Harhfim Nite

29th May 2009 zana Cricket Championship lawm zawha Concert-cum-Harhfim nite chu

We Celebrate

Chanmari Branch YMA President, Pu Lalhmangaiha

29th May, 2009 (Zirtawpni) zan khan Chanmari Branch YMA chuan Chanmari YMA Hall-ah 6th Central YMA Inter-Branch Cricket Tournament (2009)-a Champion a nih leh Central YMA Athletics Meet, 2009-a hlawhtlinna ropui tak Chanmari Branch YMA-in a chan chu ropui takin a lawm. Khuallian chu Pu Lal Thanzara, Bialtu MLA leh Parliament Secretary to the Govt. of Mizoram a ni.

Chief Guest - Pu Lal Thanzara, CBYMA Cricket Team, Pu C.Vanlalnunga

He Championship lawmna inkhawm hi Pu Lalhmangaiha, President, Chanmari Branch YMA chuan a kaihruai a, Pu C.Vanlalnunga chuan hunserh a hmang. Secretary, Sports Sub-Committee hnen atangin Cricket Tournament leh Athletics Meet-a Chanmari Branch YMA-in hlawhtlinna a neih theihna atana a kawng lo zawhte report ngaihnawm tak ngaihthlak a ni. Khuallian, Pu Lal Thanzara chuan Infiammite hnenah hian chawimawina Certificate leh ngaihhlutna thilpek a hlan vek a, chumi hnuah kalkhawmte hmaah thu a sawi.

Secretary,Sports Sub-Committee-in report ngaihnawm tak a pe

Khuallian chuan Mizoram State-in Cricket lama hma a lakna chi hrang hrang a sawi zingah Cricket Bowling Machine lei a nih thute, tun atanga reiloteah mumal zawka Cricket Coaching/Training pek a nih tur thu a sawi. Tin, Sihhmui rama Cricket Ground atan DONER atanga Crore tam tham tak hmuh mai tur thu a sawi a, Mizoram State Stadium tur Mualpui hmuna ruahmanna chak taka kalpui mek a nih thu a tarlang bawk. Tin, Khuallian hian Wumbrand Road (Sec-II huam chhung) siamthat hna zawh fel thu a report a, Y-Road kawng lehlam (PWD Workshop, Laipuitlang to Primary School) atana Sawrkarah (US & PA kaltlangin) ruahmanna siam mek a nih thu a sawilang bawk.

Khuallianin lawmman a sem a, thu a sawi; Pu Lalrinkima, Chairman Sports Sub-Committee

Khuallian hi Pu Lalrochuanga, President, Mizoram Cricket Association leh Chairman, Sports Committee, Central YMA ni kawp chuan a rawn tawiawm a, ani hnen atang pawh hian lawmpuina leh duhsakna thu ngaihthlak a ni.

Pu Lalrochuanga; Chairman Sports Committee CYMA; Cricket Team; Athletes

Pu R.Lalrinkima, Chairman, Sports Sub-Committee chuan lawmthu sawiin Pu Peter Zohmingthanga chuan Pathian hnenah lawmthu sawia tawngtaiin he inkhawm hlimawm tak hi tin a ni ta a ni. He inkhawm zawhah hian Thingpui ruai tuihnai tak kilho a ni a, a hnuah Concert & Harhfim Freestyle hman a ni ta a ni. Hemi hunah hian veng pawn atangin heng mite hian kalkhawmte hi an awi - 1) C.Sanga, 2) Josephine 3) Lalropuii Pachuau 4) Jubilee Band

Jojo; C.Sanga

Harhfim Freestyle

29th May, 2009 (Thursday) zanah hian Central YMA Inter-Branch Cricket Tournament-a kan Branch kan Champion chu YMA Hall-ah ropui takin lawm a ni ang. Hemi hunah hian Bialtu MLA Pu Lal Thanzara chu khuallian a ni ang a, Cricketers te chawimawina hun hman a ni dawn. Lawmna inkhawm zawhah "Harhfim Freestyle" neih a ni nghal ang!

