Chanmari veng chawlhbuk (Shed)

Veng lun ve fu e tilo chuan Chanmari vengah hian len khawthawnna tur hmun kan nei lo hle mai. Tun hma chuan Kawngpuiah te kan infiamin dawr bathlar vela thutkhawm an ching hle a. Mahse chutiang reng chuan a tih theih tawh si loh.. Pawn lama inkawm khawmna tur kan tlachham hle a ni.

Chutih laiin Nikum April thla khan Chanmari kawna YMA Information Centre (Nl Ramdini dawr thin) bul, kawng zingzum laiah hian kan khawtlang hruaitute chuan Chawlhbuk (Waiting Shed) nuam tak an sa a. Hei hi sak zawh a nih veleh atangin Veng mipuite bakah Chanmari Veng tlawhtute chuan kan hmang nasa hle. Zirlaite, zin veivakte bakah vengchhung thalaite hian kan chhawr hle mai. A hmun hi a rem a, a lun hle bawk. Chutih rualin he hmun vawnfai leh thianghlim kawngah hian mitinin mawh kan phur lawi si...

Y-ROAD KAWNG LAIH TAN MEK A NI

(Rawng eng hi kawng siam zawh tawh a ni a, feiin a kawhna zawn chhaklam zawng hi la siam loh a ni.)

Y-Road kawng Pu Ngurawia te kawmthlang atangin laih chhunzawm mek a ni a, tunlaiin ruah a sur nasat avangin ruahman angin hna hi chak taka kalpui a harsa hle rih a ni. Laipuitlang thleng tur hian MP (Lok Shaba) fund atangin Rs. 5,00,000 hmuh niin 1st installment-ah Rs. 2,50,000 lak fel tawh a ni. Y-Road kawng lehlam hi nikum khan zawh a lo ni tawh a, hei hi Contractor hnuaia thawh a ni a, tun tumah erawh Y-Road Committee ten an thawk dawn a ni.

Clean Chanmari

Clean Chanmari Committee (CCC) in a lo rel tawh angin, 23.5.2009 (Inrinni) nileng khan vengchhungah faina hnatlang neih a ni a, mi 900 vel zet an thawkchhuak a ni. CCC kaihruainain hmun 5 - Ramhlun Road, Lower Chanmari, Chaltlang Road, Zarkawt Road leh Tata workshop bul velah te inthen darhin luikawr haifai, hnim samfai leh bawlhhlawh thianin hnatlang hi neih a ni. Bawlhhlawh paih nan hian Pu Lalfakawma, Sec I in 407 a rawn thawh a, UD & PA-in motor pakhat an rawn thawh bakah Clean Chanmari Committee in motor pathum hire-in hnatlang te eitur - sawhchiar leh squash an tum bawk a ni. Hnatlanga rawn tel hman lo phatna atangin Rs. 13600/- chuang hmuh a ni.

Clean Chanmari Committee chuan hnatlanga rawn thawkchhuak zawng zawngte chungah lawmthu a sawi rualin Pathianni zing apianga mahni in bul step leh kawngpuite phiatfai thin turin leh garbage trailer (bawlhlawh paihna) ah leivung, ran ek, ran thi ruang leh hnim te paih lo turin mitinte a ngen a, a paih lui te chu zawnchhuaha hremna pek an nih tur thu veng mipuite a hriattir bawk a ni.

Y Road

Y-Road (Section II), Laipuitlang atanga Chanmari panna kawng chu Bialtu MLA Pu Lalthan Zara (Patea) hmalakna azarah PWD Department chuan an siamtha ta. Tunkar khan he kawng hi Metalled (Black-topped) a ni a, lirthei leh kea kalte tan a awlsam phah hle. He kawng hian veng mipuite tan remchanna tam tak a thlen ngei a beiseiawm.

Chanmari hmun hrang hrang

(Biak In from Sec IV) 78 (Thlanmual)

(Biak In from Sec II) 78 (Thlanmual pan na)