My New Babe!!

A thupui en khi chuan Sas thar lam a nih duh hmel. Mahse a ni lo hlauh. Tv Adama hian a chhungte bulah Thil Thar a ngen a, Nunna nei ngei a ngen a, an phal a, Mahse amah hian chutiang chu a hmuh loh avangin chu nunna nei chu a tan a remchang ta . Mahse thil hi duhzawng ang zawng zawng hi a lo remchang lo a nih dawn hi. Krismas leh a vuakvet laia a chulnel turin tunlai Bike Chhuak thar YAMAHA's FZ16 chu a ngen chhuak ta hlawl mai. Chhungten an phal zawk a hmu lova, an phal loh zawk a nei ta. A chetdan hi a ngaihtuahawm ang tih chu a hlauhthawnpuiawm khawp mai.

Amahin a sawi dan takah, "Pu Nunga pawhin a neih thar chuan enge ka neih thar loh bik lem ang le?" tiin tunah hian Pu Nunga nen Race turin hma an la mek. Chutih hunah chuan Tv Chhuansanga'n Chequered Flag a vai dawn a niawm e

X-Treme Rider

Chanmari Branch YMA Vice President Pu C.Vanlalnunga chuan kar hmasa khan BIKE thar (Hero Honda's CBZ Xtreme) a lei a. Tunlai hian a che bon khawp mai an ti.

Pawisa Tam

Tunlaiin Chiahpuam a lar bawk a, Chiahpuam pawisa collector pakhatin a pawisa khawn sa thla a lakpui hi a tam khawp mai. Han en mai chuan itawm tak a ni. Amaherawhchu thawhrim rah a nih loh chuan pawisa eng anga tam pawh hian hahdamna min lo pe lo fo. Heng pawisa tam tak kawltute leh lo hlep chhuak tute hi tunah hian mi rilru hahdam an ni ta kher lo. Thenkhatte phei chu damchhunga khawsak nuam thei tawh lo tur, mi khawngaihthlak tak tak an awm ta nawk mai. Mi neihah hian rilru tihah lo ila, Rinawm taka mahni thawhrim rah seng hian malsawmna a thlen thin tih hriat a pawimawh hle.

Chanmarians Blog tlawhtute zawng zawng Sunday hman nuam ule!

MLA te Lepse-na

MLA Inthlan a hnai ta bawk a, inthlan lam boruakin min luah tan. Amaherawhchu Chiahpuam boruak hian Aizawl mipui tam tak rilru chu a luah hneh hle thung.
Hmanni khan PRISM chuan MLA Candidate te ro neih hlut zawng te, Party hrang hrang Manifesto te an lepse-na a buin an chhuah a, kan han tarlang ve mai mai a ni e.
PRISM ho siam lepse-na bu en duh tan a hnuaia link hi click keuh mai teh
Lepsena_Bu

Tunlai

Tunlai hian Chanmari vengah thil ropui tak hriat belh tur a awm lo. Chiahpuam story-in ziaawm lam a pan a, MLA inthlan boruak veng thenkhatah chuan a lian hle tawh a, Mahse Chanmari vengah chuan Politics boruak pawh a la lian ve vak lo.

Mobile Network a thalo tlangpui. Zawngtah a la to deuh. Khua a thal tan a, chat a awl tan. Boruak inthlak avangin hritlang an awm nual. PHE Reservoir an siamthat dawn avangin ni 10 vel chhung PHE tuisem chawl dawn. Presbyterian kohhranin Kohhran Hall an sa tha tan. Nl Ramdini dawr a lun a, Pa Hmaa dawr pawhin ngai a la awh.

KTP in Jubilee Sports an hmang mek. Tv Mohud-a kal confi tran, kal fua fua tawh lo. Tv.Lalenga a hritlang. VCP a campaign. Tv Adama leh Amby-an urlawk zana mi tur Broiler an invulh trawm.

Inkhawm lote tan

Vawiin hi Pathianni a ni a, Chuvangin Biak inah kan inkhawm hlawm a. Phai lama awmte leh inkhawm renmchanglote tan Chanmari Presbyterian Biakin pawn leh chhung thlalak kan tarlang e.

Kan Veng atanga MLA Candidate te

Kumin MLA Election-ah hian kan veng atangin heng mite hian nomination an file.

1. Pu Rosiamngheta: Ani hi Section II huam chhunga awm a ni a, Chanmari Veng VCP nilai a ni a. UDA (MPC) ticket-in Aizawl N-III (Zarkawt, Electric veng, Chanmari, Chanmari W, Hunthar & Edenthar)-ah a ding dawn.

2. Pu C.Laltanpuia : Ani hi Section IV huam chhunga awm, Mosia Store neitu a ni a. Tunah hian Independent Candidate niin Aizawl North -III ah tho a ding dawn a ni.

