KHAWTLANG NUN SIAMTHAT NAN HMA LA TAN

Khawtlang nun siam that nan Branch YMA chuan hma a la mek a. February 23 kha veng dang atanga Chanmari a zu rawn zuar (standing) hnen atangin zu (funte) 30 vel hman a ni a. Hemi a inhnamhnawih mi 3 te chu excise kutah hlan an ni.

Branch YMA chuan vengchhung a lo thianghlim zawk nan zu zuar lo tur te, mi dangte tana harsatna siam lo tur leh khawtlang nun siam that nana hma lak mek na hi ngaipawimawh a zawm turin veng mipui a ngen a ni.

VAKIRIA HNATLANGIN SIAM

February 27 nilengin Cultural Sub-Committee ten YMA Hall-ah Vakiria siam hnatlang an nei a, 200 chuang zet an siam a ni.

C. CHUNGLIANTLUANGA'N NUPUI NEI

February 25, 2010 chawhnu dar 2 khan C. Chungliantluanga leh S. Rohlupuii d/o Rev. Lalmuana, Tuithiang te chu Chanmari Presbyterian Biak Inah Dan thianghlimin an innei.
C. Chungliantluanga hi Branch Executive Member niin Sports Sub-Committee ah Vice Chairman a ni.

Branch Executive Member ten YMA Flag nen thla an lakpui.

NULA TLANGVAL RUALIN CHERAW KAN AN ZIR TA MUP MUP MAI LE!

Cheraw kan zir te pawh an phur ta hle mai, a hnai tual tual a zir pawh an tam tulh tulh ta mai. Mi 50 velin tunlai hian lam an zir thin a ni.

HAPPY VALENTINE'S DAY

HALL FUND KHAWN DAWN LO

Kumin chhungin vengchhungah Hall Fund khawn a ni dawn lo.

Hall fund hi kum engemaw zat khawn a lo ni tawh a, nikum chhung khan Hall Fund atangin Rs. 2,77,637/- leh hall hmanna atangin Rs. 2,42,650/- hmuh a ni a. Hall hi la sak zawh chiah a la ni lova, amaherawhchu zawi zawia hall hmanna man atanga a intum chhoh theih tawh avangin kumin chhung chuan Hall Fund hi veng mipuiteah khawn a ni tawh dawn lo.

Thahnemngai taka Hall Fund khawntute leh veng mipuite chungah Branch YMA chuan lawmthu a sawi.

2010 CHANMARI BRANCH YMA BUDGET

Kum 2010-a Branch YMA Budget Rs. 12,50,521 chu Banch Executive Committee in a pawm. Budget hi head chi hrang pathum- General Account, Chanmarians Account, YMA Hall Account te a then a ni. A hmanna lamah chuan Central YMA Budget/ Annual Fee, Hall sakna leh enkawlna, Refreshment, General Conference senso, YMA Day lawmna, Library, Sports, Cultural, Property, Chanmari Games, Documentation, hnatlang leh tanpuina, etc. te chu hmalakna tur lian tham te an ni. Section budget atan Rs. 7,000/- pawm a ni bawk.

Kuminah Central YMA Platinum Jubilee lawm a nih dawn avangin hmabaka tanlakna tur kawngah Branch YMA chuan member-te theihtawp chhuah turin a ngen a. Hetiang hi Head hrang hranga budget siam leh pawm dan chu a ni:

CHANMARI BRANCH YMA KHAUH DAWN

Central YMA kumpuan, ‘Khawtlang nun siamthat’ thih thupuia hmangin Chanmari Branch YMA chuan veng chhungah khawtlang nun siam thatna turin hma a la mek a, veng chhunga zu rui mi tihbuai ching, thenawm te tana hnawksaka awm, ruihtheih thil zuarte an awm a nih chuan sim turin a hriattir.

2010 CHANMARIANS EDITORIAL BOARD

Editor
H. Thantluanga

Joint Editors
David Lalmuankima
Lalmalsawma Sailo
Lalhruaitluanga Sailo
Andrew Lalremkima

Cir. Managers
Lalremtluanga
Lalrinliana
Samuel Lalrinawma
VL. Tlanchhuaha

O.B Incharge
Lalengliana, Branch Secretary

Red Ribbon Football Tournament kan thlah fel ta

Click Image to enlarge

12th February, 2010 (12:30 PM) khan AR Lammual-ah Red Ribbon Football Tournament (Inter-Village) Quarter Finals ah Chanmari VC Team te chuan Hnahthial VC Team te chu 1-0 in kan hneh ta lova, He Tournament hi kan thlah fel ta a ni.

Tournament chhung zawng hian Chanmari Team player te an che tha hle a, an inthununna leh an taihmakna a chhuanawm hle. Chutih rualin Players te chhung leh khatte pawhin an phurpuiin Quarters Final hial kan thleng thei hi hmasawnna ropui tak a ni.

