Hlimna

Mahni mamawh tawk ang ang mi thawh chhuahsa ring lova mahni thawh chhuah ngei hi HLIMNA a ni.

KTP ROREL INKHAWM

7th - 8th March, 2009 hian Chawlhhmun Presbyterian Kohhran Biak Inah Central KTP Rorel Inkhawm hman a ni. KTP Rorel Inkhawm hi kum khat danah, KTP Gen.Conference neih loh kumah zel Aizawl khawpui chhunga kohhran Biak In hrang hrangah neih thin a ni.

4

7th March Chawhmaah khan Report Inkhawm neih a ni a, chawhnu lamah Palai ten ro an rel. 7th March zan atanga 8th March zan thleng hian Pathian Biak Inkhawm neih a ni ang.

4

Report atanga a lan danin tunah hian Pastor Bial 151 atangin KTP Member 1,17,614 an awm. Tin KTP Branch hi 763 a awm bawk. 2008 chhunga member tamna ber Branch chu Ramhlun N Branch a ni a, a dawttu chu Mission Veng Branch a ni, Chanmari Branch chu pathumna a ni. Tin, kuminah hian kumpuan atan "Member hlate hnuh hnaih" thlan a ni bawk. 8th March Chawhnu inkhawm ban Fellowship-ah Chanmari Branch atangin Evenflow Band te an zai dawn a, Zan Inkhawmah Chanmari Branch KTP Ex-Officio member (CKTP Asst Secretary ni bawk) Upa C.Vanlalvuana chu Chairman a ni ang.

Chanmari Anthem

composed by C. Lalkhawliana

performed by Chanmari Branch YMA Jubilee Choir

Recorded at Hauhnar Rec Studio ©CBYMA 2008

4

Duh taka kan chawi i sakhming mawi,
Khuatin chhinga'n Chanmari kan hauh ang che,
I chawitu leh dintute kan chawimawi e.

I kiltu tlang thang bul thut leh pangpera'n,
Khuai ang lawina zirna kim run an rem,
Duh kim lamna i chhuahka reng a lun,
Zaleng khawmna runin han a nei lo.

Kan nihin i sakhming erawh chawi se,
Entawn hma kal ang sai lovin pen la,
Khawi khua tia chhal tinuama'n,
Thangthar lungfing nunze mawi rual,
Ram kalsiam tham chhertu lo ni ang che.

Thatin chawi zel ang aw,
Chanmari.........Chanmari
Aw vul zel ang che

A sir vei lamah hian a ngaihthlak theih a, a sir ding lamah hian a download theih e.

Fapa pekin a awm ta

Chanmari Branch YMA Asst Secretary, Pu Vanlalruata (Maruata) chu thi leh thau nen a beih ngial hnuin Fanu pali zet a neih hnuah nizan (4th March 2009) khan FAPA PEKIN A AWM TA. A lawmpuiawm e! Amaherawchu hetianga Pathian malsawmna ropui tak a dawn rual rual hian a thian thenkhat, amah anga Fanu hlang nei - Pu Kapmawia Sailo, Dr.T.Lalzoliana, Pu Peter Zohmingthanga, Pu C.Lalthanmawia, Pu R.Lalsangzuala, etc te chungah hmuhsitna nasa tak a lantir mai ang tih erawh a hlauhthawnawm hle.

Pu Biakkunga Boral

Tukin (3rd March 2009) khan Pu Biakkunga (95) Section II, Nepali Biak In thlang chu a boral a, 2:00 PM khan vui a ni. Amah hi Presbyterian Kohhran member a ni.

Pi Buangi a boral

Pi Lalbuangi Sailo (Pi Buangi) kum 78, m/o Pu R.Lalthanmawia, Section I chu 2nd March, 2009 zan dar 8:40 khan a boral. Ani hi nu taima leh hlim thei tak, Kohhran inkhawmah pawh Pathian faka hlim taka lam peih reng mi a ni. Amah hi Presbyterian Kohhran member a ni a, 3rd March, 2009 chhun dar 12:00-ah vui a ni ang.

Chanmari Village Council

Chanmari VCP - Pu T.Lalhluna

24th February, 2009-a Chanmari Village Council Member atana thlanchhuahte chuan 28th February, 2009 khan Village Council Body an siam fel ta.

Hetiang hi an nihnate chu an ni :-
President - Pu T.Lalhluna
Vice President - Pu Lalkhumtira
Treasurer - Pu R.Lalhmachhuana
Secretary - Pu Lalmalsawma Sailo (Sawmtea)
Members - Pi Lalzuali, Pu Lalzuiliana, Pu LT Sanga

Kan khawtlang hruaitu tharte duhsakna kan hlan a, an hruaina zarah Khawtlang inrelbawlna tha tak kan neih ngei kan beisei a ni. Chutiang bawkin an khua leh tuite'n khawtlang tana an hnathawhna kawngah theihtawp chhuahin i pui zel ang u.

Kan VCP Pu T.Lalhluna hi Chanmari Branch YMA hruaitu hlun, Branch YMA President pawh kum tam tak lo ni tawh thin leh Branch YMA OB Post dangte pawh lo chelh tawh thin a ni a, VC Election-a a Symbol Iptepui hmanga hneh taka thlan tlin a ni. V/President Pu Lalkhumtira pawh hi khawtlang pa rawn tling leh tuna Chanmari Veng Congress Unit President ni mek lai a ni. Treasurer Pu R.Lalhmachhuana pawh hi YMA hruaitu, tuna Branch YMA Exe.Member ni mek lai a ni . Secretary Pu Lalmalsawma Sailo pawh hi YMA hruaitu, tuna Chanmarians Joint Editor ni mek lai a ni bawk.

VC OB te (L to R) Pu Lalkhumtira, Pu R.Lalhmachhuana, Pu Lalmalsawma Sailo

WEBSITE SAWI TAKAH CHUAN

Kei chu ka Website hi ka update ngai lovin update tu tur ka hmu tha thei khawp mai. Tin, duh ai a tam leh hnawk hian a lo update thin a, amaherawh chu he site | Direct Links | Movies world | Software world | Download PC Games | Mediafire Links | Celebrity Picturesvisit tu te reng reng chuan comments pawh nei lovin he site tan liau liau hian an nun zawng zawng an hlan vek thin....Oh! What a Sacrifice !!

KTP GOLDEN JUBILEE ATANA SAWMNA

K.T.P Golden Jubilee lo thleng mai tur ah hian Chanmari Branch K.T.P leh Y.M.A member veng pawn lama awm zawng zawng te lo haw vek turin sawm inni e.

Web

Khawvel hi a inthlunpawh nasa tawh hle a. Telephone line tluklehdingawn tam tak mai bakah hrui nei chi dang leh hrui tello chite pawhin a inthlung hnawk tuak tawh a. Hei Internet website ringawt pawh Mizopa chhiarkawp chhiar dan chuan a daih tawh lo a nih hi.
.
Chutih laiin kan vengah pawh line dang an rawn thlun belh zel a. Thlalak hi en chuan hrui hnawk zia hi a chiang viau ang. Heng hi hman deuh laia kan changkannain a rawn hrin chhuah a ni a, naupan lai hun phei kha chuan heng hruiah hian lehkhachaih a tang duh thin hle.