3. Pu Chawngroliana (Patea) :- Ani hi Section IV huam chhunga awm a ni a. Tunah hian Aizawl North-I (Durtlang, Selesih, Bawngkawn, Chaltlang, etc)-ah National Congress Party (NCP) ticket-in a ding dawn.

KTP Sports

Vawiin (13th November, 2008) hian Chanmari Branch KTP chuan Golden Jubilee Sports chhunzawmna atan Sports neih a ni. Vawiin hian Mini Sports Complex-ah leh Govt H.S.School Indoor-ah Item hrang hrang hmanga infiamna hi hman a ni.
Golden Jubilee Sports hi 8th November khan Govt Higher School Field-ah tan a ni a, 11th November zan khan Indoor Items thenkhat Kohhran Hall-ah an nei. Sports Item tam zawk hi kuminah neih a ni ang a, a kharna chu Jubilee lawm hun, nakum March thlaah neih tum a ni.

Secretariat Building

New Capital Complex (NCC) lamah kan Sawrkar hnathawkte Pisa pui (Secretariat Main Building) chu hmanni lawk atang khan suan luh a ni ta. A Building hi a mawiin a awmna hmun pawh duhthusama fianrial a ni.

Collections

Siamtu Remruat

Khawvel a thil awm zawng zawng hi Siamtun' a hun leh hmun ruatah a dah thlap ang hian thil reng reng hian hun leh hmun a nei a. Thil thar rawn inher chhuak hian thil tha tak tak inkawp rem tur te te hi a rawn pian chhuah tir bawk a, chutiang khawvel a kan len lai hian he thil hian a tirah chuan veng chhung thalaite a TI THLABAR hle a, mahse (Birds of a Feather Flock Together) milem kengtuin a a milem ken ngaihtuah chuan LAWMPUI tur zawk niin engkim hi 'Siamtu Remruat vek a lo nih hi' kan ti nawn mawlh mawlh dawn a lo ni reng a lawm le.

Aizawl - That Year

Hman deuhva Aizawl (Aijal a la nih lai) thlalak hrang hrang hi han en chiang teh u. Tunlai nen a inang ta lo hle. Khawi lai nge in hre thei em?

Chanmari - This Week

1. Chanmari VCP, Pu Rosiamngheta chu 4th November 2008 khan UDA chuan an Party Official Candidate pakhat atan an puang ta. A ni hi Aizawl North III-ah a ding ang. Aizawl North III Constituency hian Zarkawt, Electric Veng, Chanmari, Chanmari West, Hunthar leh Edenthar te a huam.

2. 4th November, 2008 chhun dar 2:00 khan Chanmari Presbyterian Kohhran Biakinah Joel Lalfakawma s/o JH Ramnghinglova leh Lalrindiki te chu an innei.

3. 6th November, 2008 dar 1:30 Pm hian Hmingchungnunga s/o R.Rokima (R&R) chuan Chanmari Presbyterian Kohhran Biakinah nupui a nei dawn bawk.

4. 8th November 2008 zingkar atangin Chanmari Branch KTP chuan Golden Jubilee Sports neih tan an tum. Chanmari KTP te Jubilee ni hi 23rd March, 2009 a ni. Jubilee Sports bakah, Rampum huapa pawha pui tham takin Jubilee Concert nei turin hma an la mek bawk.



5. 2nd December-a MLA inthlan tur chanchin aiin Chiahpuam chungchang vengchhunga a lar zawk.

CHIAHPUAM

Tunlaia Aizawl titi lar ber chu Chiahpuam a ni. He Chiahpuam hian min va tibuai kher em! Sum peipunna Chiahpuam hi a that loh thu leh a him tawk lohzia chu TV leh Radio-ah leh Newspaper-ah te an tarlang chuai chuai a, keini chhung pawhin chu thu chu kan lo hre ve a. Ka fanu te ber dawttu chuan an unauva in cheina atana an chiahpuam sa chu bottle chhung atangin a lo bun chhuak a, a lo hmet keh vek mai! "Enga tinge khatia i tih?" tia kan zawh chuan " 'Chiahpuam a hlauhawm an ti' " a ti a, a lo paih vek mai. Engpawh nise, he boruak thalo hian tunlai hian Aizawl mipuite min luah hneh em a ni.

Hetianga financial Institution mumal lo lutuk mai Mizoten kan buaipui vak a, mi tamtakin sum tam tak takin (egmi pakhatin Nuai 100 thlengin) kan buaipui mai hi hnam dangten min hre chiang se min nuihzat ngawt ang le! Kristian ram inti si, sum leh pai mahni thawhrim rah pawh nilova, peipun kan tum vak vak mai hi zawng a Pathian Thu lova, Ram Dan mil a ni bawk hek lo.