LEITLANGPUI RUNAH CHANMARI BRANCH YMA

YMA General Conference vawi 65-na Leitlangpui Run, Thuamluaia Mual, Lungleia ni 19-21 October chhunga neih chu tluang takin zawh a ni ta. Kum 2011 Conference chu Kolasibah nghah a ni ang a, kumpuan atan Khawtlang nun siamthat tih chu thlan nawn a ni.

Palaite: 1.Pu Laldinpuia, President 2.Tv. Lalengliana, Secretary 3.Pu Lalfakawma,Treasurer
Executive Member-te:
4.Tv. Zoramthara 5. Pu Richard Lallawmzuala 6.Tv. H. Thantluanga 7.Pu R. Lalhmachhuana 8.Pu David Lalmuankima

Leitlangpui Runah laichhuat an chhir e!!

Pandal hmalama tuichik leh Mini Garden ten pandal a cheimawi hle

Chanmari atanga Conference kalte leh Pu R. Lalzidinga, Ex-President, Chanmari Branch YMA

ZOTHANSANGI KAN THEN TA

Nl. Zothansangi Ralte (30), Sec-I, Baptist Kohhran hi Pu R. Kaikima leh Pi Thanthuami te fa 4 zinga a upa ber dawttu niin April ni 8, 1980 khan Buarpuiah a lo piang a. Amah hi mi ngawichawi, mi pawisawi lo leh thian pawh pawl tam lo a ni. Zirna lamah M.A.,B.Ed. niin a hun tawp thlengin Highlander School-ah zirtirtu hna a thawk a ni. TKP Chanmariah a kul a taiah a inhmang a, Executive Committee Member leh Programme Committee Member a lo ni tawh thin a ni.

Kumin July thla atanga insawisel tanin damdawiin hrang hrangah enkawl a ni a. October thla khan pumpui cancer a ni tih hmuhchhuah a ni a. Theihtawpa enkawl a nih hnu October ni 22 zing dar 11:45 khan chatuan ram min lo pansan ta a ni.

RISING DAY VAWI 52-NA HLIM TAKIN HMANG

October ni 16 (Inrinni) zan dar 8 khan YMA Hall-ah Chanmari Branch YMA din kum 52-na lawmna leh Chanmari Games 2010 kharna hun hlimawm tak hman a ni a, Pu Laldinpuia Sailo, CBYMA President in he hun hi a kaihruai. Pu Lalhmangaiha, Vice President chuan khawtlang nun siamthat leh thalaite mawhphurhna a sawi a. Tv. Lalengliana, Secretary hnen atangin report ngaihthlak a ni bawk.

Baby Malsawmtluangi leh Mimi Lalzamliani

Zorun Culture Club te'n Buhzaaih an entir

Section I leh III ten an thiam an lantir e. Tv. Thawmmawia a'n chet meuh chuan YMA Hall a nghin in a nghing a ni ber e!!!

Section IV leh II ten mi an chawkhlim e.. hranghlui Tv.Lawmsanga pawn a la duai lohzia a lantir leh ta...a hun tea rah thin mi hi Section tan malsawmna a ni.

YMA General Conference-a chan tur shortplay chu mipuiten an thlir ning mawlh lo...

CHANMARI GAMES ZAWH A NI TA

October ni 14 zan khan Chanmari Games 2010 chu GHSS Indoor Stadium-ah zawh fel a ni ta. Games kharna hun hi Chanmari Branch YMA Rising Day lawmna hunah hman a ni a, lawmmante hi Pu Thanchhuma Mualchin, CBYMA Adviser-in a sem. Chanmari Games 2010 result hi kumin YMA Day-a YMA Chhang medal lak nen belhkhawm a ni.

Ist : Section - II: Rs. 4,000 + Certificate

2nd : Section - IV: Rs. 3,000 + Certificate

3rd : Section - III & IV: Rs. 2,000 + Certificate

ZOKAILOVI KAN THEN TA

Pi Zokailovi (95),(m/o Vanlalkunga) Sec-II, Presbyterian Kohhran hi Darlawnah kum 1915 khan a lo piang a, Thingthelh khuaah pemin rambuai avangin N. Hlimenah sawikhawm a ni a.

Kum 1992 khan Aizawlah a pem. Kum upa lam a nih tawh avangin hrisellohna hrang hrangin a tlakbuak a, September ni 12, 2010 (Thawhlehni) khan nat lawkna leh buaipui ngai pawh awm lovin chatuan ram min lo pansan ta a ni.

