9th - 13th March, 2010 chhung hian Vanapa Hall-ah Chapchar Kut 2010 Art Exhibition chu Information & Public Relations Dept leh Mizoram Academy of Fine Arts (MAFA) chuan an buatsaih a. He Art Gallery-ah hian Paintings, Photographs, Cartoon leh Artwork thil chi hrang hrang pho chhuah a ni a, tlawhtu mipui pawh a ngah hle.
Movement of Life -- Day & Night
He Gallery-ah hian Chanmari Veng nula, R.lalremtluangi (Tluangi) d/o Pu R.Lalawmpuia, Sec-II chuan a Kutchhuak (Acrylic on glass) pathumte (Day & Night, Movement of Life, Dream of Fire & Passion) chu a phochhuak ve a. Heng Tluangi kutchhuakte hian Gallery entute mit a la hle a, a artwork danglamna hi mite ngaihtuahna hruai nasatu tak niin a lang. He Gallery hawn ni hian Mizoram Chief Minister, Pu Lal Thanhawla chuan heng Nl.Lalremtluangi artwork pahnih (Day & Night leh Movement of Life) te chu a leisak nghal hial a ni.
(Dream of Fire & Passion)
Nl.Lalremtluangi hian Fine arts lamah zirna mumal a nei hran lova, amaherawhchu High School a kal lai atangin hetiang lamah hian a ninhlei tan hle a, mahniin, in lamah a ngaihtuahnaa thil lo langte chu lemziak leh thilsiam hmangin a tarlang thin a ni. Nikum lamah pawh khan Chanmari Branch KTP-in Art Show an neih khan a kutchhuak engemaw zat a phochhuak tawh bawk.
Nl.Lalremtluangi hian Fine arts lamah zirna mumal a nei hran lova, amaherawhchu High School a kal lai atangin hetiang lamah hian a ninhlei tan hle a, mahniin, in lamah a ngaihtuahnaa thil lo langte chu lemziak leh thilsiam hmangin a tarlang thin a ni. Nikum lamah pawh khan Chanmari Branch KTP-in Art Show an neih khan a kutchhuak engemaw zat a phochhuak tawh bawk.
4 comments:
Arts i.e Paintings, Photography & Art works ka tui ve hunlai kha tun ang hun hi ni ve se ka van ti em....roll film ngei a thla kan la a, thosi, ruahsur a thim a var thlu lovin.... eng teh ual ah min ngaihsak lem lova...paintings kan tia kan tui chho telh2 a..creativity aiin 'i van peih mai2'. 'eng lem nge', 'i ziak ang lutuk' tih vel kha kan hloh chhuah a nia. Thangtharte in van vannei em, Tluangi i vannei bik hle mai...ka thik khop mai che
Movement of Life ah khian a thlalatupa ka hmu keichu
A thla latupa hian lan loh tralh a tum a, mahse glass-a frame a ni sia, reflection a lo awm ta a ni.
He artist hi kan chhuang e.. duhsakna sang ber kan hlan e.
Movement of Life,Day & Night,Dream of Fire & Passion - Class a nei hlawm hle mai, a painting mai bak ah 'idea behind the canvas' khi a ngaihsan awm ka ti hle mai....
Post a Comment