Monday, May 25, 2009

KTP, Aizawl Bethel Presbytery Meet Vawi 1-na

23rd leh 24th May, 2009 chhung khan Kristian Thalai Pawl, Aizawl Bethel Presbytery Meet vawi khatna chu Chaltlang Kohhran Biak Inah tluang taka neih a ni. Thupui chu Lalpa Tih (Thuf 3:7b) a ni. Meet hi 23rd, May (Inrinni) zanah tan a ni a, Palai inlawmna leh Report ngaihthlak a ni. 24th May (Pathianni)-ah chhunzawmin Chawhma Inkhawmah thupui ngaihthlak a ni a, Chawhnu-ah Fakna Inkhawm hlimawm tak hman a ni a, Zanah Chairman hnen atangin thuchah ngaihthlak a ni. Pathianni zan inkhawm banah Fellowship hlimawm tak hman a ni bawk.
He Meet hi Central KTP Gen.Secretary Upa Lalrinmuana leh Synod Choir (Director hovin) chuan an hman pui a, Tin, Rev Dr.R.Lalbiakmawia, Exe.Secretary i/c KTP pawhin a hmanpui bawk.

He meet-a puipate chu :-
Chairman – Upa Peter Zohmingthanga (Chanmari, Chanmari Bial)
Vice Chairman – Pu Laldingliana (Chaltlang S, Chaltlang Bial)
Secretary – Pu Lalremmawia (Chaltlang, Chaltlang Bial)
Asst.Secretary – Pu K.Rorelkima (Ramhlun Venglai, Ramhlun N Bial)
Treasurer – Pu H.Lalsangzuala (Ramhlun Vengthar, Ramhlun S Bial)
Fin.Secretary – Upa JH Vanlalhuma (Edenthar, Chanmari Bial)

Bial KTP OB zawng zawngte chu Committee member an ni a, Presbytery Moderator leh Secretary (Sr) bakah Central KTP Committee member mi 4 (Upa C.Vanlalvuana Asst Secy; Pu C.Lalmalsawma, Tresurer; Pu Robert Lalrempuia, Com Member; T/Upa C.Zarzoliana, Com Member) te leh Bialtu Pastor leh Pro Pastorte chu Ex-Officio member an ni bawk.

Aizawl Bethel Presbytery huam chhungah hian Pastor Bial 4 (Chanmari, Chaltlang, Ramhlun N leh Ramhlun S) te an awm a, KTP Branch 15 a awm bawk.


BIAL HRANG HRANGTE DINHMUN :-
1. Chanmari Bial
Din tan kum – 1975
Indanna Bial – Dawrpui
Bial chhunga Branch zawm zat – 4 (Chanmari, Chanmari W, Edenthar, Chanmari Nepali)
Bial KTP Member zat – 2528


2. Chaltlang Bial
Din tan kum – 1978
Indanna Bial – Durtlang Bial
Bial chhunga Branch zawm zat – 4 (Chaltlang, Laipuitlang, Lily Veng, Chaltlang South)
Bial KTP Member zat – 2016


3. Ramhlun North Bial
Din tan kum – 1981
Indanna Bial – Chanmari Bial
Bial chhunga Branch awm zat – 3 (Ramhlun N, Ramhlun Vengchhak, Ramhlun Venglai)
Bial KTP Member zat – 2097

4. Ramhlun South Bial
Din tan kum – 1999
Indanna Bial – Ramhlun Bial
Bial chhunga Branch awm zat – 4 (Ramhlun S, Ramhlun Vengthar, Ramhlun Sports Complex, Ramhlun Vengthlang)
Bial KTP Member zat – 1737

8 comments:

Bja Hauhnar said...

Ka rin ang he hu a van ni loh hmel, te lo ti ve ringawt i la.....

Craftsmen said...

bj chu....hahahaha...i hria mi..a kal te hian nuam kan ti phian a sin..sunday zan thusawi phei kha chu kan hlokpui lutuk..

Pezo said...

Bj-a inkhawmlo chu poi tak a ni, poi tak... Inkhawm sela chuan nuam a ti kher ang chu. Thlarau lamah hlok lo mahse thil dangah a chhawr tangkai tur.. Fellowship-ah pawh gallery kilkhawr laiah a thu hrim hrim ang..

Bja Hauhnar said...

Nia, thingpui leh a hmeh an sem a ni lomi, ka van chan ropuive, nunpuia te angin nula thingpui min lum sak tu poh kan hmu tawh silova, a Kohhran ang leh KTP ang a min lum sak ka in ta lo chu a poi khop mai.

htta said...

Pathianni chu Thartean sunday School lama awm turin min ti a, khuang kan vuak kha, vawikhat vuakna a ni a, a buaithlak duh hle mai. Asst. Leader a chair bawk si a, mipa (sawma a rawntlai deuh) dang an awm mang si lova, naupang zingah thlan a thla phat phat mai.

Pezo said...

Presbytery Meet-a A_es of Dawrpui.com leh Nunpuia of Dawrpui Vengtharktp te'n min rawn tawiawm kha chuan thlarau nun min chawm tha hle mai... Thanx Buddies

A_es said...

Net atang maia inhriate kan han intawiawm theite kha ka lawm asin! Meet hi zawngchhangtlak hlein ka hria. Thil tha tak leh sawt tak leh hruaitu chherna chu ani meuh mai.

Mhse ktp blog hotupa ber hi a inkhom ngailo emo ni a bo riau mai :)

Unknown said...
This comment has been removed by the author.