Chanmari YMA Hall-ah Intuaithar

7th February 2009 khan Chanmari YMA Hall-ah Central YMA buatsaihin kumina YMA thupui thlan hmangin Central YMA Committee peng hrang hrang aiawh leh Aizawl City YMA Branch aiawh pahnih theuhte chuan intuaitharna hun an hmang.

He intuaitharna hunah hian thupui pahnih zirho a ni a. "Mizo nun ze mawi" tih chu Pu K.Sapdanga, CEC chuan a sawi a, "Khawtlang nun siam that" tih chu Pu Lal Chungnunga, CYMA Vice President chuan a sawi thung.

Nuih hi Hriselna a ni

He thupui hi chu kan hre lar viauvin a rinawm. Mithiamte chuan kan nuih hian kan taksaa natna tineptu - endorphins level chu a tisang a, stress hormone - epinephrine a tihniam thung a, chuvang chuan taksain a ngeih phah hle an ti. Norman Cousins, thihpui hlauhawm tak natna veitu chuan Nuihza film (Comedy) a en thin avangin a natna chu a dampui hlauh a ni tih a lehkhabu ziak Anatomy of an Illness -ah chuan a ziak lang.

Chutiangin midang tamtakte pawhin Nuih hi an fak nasa hle. Kum upa lam tawhte pawh, mihlim thei takte chu an dam reiin an kum rualpuite aiin an tha pawh a fei zawk niin an sawi bawk.

Hengte avang hian Mihlim thei nih hi i tum theuh vang u.

VC Inthlan

Mizoram chhunga Village Council (VC) member-te chu tun thla ni 24 (Thawhlehni) hian thlan an ni dawn. Tun tum VC inthlannaah hian State Assembly-a ruling party Indian National Congress (INC) te leh Tangrual (UDA leh MNF tangkawp) te chu inkhing ber tur an ni ang.

Chanmari veng atanga VC Candidate te chu hetiang hi an ni :-

CONGRESS :-

1. Pu Lalkhumtira

2. Pi Lalzuali

3. Pu T.Lalhluna

4. Pu Lalzuiliana

5. Pu Lalhmachhuana (s/o Liannawla)

6. Pu LT Sanga (Ex-MPC)

TANGRUAL (UDA & MNF) :-

1. Pu Thangmanga (MPC)

2. Pu Robert Sailiana (MNF)

3. Pu Chawngthuama (Ch.T.A) (MNF)

4. Pu Lalthansanga (ZNP)

5. Pu C. Lalthanzauva (ZNP)

{VCP nilai Pu Rosiamngheta (MPC) chu Candidate atang hian a inhnukdawk}

Heti hian Congress Candidate chu 6 an ni a, Tangrual lam hi 5 an ni thung.

Aw Ka Nu, Aw, Ka pa

Aw, Ka nu, Aw Ka Pa,

Naupang te tak te ka ni;

I kutah, I kutah ngei ka nakin nun a innghat e.

Engang mi nge ka la nih ve ang aw??

I mi enkawl danin a hril ang chu......

Thla-a, Lo tla rawh

Tunlaiin Aizawl-ah Power Supply a awm tha lo hle. A bik takin zan thim tawh hnua Power a awm loh chuan a buaithlak. Inverter, gen set, Mombati, Gas Lamp, etc... kan dap chung zel mai a. Chutiang taka kan buai lai chuan zanin khan thla hi a lo eng reuh phian a, rilru a ti kal thui duh hle mai.

Mizo Nauawih hla pakhat "Thla-a, lo tla rawh, ka naute hian a awrh nulh nulh ang che..." tih te kha min ti hrechhuak a. Tin, hmanlai chuan mizo pa inti fing tak chuan "Thlaah khian bung thing a awm a, a zar te pawh a lian tha hle a, chu'ngah chuan hauhukte pawh an ban kai nalh nalh thei an ti. Chu'ng kan mizo ngaihdana thla kan hriatdan te chu heng power awm loh lai hian min ngaihtuah chhuahtir a, engemaw kawng zawng tak chuan a lawmawm zaw phian!

Inkhawm

Vawiina inkhawm ve theilo te leh inkhawm hmanlote tan. Chanmari Presbyterian kohhran Sunday School kal report -

PUITLING - Hming ziak 1632 ah 1249 an kal (Chhimtu 10)

NAUPANG - Hming ziak 969 ah 895 an kal

HNAM DANG - Hming ziak 6 ah 5 an kal

Thawhlawm -

PUITLING - Rs 11,742.00

NAUPANG - Rs 3919.00

HNAMDANG - Rs 80.00
TOTAL - Rs 15,741.00

Kawng siam tha

Hman deuh khan Aizawl kawngpui dung chu Sawrkar chuan a siam tha a, mahse heng siamthatte hi a kimlo em em a. A bik takin Chanmari kawn phei chu a chanve siam a niin a chanve chu khawih a ni ta lo. A inko hleih bur mai a, kea kal leh Motor-a kal tan pawh nuamlo tak a ni. Abik takin Presbyterian Biakin hnuai, Nl Ramdini dawr kawt phei chu a khuar dek duk mai a, Two-Wheeler khalh tam tak phei chuan chetsualna atan an hmang nasa tawh hle.

Mizoram Sawrkara hotu ber, kan Chief Minister tan pawh he kawng kal hi a nuam chuang lo. Hemi avang pawh hi a ni mahna, nizan atang khan henglai kawng hi siamthat a ni a, vengmipui mai nilovin helaia lirthei leh kea kal tan a ziaawm phah ngei a beiseiawm.

Men on Mag

Heng ho thlalak hi lo thlir ve chhin teh. Zero to Hero an tih hi an ni mai thei lo maw?

Another Pics

Assam Rifles sahdah nuai leh Mutia Committee hi scene hmuh tur tam lo tak an ni.

Global Warming

Tunlai hian Global warming a nasa ta hle mai. Kan Biakin pawh hi he Global warming hian a effect ta em ni? A chhunga inkhawmte hi an nguaiin mutthluk a awl ta hle mai.