For more PHOTOS CLICK HERE

Quarter Finals kan lut ta e

(Chakna goal Penalty chu)

(Click Image to enlarge)

10th February, 2010 (Wednesday) chhun dar 10:30-ah khan Red Ribbon Tournament kal mek laiah Chanmari Veng VC Team leh Aizawl Venglai VC Team te chuan Pre-Quarter Finals kan khel a. Vanneihthlak takin Aizawl Venglai chu 1-0 in kan hneh a, Quarter Finals (Last 8) stage kan thleng ta rup mai. Quarter Finals chu 12th Febraury, 2010 (12:30 PM)-ah AR Lammual-ah Hnahthial Vs Khawzawl chak zawk zawk nen kan khel ang.

(For more photos , CLICK HERE)

He inkhelah hian Team pahnihte an intum tawk hle a, ball possession ah leh thildangah Aizawl Venglai Team-te hi an tha mah zawk emaw tih theih a ni. Amaherawhchu kan Veng Teamte tanrualna leh inpektlatna leh rilru lama an huaisenna rah sengin hnehna hi kan chang thei niin a lang. Kan lawm hle.

He inkhelah hian kan VCP Pu T.Lalhluna leh VCM Pi Lalzuali te chuan a hmunah Players te hi an tawiawm thei reng a. Tin, Branch YMA President Pu Laldinpuia Sailo leh YMA OB dangte leh veng chhunga mi pawimawh tak takten an tawiawm bawk. Tin, Veng mipuiten kan veng inkhel hi an ngaihhlutsak em em a, chu chuan Player te a tiphurin chakna a pe niin a hriat.

Mass Bamboo Dance for Guinness World Record atan inbuatsaih mek

Mizoram Sorkar huaihawta ni 12.3.2010 (Zirtawpni) a AR Lammual, Vanapa Hall leh Bazar kawngpui dunga Mass Bamboo Dance for Guinness World Record neih turah Chanmari Branch YMA chu a theih ang tawkin a inbuatsaih mek a, hemi atan hian mi 80 ten hming an pe tawh a ni (bu 5 daih). Cheraw kan thiam lo tan pawha zirna hun remchang a nih avangin January chawhnu lam atang khan zantin YMA Hall-ah lam hi zir thin a ni.

Kan la chak zel e

9th February, 2010 (Tuesday) chhun dar 11:00-ah khan Red Ribbon Football Tournament forInter-Village khelh mekah Chanmari Veng leh Luangmual Team te chuan Last 32 Round an khel. He inkhelah hian hun pangngaiah 1-1 in an in draw a. Tiebreak-ah Chanmari Veng chuan 3-1 in chakna an chang ta a ni.

Tinchuan 10th February, 2010 zing 8:30-ah hian AR Ground ah Aizawl Venglai nen Pre-Quarter Finals an khel ang.

Kan chak leh ta

6th February, 2010 (Inrinni) tlai dar 3:00-ah khan Chanmari Veng Football Team chuan Red Ribbon Tournament kal mek laiah Darlung nen an inkhel a, 6-0 in Chanmari Veng Team hi an chak. Tichuan kan veng hian 9th Feb 2010 1100 AM-ah hian Republic Field-ah Luangmual VC Team te nen kan khel leh ang. He match-a kan chak hlauh a nih chuan Pre-Quarter Final lutin Lammual lamah kan khel ve thei tawh ang.

Kan chak phawt e

Mizoram pum huap football inelna lian tham, Red Ribbon Football (All Mizoram Inter Village Football Tournament) Second Round-ah Chanmari Veng chuan vawiin, 3rd February 2010 (1:00 PM) khan Lungphunlian VC Team an khel a, vanneihthlak takin 2-1 in Chanmari Veng hi kan chak.

Inkhel tan atanga minute 20 lekah Lungphunlian lam atangin K.Lalthanmawia chuan goal a khung ta mai a, hemi sut let tur hian Chanmari Veng Team chuan an tha leh zung leh thiamna sengin an bei ngar ngar a, Minute 40-na a lo herchhuah meuh chuan C.Zomawia chuan Chanmari Veng tan a goal khatna a khung a, 49th Minute-ah goal dang a khung leh a. Tichuan goal dang lut tawh lovin Chanmari Veng hi 2-1 in kan chak ta a ni.

6th February, 2010 (3:00 PM) -ah Republic Veng Field-ah Darlung Vs Hmunnghak chak zawk zawk Chanmari Veng Team hian an tum leh ang.

He inkhelah hian Pu T.Lalhluna VCP leh Pi Lalzuali, VCM bakah YMA Branch OB te leh hruaitute an kim hle a, vengchhung nu leh pa leh thalaite pawhin an en nual.