan e.

Dating Under Rain

(Dating under rain)

Khua a kheng a, khawvel a ro va, boruak a lum. Mihring kan phunchiar a, nungchate pawh an nguai. Mahse Van ruahtui a lo tla a, thilsiamte tan malsawmna a ni. Chu'ng zingah chuan chawngzawngte pawh an bang bik lo. Ruahsuar kara kawppuite nena "in date"chu an thlahlel ve ngawih ngawih a. Tukin ruahsurah pawh khan heng chawngzawng nupate hian tuma hriatthiampui phak lohvin hlimna thuruk an chang dun.

(Ruahsur karah hlimte'n an nuihiau!)

MP Election

Vawiin, 16th April, 2009 khan Mizoram atanga Lok Sabha MP tur inthlan neih a ni. Chanmari veng tan chuan Govt HSS Building-ah Polling Booth dah a ni. Vote awm zawng zawng chu 3230 a ni a, vote tla a tha lo hle. Vote tla zat chu 1296 niin 40.12% Vote a tla a ni.

Qualified

Vawiin 15th April, 2009 (Wednesday) khan Aizawl District Inter Branch YMA Athletics Meet-ah Zoremliana s/o Ch.Lalrosanga (L) Sec-IV chu Long Jump-ah pakhatna niin Aizawl District aiawh turin a tling leh ta. Tin, Mipa Relay pawh Heat-ah pakhatna niin 17th April hian Final an ti leh ang. Tichuan 17th April-a Final kan hmachhawn turte chu - Relay (M & W), 100m (M & W). Discuss Throw (M & W)

Kan Qualified tawh te :-

Javelin Throw

Long Jump

Tin, 17th April hian Cricket Quarter Final Match (Vs Chaltlang Br) kan khel ang a, Volleyball (M & W) kan khel bawk ang.

Inter Branch YMA Sports Meet 2009

Aizawl District Inter Branch YMA Sports Meet, 2009 (Qualifying) chu 14th - 17th April, 2009 hian Ramhlun Sports Complex-ah neih mek a ni. Hei hi State pum huapa Inter Branch YMA Sports Meet atana qualifying a ni a. Hetah hian Chanmari Branch YMA pawh Item thenkhatah tel in vawiin khan result duhawm tak tak an nei a ni :-

Javelin Throw - Kevin Malsawmtluanga (Sec IV) - 2nd position (41.50 m) Qualified

100 m Race (M) - Kevin Malsawmtluanga (Sec-IV) - Semi Final lut

100 m Race (W) - Amy Lallawmpuii (Sec-IV) - Semi Final lut.

Mens' Relay (200x4) - Semi Final lut

Womens' Relay (200x4) - Final lut

(Kan Branch infiammite hi an tlin zel kan duhsak hle)

*

Heng infiamna chi hrang hranga 1st leh 2nd te hi an qualified dawn a, State Level Inter Branch YMA Athletic Meet-ah District hrang hranga mite nen an inel dawn a ni.

*

He Athletic Meet hi Central YMA, Mizoram Athlltics Association leh Mizoram Tug-of-war Association ten an huaihawt tawm a ni a, kan veng pa, Pu Laltanpuia (Mosia Store) te chuan an fanu 2003-a chatuan ram pan ta, Rebecca Vanlalruati hriatrengna atan he Meet hi an sponsor a ni.