JUBILEE ZANAH SECTION TEN HMUHNAWM AN ENTIR

Pu Jonte-a hova Sepoy Dinga ten World Cup hla an han sa zet chu kalkhawmten awmngaihna an hre lo a ni ber e. Hnaptui leh mittui nen, kutbeng leh ri thei chitin reng nen YMA Hall a nghin in a nghing a ni ber e!!

Cheraw intihsiaka lawmman PAKHATNA dawngtu Section -I nulate

Mock Band a hlawhtling hle, talent nei tha tak tak an rawn inpho chhuak e.

BALHLA nge i duh ANTHURIUM ?

Balhla hi a tuiin a hrisel a, natna hrang hrang enkawlna leh a laka inven nan leh handicraft thlengin a pawimawh em em a ni. India ram hi khawvela balhla tharchhuaktu leh eiraltu lian ber a ni a. Kum tin 16 million tons a thar ziah. India ram tharchhuah hian khawvel ram dang zawng zawng a khum vek a ni. Ram chhunga GDP 2.8% chuang mah a hauh nghe nghe a, mipui maktaduai tel meuh tan eizawnna puitling tak a ni bawk.
Anthurium hi kum khat chhungin kung khatah par panga atanga paruk vel zel a awm thei a, kum khatah chuan Mizoramah Anthurium par, 27,50,000 atanga 33,00,000 zel tharchhuah ni a sawi a ni. Hmun thuma thena hmun khat chauh State dangah thawnchhuah thin a ni. Zo-Anthurium Growers Society te hi India rama Anthurium quality tha ber neitute ni a sawi an ni thin.

AW, ZAWLKHAWPUI I MAWI CHUANG E

Durtlang leitan atangin Aizawl khawpui Pi Loyd & Pi Kennedy ? ten an thlir

Thlalak hlui hi hi ka enkual nual tawh a, hmani chu he thlalak hi kan enchiang a, kan missionary te kha an rawngbawlna piah lamah lunglenna an nei vein ka ring deuh tlat mai a. Hla phuah mi fate angin thiam lo mah ila, suangtuahna nen an rilrua ni awm hlain ka rawn thai lang ve a ni e. A thluk chu a chhiartute kutah a awm e.

AW, ZAWLKHAWPUI I MAWI CHUANG E

1. Ka thlir ning lo a lang romei zam kara’n,
Zaleng khuai ang lawina Vangkhawpui;
Thlir reng ka nuam, eng dang dawn lo hian,
A tlang leh mual zawngten lung min len e.

Aw Zawlkhawpui i mawi chuang e,
I siran tuangtuah leh vau an vual chi chiai e;
Buannel ram ianga sa tinreng tual lenna hmun,
Thinlaia’n nghilh ni reng i awm dawn si lo.

2. Ka han thlir a, a lang runin sumtual nuam,
Thing lenbuang, maurua an hring nghial e;
Zaleng zawngte hlimten tuan an rel,
Ka nuam e, an ianga ni chhun hman chu.

3. Kan lenna Kawlvalenchham atangin hian e,
Mahten ka dawn thin Vangkhawpawlpui;
Ngaihlai puan ang kan bang thei si lo,
Nghilhloh nan ka hlan nang che Nithangpuan.

Thlalak - Hmunawl a tan en nuamah

#Zan thim hi "Sual inlarna" tiin sawi thin mah se, Aizawl chu chhun aiin zanah a mawi tlat si!

#Chanmari Presbyterian Biak In bula Cotton Mills hi tunhma chuan a sang kan ti thei raps. A chhawng chung bera lawnte chu kan intithei hle a ni. A chhan chu a chhawng chung ber hi miin an luah a, dil a ngai thin a, chu chu naupang tan chuan thil nuam a ni hauh lo.
#Tunhma chuan khilai hmunah khian kan Missionary sap ten thingpui huan an siam thin. Tunah erawh Mizoram tan hmun pawimawh tak tak a ni ta.

