April ni 23, 2010 (Zirtawpni) a MBSE in HSSLC Result a puan takah khan kan veng atangin Jewel Lalthasangzeli Fanai, Pu A. Zohmangaiha leh Dr. Zokaitluangi te fanu, Sec-IV a cheng chu Commerce-ah Mizoram pumah PAKHATNA a ni. Jewel Lalthasangzeli Fanai hian a nu leh pate a chawimawiin Chanmari veng hming a va han titha tak em!Nupuii tia koh Jewel-i hi July ni 6,1993 khan Presbyterian Hospital, Durtlangah piangin unau pali zinga (hmeichhia 2 leh mipa 2) a upa ber dawttu a ni. A naupan lai hian Neuhof, MICE leh Dehradun-ah te school a kal a. Neuhof School atangin Class VII chu Distinction-ah a passed a. Govt. Mizo High School atangin kum 14 mi chauh niin Matric chu Distinction-ah bawk passed lehin hemi tum hian Maths leh Science-ah Letter a hmu nghe nghe a ni.
A naupan tet atangin lehkha thiam thei tak a ni a. English a thiam rualin Mathematics hi a man em em bawk. A classmate-te zirtir thei khawpin a thiam a ni. Amah leh amah a infuih nasa a, “Mut thlahlel suh, i lo pachhe dah ange; i mit meng la chhang kham khawp i nei dawn nia” (Thuf 20:13) tiin a infuih sauh sauh thin. High school a kal atang phei chuan zirna lamah reng reng a nu leh pate puihna a beisei ngai lo a. A rilru hi a chak hle a, Dehradun-a School a kal chhung zawng hian Sanskrit-ah topper a ni char char a ni.
Kumina HSSLC a exam dawn khan amah tak chuan a zir vak tawh lova, a thiante’n an inah an rawn pan khawm a, a lo zirtir thin a ni. Kumtir atangin mar patin lehkha a zir mai thin a. A zirlai bituk a thiam hma chuan lehkha zir a in ti ngai lo. Amah bikah chuan tun HSSLC ah hian Business Studies-ah a hmu sang ber. Tin, Economis leh Accountancy subject te hi a tuipui em em bawk a ni. A zirlai chhunzawma Chartered Accountant ni ngei turin Delhi lamah min liam san thuai dawn a ni.
Lehkhathiam, mi danglam, Jewel Lalthasangzeli Fanai hi a nu leh pa, chhungkhat laina leh Chanmari veng tana lunghlu mawi tak a nih chhunzawm zel theih nan Chanmarians chuan duhsakna sang ber kan hlan e.
2 comments:
Va zialo ve, ka thiante veng an champion leh ang a, sa kan ei dawn te ka lo ti ve lakloh tawh a...
Awi, ka komenna a diklo, ka zak reuh :)
Jewel-i chu ka lompui hle mai, a thiamnate Pathian tan trangkaiah hmang se
Post a Comment