Clean Chanmari Committee (CCC) in a lo rel tawh angin, 23.5.2009 (Inrinni) nileng khan vengchhungah faina hnatlang neih a ni a, mi 900 vel zet an thawkchhuak a ni. CCC kaihruainain hmun 5 - Ramhlun Road, Lower Chanmari, Chaltlang Road, Zarkawt Road leh Tata workshop bul velah te inthen darhin luikawr haifai, hnim samfai leh bawlhhlawh thianin hnatlang hi neih a ni. Bawlhhlawh paih nan hian Pu Lalfakawma, Sec I in 407 a rawn thawh a, UD & PA-in motor pakhat an rawn thawh bakah Clean Chanmari Committee in motor pathum hire-in hnatlang te eitur - sawhchiar leh squash an tum bawk a ni. Hnatlanga rawn tel hman lo phatna atangin Rs. 13600/- chuang hmuh a ni.
Clean Chanmari Committee chuan hnatlanga rawn thawkchhuak zawng zawngte chungah lawmthu a sawi rualin Pathianni zing apianga mahni in bul step leh kawngpuite phiatfai thin turin leh garbage trailer (bawlhlawh paihna) ah leivung, ran ek, ran thi ruang leh hnim te paih lo turin mitinte a ngen a, a paih lui te chu zawnchhuaha hremna pek an nih tur thu veng mipuite a hriattir bawk a ni.
3 comments:
ka dam mang silova, Rs. 100/- ka hnatlan tir a, a hahdam thlak khawp mai
CCC hian hma hi ha la teh se, veng fai ber nih tum law law teh ang. phatna pawisa hi cheng sing hih vel a nih ka ring. hmun dangah phatna pe an lo awm a.
In Clean Chanmari ni hi, Aizawl to Mumbai ka thlawh thlak ni a nia, kan veng Chaltlang atanga Lengpui ka kal tur kawng leh kham in lo ti fai sup sup lai ka rawn hmu ve ngei a, in ti ropui khawp mai...
Mahse a fai lam ai mah chuan ka sawi duh ber chu, hnatlang IN VAN LO TAM EMMM EMMMMM!! Heihi a ropui leh zual. Ngaihsan awm tak in ni e, thenawm te u.
Post a Comment