RISING DAY SAWMNA & PROGRAMME

October ni 16 (Inrinni) zan dar 8 hian YMA Hall-ah Chanmari Branch YMA din kum 52-na lawmna leh Chanmari Games result puanna leh kharna hun ropui takin hman a ni dawn a, member a tam thei ang ber kal turin sawm an ni.

PROGRAMME

Chairman:Pu Laldinpuia Sailo, President
Tantu:Nl. Laldampuii, Exe-Member
Report:Tv. Lalengliana, Secretary
Zai:Nl. Baby Malsawmtluangi
Thusawi:Pu Lalhmangaiha, Vice President
Games lawmman sem:Pu Thanchhuma Mualchin, Adviser, CBYMA
Zai:Nl. Mimi Lalzamliani
Fiamthu:Pu Lalduhawma, Winner Comedian Search 2010
Shortplay: "Kan Hre Vek!"
Mock band:Section I & III
Cultural Dance:Zorun Culture Club, Chanmari
Mock band:Section II & IV
Banna:Chairman kutah

MIZORAM JUNIOR ATHLETICS MEET

Mizoram Junior Athletics Meet, Ramhlun Sport Complex-a neih zawh takah Chanmari Branch YMA aiawhin heng mite hi an tel:
1.Tv. Michael Lalhruaitluanga, Sec-I
2.Tv. Mawihmingthanga, Sec-III
3.Nl. Zodinpari, Sec-I
4.Nl. Lalremsiami, Sec-IV
Under 18 Boys-ah Michael Lalhruaitluanga chuan Shot Put-ah Bronze a la. Under 14 Boys-ah Mawihmingthanga'n 100 m -ah Silver, 600 m ah Bronze lain Long Jump-ah Silver a la bawk.

KUANG SIAM HNATLANG

October ni 9 (Inrinni) nileng khan Chanmari Mistiri Associaton-ten kuang siam hnatlang an nei a, kuang 20 chuang siam a ni. Kuang siam hnatlang hi an ni bakah Branch Executive member ten an tawiawm a, hnatlanga chhuank zawng zawng hi mi 50 vel an ni. Zanriah tuihnai tak Branch hruaituten an buatsaih sak nghal a ni.

UPATE NI ROPUI TAKA LAWM A NI

October ni 1 (Zirtawpni) kha khawvel puma Upate Ni a ni a, MUP, Chanmari Branch-te chuan YMA Hall-ah chawhma dar 11:30 khan a lawmna an nei a, President Pu C. Lianchungnunga'n a kaihruai.

He hunah hian kumin 2010 chhunga MUP member boral mi 4 sunna hun hman a ni a, inneih Diamond leh Golden Jubilee lawmpuina certificate mi 11 hnenah sem a ni bawk. Hei bakah an member kum 90 chin chunglam lawmpuina mi 4 leh kum 80-90 chin lawmpuina mi 49 te hnenah muffler sem a ni.

Kumin chhung hian Chanmari Branch MUP member hi mi 232 awmin, an member boralte hi Rs. 1,000/- in an ral thin. Upate Ni lawmna hi MUP Hqrs. atangin Pu Thanseian a rawn telpui.

LALRENGPUIA KAN THEN TA

Pu Lalrengpuia (39),Presbyterian Kohhran hi Pu Lalhluta (L) leh Pi Siamkungi (L) te fa pathumzinga a milai niin June ni 5 1971 khan Aizawl Civil Hospital-ah a lo piang a. A unau te chu : a u Pu Lalremsiama, Durtlang leh a nau Pu Lalremtluanga, Chanmari te an ni. Kum 1985 khan Dawrpui veng atangin Chanmariah an rawn pem a. Kum 1988 - 89 chhung khan Home Guard-ah driver hna thawkin chumi hnuah private-in motor a khalh zui a ni.

Kum 1989 khan nupui neiin fanu 2 leh tu 3 a nei. Renga hi thian kawm thiam tak leh fiamthu duh tak a ni a, tawng pawh a thiam hnem hle.

August ni 20 ah stroke avangin Durtlang damdawiinah dah a ni a. September ni 6 ah lo chhuakin September ni 29, (Nilaini) tlai dar 5:00 khan chatuan ram min lo pansan ta a ni.