Guitarist of the Year

Frank Zappa nge, Jimmy Hendrix? Nge Slash? He pa Guitar khawih lai hi kan hmu tam vak lo a ni mai thei. Mahse a thuruk chu Branch YMA Jubilee-ah hian pholan a ni dawn... Nghakhlel takin Jubilee Celebration Programme-a LIVE Performance-a a Stage Action chu Chanmarians ten i lo thlir ang u hmiang!!!

Naupang Khawngaihthlak

Kar hmasa tawp lam khan Ka nupui Rilphir zai vangin Aizawl Hospital-ah zan thum kan riak ve a. Kan khum bul chiaha naupang vanduai tak mai, Kum 4 mi lek thil tawn rapthlak tak mai chuan min khawih hle mai.
He naupang hi Vaphai khuaa mi a ni a. A nu leh pate hi engemaw avangin an inthen a. Aizawl lama khawsak zai relin hun engemaw chen atang khan an rawn chhuk thla a. Aizawl, Upper Khatla venga a Ni (Aunt) te ina a leng tur chu vanduaithlak takin JL Cinema Hall bulah chuan Gypsy-in a tai palh a. Chu mai ni lovin kawng char (Metalled road)-ah a hmai lei siin a hnuk vak mai a. A hmai leh a taksa bung hrang hrangah hliam a tuar nasa hle mai. Chubakah a khaberuh pelh/khi avangin tunah hian zai hmabak a ni a, HB a hniam avangin thisen pein enkawl rih mek a ni. Chhungte dang awm ta lo chu a pain a awmpui chawt mai a. Sum leh pai lama awlsam tak an ni lo bawk nen, an khawsak a awlai lo hle mai.
Naupang duhawm tak leh hlim tak, tualchai tan rual heti taka vanduaina a tawk hian a hmutute apiang rilru a khawih tak zet a ni. Chutih rualin a tipalhtu (Motor khalhtu/neitu) pawhin a lainatin a thiltihah pawi a ti takzet a, nitin hian he naupang hi a kanin a tawngtaisak bawk thin. A titu leh a tuartute an khawngaihthlak tak zet.
Aizawl kawngpui chep tak millo zeta lirthei che vel a him tawk lohzia a tarlang chiang hle mai. Kea kal tan fimkhur a ngaih tluk zetin lirthei khalhtu tan fimkhur a ngai hle bawk.

Section II

A tlang a mual a dang lo; Section II hmun hi Kan venga hmun pawimawh ber pawl a ni ve thin. Pu Enga Sikul, Midum kawng, Laipuitlang kawng chho, Telephone Exchange (Cinema chhuan thinna) - Hengte hi kan venga hmun poimawh pawl an tling tlat.

SA

Chawei khawm nikhuaa "Pu Jeffrey-a kelsa kan te, Tiger-ho sa sawngbawl" tui thin zia chu kan hre fur awm e.

Kan vengah hian sa dawr chi hrang hrang a awm a, Inrinni phei chuan heng dawrte hi a lun thei hle. A bik takin Sarep phei chu Aizawl-ah pawh dawr awm hmasa pawl a ni hial ang. Amaherawhchu heng sa te hi an thianghlim tawk em? A puah dan hi a ngaihthatthlak em tihte erawh chu chhui chian ngai tak thil a ni. Sa zuartute hi vengchhung mi leh sa te an ni deuh vek hlawm a. Chuvang chuan sa tha lo leh ei tlak loh chu zuar turin beiseilo phawt mai ila.

Library

Kan Branch Library hi a lun ve thei khawp mai. Librarian/Asst.Librarian ten an zir nge, tlawhtu a hmu hnem ve thin hle. Tunah hian lehkhabu pawh volume thahnem tak a awm ve ta. Branch YMA Library tha pawl tak a tlingin Sawrkar leh State pawn atanga Library Foundation atangte pawhin tanpuina a dawng a, Branch YMA Library tha ber zingah chhiar tel a ni ve ta.

An lungleng ve ngei ang

Hetih lai hre phak chin chu an lungleng ve ngeiin a rinawm. High Field te hi a la ruak vek a. Hetah hian CRP-ten an motor an park thin a. School Education Directorate Buldg te, Art & Culture Office te, Hrangbana College, etc te awmna hmun hi.. Hrangbana College awmna hmuna CRP Camp/barrack -ah hian khatih laia High

Field-a naupang inkhel haw lamte chuan Atta per an dil huai huai thin a. Khang laia CRP awmte kha an fel awm thin ngawt mai. Chanmari Presby Biakin hi 1971 khan a lungphum phum tanin 1977 khan luah a ni.

Laipuitlang pang per chho te hi a la ruak hle mai. Tunah lah Y-Road a rawn chhuk thla ruah tawh mai si a. Kawng lun tak a ni der tawh. Hetih lai huna khawsa thinte chuan he thlalak an hmuh hi chuan an lungleng ve ngei ang le!

50 years at the top

Jubilee Decoration Committee hmalaknain Veng chhung hmun 2-ah Jubilee Gate siam a ni a. YMA Hall-ah flag chi hrang hrang (multi coloured) tar kual chhuah vek a ni a. In tinah Jubilee Frag var tar a ni bawk. Heng bakah hian Laipuitlang tuikhuah pangah, KTP Kraws bulah "CBYMA 50 Yrs" tih chu Board-in mawi taka tar a ni a, zanah a eng a, Aizawl khawpui atangin a lang chiang hle.

