Sunday, April 05, 2009

CHanmari Pastor Bial Inkhawmpui


Chanmari Pastor Bial Inkhawmpui Vawi 34-na chu 3rd April atang khan Edenthar Kohhran Biak Inah neih mek a ni a, 5th April, 2009 zanah hian a tiak ang. He inkhawmpuia puipate chu :-
Chairman - Upa JH Ramnghinglova (Chan)
Secretary (Sr) - Upa R.Lallianzuala (Chan)
Secretary (Jr) - Upa VL Ruata (Chan)
Treasurer - Upa HVL Zarzoenga (Chan W)
Inkhawmpuiah hian Thlarau lam thupui "Inthawina Nung leh thianghlim (Rom 12:1)" chu Pro Pastor Lalngaihawma'n a sawi. 4th April 2009 nileng khan rorel a ni a, chu'ngte chu -

  • Biak In hawng lova inneite tan hunbi thliah (zingkarah chauh) hi tun hmaa kan kal dan pangngai anga hunbi thliah lova kal leh ni rawh se.
  • Bial Inkhawmpui Nomination Committee Member hi kohhran tinah inkhai rual deuh turin hetiang hian inruat nise - Chanmari-2, Chanmari W-2, Edenthar-1
  • Zu leh ruihtheih thil hrang hrang do kawngah nasa zawkin hma lak ni sela, a tul angin Synod-in Central YMA leh NGO hrang hrangte thawhpui dan ngaihtuah rawh se.
  • Synod Secretary hna hi Full Time-a thawh ve ni tawh rawh se.
  • Theological Graduate-te hi Mizoram Sawrkar-in Secular Studies-a a tlukpui (Equivalent) anga a pawm dan kawng Synod-in zawng rawh se.
  • Pro Pastor Lalngaihawma kum 2010 Synod Inkhawmpuia nemngheh dilpui nise
  • Tual Upa thlan dilna - Chanmari-3, Chanmari W-3, Edenthar-2, Nepali Branch Church-6
  • Kohhran Upa (Presbytery Member) dilna :- Edenthar-3
Nakum, 2010 Bial khawmpui hman dan tur :-
A Hmun - Chanmari West Kohhran Biak In
A Hun - 2nd-4th April, 2010
Thupui - Chanchin Tha hril (Mk 5:19)
Sawitu - Rev Lalrinawma (Chan)

PUIPATE :-
Chairman - Upa PC Pakunga (Chan W)
Secretary (Sr)-Upa VL Ruata (Chan)
Secretary (Jr)-Upa JH Vanlalhuma (Eden)
Treasurer - Upa Liansailova.

Kohhran hrang hrangte Dan Zawhkim zat leh Synod-a sum an chhunluh zat leh Tualchhunga an hmuh zat hetiang hi a ni :-
Chanmari - 2594 - Rs 1,19,57,771.00 - Rs 47,95,361.00
Chanmari W - 2641 - Rs 71,04,160.00 - Rs 18,15,694.00
Edenthar - 672 - Rs 8,65,162.00 - Rs 5,15,338.00
Nepali Branch Church - 132 - 1,85,967.00 - Rs 1,15,247.00

(Edenthar Kohhran Biakin, Upa JH Ramnghinglova, Chairman)

7 comments:

Craftsmen said...

Branch church khoilai ah nge a awm le..ka lo hrelo nih hi..

Pezo said...

Laipuitlang-a Kan Branch Kraws siam hnuaiah khian Nepali biakin a awm. KTP Branch pawh an ding alom. Kan Bial KTP hruaitu (Nepali) te chu Dinthar Veng-a awm te, Khatla amite an ni nawk asin.. LOL

Pezo said...

Nuam ve fu thrin asin... Bial KTP Musical Meet/Half Yearly-ah te phei chuan "Chitrahar" thei lutuk alom

Craftsmen said...

haha...nuam lai2 khop ang..Bial ktp comt..Bial chhung nilo bial pon a om ka voi1 hriatna...dangdai hle mai..Thra ka ti khop mai a..hehe

Pezo said...

Nepali Branch phei chu an member zawng zawng hi 29-35 vel hi a ni a, percentage-a chhut chuan pakhatna an ni deuh ziah lehnghal... an hruaitu awmna hla ber chu Durtlang..

htta said...

Zu leh ruihtheih thil hi tihhlawhtlin ni ngei se a tha khawp mai, kan rama sualna lo punlun nasa lutuk hi a bulpui chu heng vangte hi a ni. nun titawitu a ni a, kan ram hmelma a ni. YMA leh NGO chauh ni lo, Zoram mipui hian kan vei a, thinlung leh tihtakzeta hma kan lak chuan kan ram damlo mek hi a tidam leh nge ang

A_es said...

Kan Vengah keini poh Assam rifle Kohhran an awm a, KTP poh a awm, mhse Khatla bial an ni daih, mak ang reng tak ani. Tlemte poh nise an thawm a ringve khop mai, an kohhran poh a nung khop mai an ti.