YMA Member zawng zawng tel tura sawm kan ni. Harhfim Freestyle-ah hian Branch YMA member nilo tan tel ve a remchang lo.

KTP, Aizawl Bethel Presbytery Meet Vawi 1-na

23rd leh 24th May, 2009 chhung khan Kristian Thalai Pawl, Aizawl Bethel Presbytery Meet vawi khatna chu Chaltlang Kohhran Biak Inah tluang taka neih a ni. Thupui chu Lalpa Tih (Thuf 3:7b) a ni. Meet hi 23rd, May (Inrinni) zanah tan a ni a, Palai inlawmna leh Report ngaihthlak a ni. 24th May (Pathianni)-ah chhunzawmin Chawhma Inkhawmah thupui ngaihthlak a ni a, Chawhnu-ah Fakna Inkhawm hlimawm tak hman a ni a, Zanah Chairman hnen atangin thuchah ngaihthlak a ni. Pathianni zan inkhawm banah Fellowship hlimawm tak hman a ni bawk.

He Meet hi Central KTP Gen.Secretary Upa Lalrinmuana leh Synod Choir (Director hovin) chuan an hman pui a, Tin, Rev Dr.R.Lalbiakmawia, Exe.Secretary i/c KTP pawhin a hmanpui bawk.

He meet-a puipate chu :-
Chairman – Upa Peter Zohmingthanga (Chanmari, Chanmari Bial)
Vice Chairman – Pu Laldingliana (Chaltlang S, Chaltlang Bial)
Secretary – Pu Lalremmawia (Chaltlang, Chaltlang Bial)
Asst.Secretary – Pu K.Rorelkima (Ramhlun Venglai, Ramhlun N Bial)
Treasurer – Pu H.Lalsangzuala (Ramhlun Vengthar, Ramhlun S Bial)
Fin.Secretary – Upa JH Vanlalhuma (Edenthar, Chanmari Bial)

Bial KTP OB zawng zawngte chu Committee member an ni a, Presbytery Moderator leh Secretary (Sr) bakah Central KTP Committee member mi 4 (Upa C.Vanlalvuana Asst Secy; Pu C.Lalmalsawma, Tresurer; Pu Robert Lalrempuia, Com Member; T/Upa C.Zarzoliana, Com Member) te leh Bialtu Pastor leh Pro Pastorte chu Ex-Officio member an ni bawk.

Aizawl Bethel Presbytery huam chhungah hian Pastor Bial 4 (Chanmari, Chaltlang, Ramhlun N leh Ramhlun S) te an awm a, KTP Branch 15 a awm bawk.

BIAL HRANG HRANGTE DINHMUN :-
1. Chanmari Bial
Din tan kum – 1975
Indanna Bial – Dawrpui
Bial chhunga Branch zawm zat – 4 (Chanmari, Chanmari W, Edenthar, Chanmari Nepali)
Bial KTP Member zat – 2528

2. Chaltlang Bial
Din tan kum – 1978
Indanna Bial – Durtlang Bial
Bial chhunga Branch zawm zat – 4 (Chaltlang, Laipuitlang, Lily Veng, Chaltlang South)
Bial KTP Member zat – 2016

3. Ramhlun North Bial
Din tan kum – 1981
Indanna Bial – Chanmari Bial
Bial chhunga Branch awm zat – 3 (Ramhlun N, Ramhlun Vengchhak, Ramhlun Venglai)
Bial KTP Member zat – 2097

4. Ramhlun South Bial
Din tan kum – 1999
Indanna Bial – Ramhlun Bial
Bial chhunga Branch awm zat – 4 (Ramhlun S, Ramhlun Vengthar, Ramhlun Sports Complex, Ramhlun Vengthlang)
Bial KTP Member zat – 1737

Metalled

Chanmari Veng thlanin kawt chu metal zawh a ni ta. Hei hian Thlan In leh a vel pawh a tinuam hle.