Ruihhlo i do ang u

Kan kum puan "Ruihhlo do kum" hi a hlawhtlinna atan theihtawp i chhuah tlang ang u. A hmuama hmuam chi te, a ina in chi te, a chiua chiu chi te, a hnima hnim chi te... Ruihhlo a nih chuan a thalo vek.

Tunlai Chanmari Veng

Tunlai hian thil ropui teh thut kan veng chhungah a awm lo. Hengte hi an ni mai-

1) Presbyterian Kohhran Naupang Sunday School Inkhawmpui chu 14th September (Kar leh Pathianni) khian neih a ni dawn a. Tlaiah Naupangin chang/hla an zir a, naupang chang zir leh a hruaitu nu leh pate an inpel suau suau a, tlai lamah Chanmari kawn leh a vel a lun thei hle.

2) Inrinni-a Jubilee Sports-a inkhel turte an incho tawh hle. A Peih deuh hovin tih thut exer an la mek.

3) Beirual thla a ni a, Tun kar atangin in lamah hman a ni dawn. Thalaite an tel tam theihna turin Kohhranin kawng a ngaihtuah. Thawhtan zan apiangin KTP buatsaihin kohhran inkhawm Biakinah a awm thin.

4) Jubilee Cultural Item turin Section tinin lam an zir mup mup bawk a, Zan lamah YMA Hall a lun thei hle bawk.

5) YMA Jubilee zaipawlte inbuatsaihna a nasa hle. Enge mah hmain ALBUM pakhat an peih. Mahse he album-ah hian hla a awm lo. Thlalak lam a ni zawk.

6) Nl.Ramdini dawr chu kar hmasa lam aiin a hlutna 80% -in a hniam. Mahse a thiante zin an lo haw kim hunah ngai a awh leh a beisei.

7) EMO fashion a lar tan hle. Amaherawhchu EMO Hairstyle ang hi kum 30 kalta khan Pu Sangluia te leh Pu Vanneihtluanga ten an lo ching daih tawh tih hmuh chhuah a ni. Pu PC Lalramliana phei chuan a lo chhiatpui daih tawh!!

Happy Chanmarians

Hmanlai chuan School-a zirlaibu pakhat Hriselna Bu (Health Education) ah, Figure 2.1 ah chuan mi pakhat nui lai lem hi a awm a. A hnuaiah chuan "He milema mi hi a hlimin i ring em?" tiin zawhna a awm a. A chhanna chu "A nuih avangin a hlim a

nih ka ring" tih a ni.

Chutiang chiah chuan helai, William-a dawr kawta Chanmarians kal khawmte pawh hi an hlimin in ring em? An nuih avangin an hlim a nih hmel. An hlim tlang tak zet a ni. A chhan chu Kan veng tinuamtu leh kan thlakhlelh ngawih ngawih nachhan, Chanmari Branch YMA Golden Jubilee kan lawm tan a, Chu Jubilee lawmna Opening Ceremony hmangtute hmel a nih hi.

Veng pumin kan hlim reng a ni. Tuma thik chi kan ni lova, Tumah kan thik bawk hek lo. He Jubilee lo thleng tur hi khawtlangin kan lawm a ni ber.

Once upon a time

Kan Veng thlalak pakhat hi han en chhin teh u. A rawng hnawih zawk hi a upa zawk tlat nia. Hetiang hian tunhma te kha chuan vengchhungah hian in pawh a la awm tlem a nih hmel hle mai. Govt.HSS Step sir bang hungna hi tawlhpahrit ah hman thin a ni a, hei bak hi chu vengchhung naupang tan a slide lam chi han practise-na hmun dang a awm lo.

Vawksa

Pathianni te a ni sia, Phai lama awmte khan vawksa rep in ei chak takin ka ti a, ka rawn post mai mai e. :-))

sQUIZEeee

'YMA GOLDEN JUBILEE' hi he mi te tan liau liau a siam hi a ni an ti nia - Ka hre lo le
I rindik chuan Ramdini dawr ah Coffee no khat i hlawh theih ang

Old & New

Hun leh kumte a dang zel a, hmunhma hmel te pawh a dang zel bawk. Hei Chanmari Middle School awmna hmun, Pu Saingenga in hmun, Laipuitlang tuikhuah, etc te hi kum 30 hma lam nen a hmel a inang ta lo hle mai. Thenkhat tan chuan thlalak hlui zawk hi lungtilengtu a chang thei ang a, thenkhat tan chuan Mak a ni satliah mai thei bawk.

Chanmarians Issues Chhiar theih ta

Yahoo!!! Chanmarians Documents kan upload-na thin kan thlak a, Google Account kher lovin kan chhiar thei ta zat zat e. Tv Bj-a min kawhhmuhna zarah Chanmarians Issues hi PDF-in fiah takin he blog atang hian en theih a ni dawn ta. BJ-a ZINDABAD!!! A lawmnan, picture dangdai tak "Ambitious" kan rawn thil tel e. :p (Mahse tumahin lo ti leak-out suh u)