Thlalak - hmunawl hnawhkhah nan

Leitan atanga Aizawl khawipui zana a lan dan.

Telhawng -Mizo pa chawhmeh duhzawng tak a ni, saum nena han bawl phawn buah buah hi chuan ui sa aiin an thlang ngei ang.

Pangpar - Lungrem karah emaw, in bul velah emaw a tam thei hle. In leh a vel a chei a, a par vul lai phei chuan mawi tak a ni.

Chanmari Presbyterian Biak In chung zawna trek eng zuai zuai mai chu ka la fuh hlauh mai!

Rose pawh a mawi hun lai tak a ni e.

NULA TLANGVAL RUALIN CHERAW KAN AN ZIR TA MUP MUP MAI LE!

Cheraw kan zir te pawh an phur ta hle mai, a hnai tual tual a zir pawh an tam tulh tulh ta mai. Mi 50 velin tunlai hian lam an zir thin a ni.

CHANMARI BRANCH MHIP TE SIHHMUI LAMAH

Ni 11.11.2009 (Nilanini) khan Chanmari Branch MHIP Committee Member mi 27 te chu Sihhmui lamah an picnic a, nuam an ti hle a ni.

AIZAWL CITY BUS - NI HNIH HNUAH SERVICE

Vawiin ni 17.9.2009 (Ningani) atang khan city bus chuan ni hnih chhung sorkar ruahmanna an duhloh lantirna chu sutin an Service tan leh ta.

Zoram Taxi Driver's Association (ZTDA) chuan sorkarin traffic jam tiziaawm tura taxi-te intlanchhawk tura ruahmanna a siam duhloh lantirna chu ZTDA chuan la chhunzawm an tum ni a hriat a ni.

Sorkar laka an lungawilohna hi engtia rei nge ni dawn tih ilo ngaichang phawt mai teh ang u.

Driver thenkhatte chu eizawn nan taxi hmang an nih avangin ni khat service loh pawh a uihawm hle.

CITY BUS & TAXI NAWRHNA CHHUNZAWM ZEL

City Bus service loh vangin MST Bus a ding ruau mai!!

Taxi stand-ah te chuan Police leh Taxi Driver duty hmuh tur an tam hle.

Aizawl khawpui chhunga taxi intlan chhawk tura Sorkarin ruahmanna a siam duh loh lantir nan taxi-te chu ni 14.9.2009 (Thawhtanni) atanga an tlan chhuah loh hnuah Mizoram Road Transport Union (MRTU) thu angin, ni 15.6.2009 (Thawhlehni) atang khan City Bus-te pawhin zawm vein an service lo. Hei vang hian Aizawlah nunphung a buai phah. Mipui harsatna zualpui phuhurk turin Sorkar chuan Department hrang hrang bus 58 a tlantir nghal a ni.

Hmatiang sawn tum Lengi leh Vala te

Khuangpute pawh duh leh khuang rap chungin......

Nulaho pawh an awm mai mai lo...an ke atang hian a chiang reng!!

Tunlai Aizawl

Tunlai hian Aizawl khaw chin (Weather) hi a mumal lo. A changin khua a dur a, a changin ni a sa leh uar a, Nau puan pho dan hisap pawh a har thin khawp mai.

Side drain - VC hmalaknain siam tha

Chanmari Mini Sport Complex-a side drain chu VC hmalaknain siam that a ni.

Kawr haifai hian a bul hnaia chengte leh mi thahnemngaite vawi duai lo an hnatlang tawh thin a ni.
Helai hmun hi tunhma chuan Primary School kawt tih mai thin a ni a, naupang infiam nan a remchang hle a, naupang tualchaina tak pawh hi a ni. Kawr mumal a awm loh avangin School kawtah hian tui a luang mai thin a, helai hmuna infiamte tan a buaithlak duh hle a ni.

Khawlum

Khawlum laia hmuh hrehawm leh hmuh nuam deuh khaikhinna.

Dating Under Rain

(Dating under rain)

Khua a kheng a, khawvel a ro va, boruak a lum. Mihring kan phunchiar a, nungchate pawh an nguai. Mahse Van ruahtui a lo tla a, thilsiamte tan malsawmna a ni. Chu'ng zingah chuan chawngzawngte pawh an bang bik lo. Ruahsuar kara kawppuite nena "in date"chu an thlahlel ve ngawih ngawih a. Tukin ruahsurah pawh khan heng chawngzawng nupate hian tuma hriatthiampui phak lohvin hlimna thuruk an chang dun.

(Ruahsur karah hlimte'n an nuihiau!)

Red Sun (jhum-fire effect)

Hman deuhva Charles Bronson-a Cowboy film "Red Sun" chu a ni lo.

Mizo te chuan eizawnna dang nei hek lo i, kan ram ngaw tha tak tak te pawh ui hlei thei lovin kan hal duai duai a, kan duh bak bak a kang a; chumi khu chuan ram pumpui min tuam hlup a, kan khua a hniam ruih a, Carbon Monoxide an tih emaw ni te chuan kan boruak a pawlh nu a; ashtma vei tan a that loh thu te an la sawi ta deuh deuh va, ni eng mamawh tawk lah kan hmu thei bawk hek lo.

Chu mai a ni lo, Van boruakah a khu a zam chhova, chu tak mai chu boruak lama eizawngte tan a huatthlala em em a niawm e. "Clear Visibility" mamawh ang hmuh theih loh avangin kan Airport-ah thlawhna a tum thei lova, Thawhnaa zin mite'n an an cheh phah ta hial a. Media lamah lah subject pawimawh tak a tling nghal. "Hetianga kan ramngaw kan thiat a, kan tikang duai duai mai hi a hal tute ngei ngei tan pawh duhthusam a ni bik lo, ti lo thei lo dinhmunah an ding tlat a ni" an ti. (eizawnna kawng dang hre miau hek lo le!)

A ngaihtuah theite tan chuan ngaihtuah a hun ta hle. Eizawnna ngelnghet kan neih loh avang hian eng ang fakau hian tuar zel ang i maw?

Life after Rain

Khua a kheng a, ni a sa vawl vawl a, thlai leh ranin an tuar. Mihring ngei pawhin kan tuar. Kan chenna boruak pawh a khuin bawlhhlawh leng vel a tam hle. Chutih laiin lohal leh ram kang khuin boruak a tithianglo hle. Amaherawhchu ruah a rawn sur a, chu'ng bawlhhlawh, meikhu leh eng ilo chu a rawn tleng fai a, lei a lo hnawng a, nungchate an hlim a, thinghnah a lo eng no leh ta ser ser mai.

Tukin khawthiang lawm pawhin Vamur an thlawk zawr zawr a, an hram vawn vawn a, chawngzawng lahin lawmthu rawn sawi niawm tak hian tlangbanah a rawn fu vang a, a chiap lauh lauh bawk a, a hmuhnawm hle.

Khawvel tihnawnga, nungchate mamawh tura Pathian rawn tirh ruah sur chuan boruak a tidanglamin khaw hawi a tinuam tak zet a ni.

Khawkheng Effect

Kumin hian Mizoramah ruahtui a tla tlem hle a. A bikin Aizawl leh a chhehvelah phei chuan ruah a la sur lo a ni. Hemi avang hian thlai pawh a duah har em em a, a rah sate pawh a vuai zo an ti. Hetianga khawkheng hi tun hnaiah sawi tur a tlem hle a niawm e.  

Tin, March thla hi Mizo lo neih dana "Lo hal hun"a nih avangin meikhu a nasa hle mai a. Lo mai nilo, ram thalai pawh a kan nasat avangin Mizoram nungchate leh ngaw chuan a tuar dawn hle. Chubakah meikhu a nasat avangin Thlawhna a tum thei lo (Clear visibility mamawh tawk neih theih loh avangin). Tin, kumin hian meikhu a nasat avangin natna hrang hrang a leng nasa bawk tiin thil chik deuhte chuan an sawi.

chapchar kut