2009 Chanmari Branch YMA OB

30th December, 2008 Zan khan Kum 2009 chhunga Chanmari Branch YMA Office Bearers tur mi 6 thlan chhuah an ni. He inthlanah hian Pu Lalzamliana Sailo (Ex-President, CBYMA) chu Returning Officer a ni a. Heng mite hi hruaitu thar atan thlan an ni :-

President - Pu Lalhmangaiha

Vice President - Pu Lalramliana

Secretary - Tv Lalengliana

Asst Secretary - Pu Vanlalruata

Treasurer - Pu Lalfakawma

Fin Secretary - Tv Lalduhawma.

Christmas Kan thleng ta

Kan Lal Isua piancham hlimawm tak chu kan thleng ta. Vawiin hian Chanmari venga kohhran hrang hrangte chuan an biakin theuhvah inkhawmna an nei a. UPC chuan ruai an theh. Kohhran dangte chuan naktuk hian an theh thung ang. Hetia hun hlimawm taka kan hman lai hian vengchhungah chhiat tawk an awm a. Pu Rokima (42), Sec IV, Pu Hranthanga(L) te in luah, Manipur lam chhuak chu tukin khan a boral a, Vawiin chhun 12:00 khan vuiliam a ni.

Kum dang angin Chanmari kawn chu chei a ni vak lo nain, a vela thla la an tam hle.

Krismas Chibai

Engtin hmang ve dawn che u maw, HLIMNA 'MAS RUAI?
Hlimna niah khua kan tihar fo thin;
A then mahni hlimhlawp mai bawl lovin,
Midangte hlimna pawh i thlir zel ang.

MERRY CHRISTMAS, aLL CHANMARIANS

Chanmari at Noel NITE

23rd December 2008 zan khan Chanmari Branch KTP huaihawtin Chanmari Kawnah Noel Nite chu hman leh a ni. He Programme-ah hian Joy bells ten Opening Song an sa a. Veng chhunga zaithiam te zaiin hun hlimawm tak hman a ni.

Kum dang ang bawkin he Nite hi veng mipuiten an hlut hle. Midang veivakte mai bakah hnam dangte pawhin he hun hi an chhim bawk. Youth Idol 2006, Nl Zoramchhani zai chu Joy Bells naupangten an pui a, Khawvel lawm nan a lokal a tih hla mawi taka sain he hun hi tihtawp a ni

Christmas-Nang nen

Christmas hi mitin tana hun lawmawm a ni. A pui a pang, a tar azurin kan tana Nau lo piang chu kan lawm thin. Naupangten kawrmawi leh inkhuallemna thil an nei thar a, an tan hun hlimawm ber a ni. Puitling lam pawhin midangte tana thil tha tih tumin an hun an hmang bawk a, Kohhran lam pawhin thlarau lam ruai chaw thehin hun an hmanghlel bawk.

Chutih laiin Nula/tlangval lam pawhin he hunah hian an duhtakte nen hun hlimawm taka hman tumin ruahmanna an siam ve zel bawk a. Chutih laiin mi thenkhat, vanduai deuhte chuan hlim taka lengte chu an awt ngawih ngawihin, an thinlung luahtu tawng lovin Christmas hi lungleng takin an hmang ve bawk.

Chutichuan ADAMA chuan a Bike neih thar ah chuan CHICKS hlir bak phurh tur a hre ta lo ngei mai a
















A lai a thu erawh hi chuan BIKE nei kher loh pawhin ALUN thutpui tur chu a tlachham ngailovang

Synod Inkhawmpui

Mizoram Presbyterian Church Synod Inkhawmpui vawi 85-na chu 10th December, 2008 atang khan Ramhlun North Kohhran Biakin ah tan a ni a. Ruahman ang chuan 14th December, 2008 zan hian he inkhawmpui hi a tiak ang. Synod-ah hian Rorel palai 1701 zet an kal.

He Synod-ah hian puipate chu -

Moderator- Rev. H. Lalchhanhima
Secretaries- Upa C. Lalmuankima (Sr.); Rev. C. Laltanliana (Jr.) (Chanmari Pastor)
Finance Officers - Rev. Dr. R. Lalbiakmawia, Rev. C. Rosiama
Statistician - Upa Dr. L.N. Tluanga
Executive Secretaries - Rev. Dr. Lalhmangaiha, Rev. Zosangliana Colney te an ni.

14th December chawmhma inkhawmah hian Pro Pastor thar tur dahnghehna leh Pro Pastor tanglai engemaw zat nemngheh an ni ang. Pro Pastor nemngheh tur zingah hian Chanmari Branch YMA Member - Tv Zoramsanga s/o Lalkhumtira, Sec-I (Tuna Hliappui Pro-Pastor ni mek) chu a tel ve. Nemngheh a nih hnu hian Dokamukam, Karbi Anglong Pastor Bial a vawng ang.

Vawiin (14th Dec) Synod Programme -

Dec. 14, 2008 10:00 a.m.
Pastor nemngheh leh Pro. Pastor dahngheh Inkhawm
Thurin zawttu - Rev. V. Lawmkima, Chaplain, Presbyterian Hospital, Durtlang
Thuchah sawitu leh tawngtai saktu - Rev. H. Lalrinmawia, Director, Synod Rescue Home
Zaipawl-
1) Serchhip Vengchung Bial
2) Zemabawk Bial

1:00 p.m.
Lalpa Zanriah Sakramen
Buatsaihtu - Rev. H. Lalchhanhima, Moderator
Zaipawl -
1) Tanhril Bial
2) Mizoram Synod Choir

6:00 p.m.
Pathian Biak Inkhawm
Moderator Valedictory Sermon - Rev. Dr. H. Vanlalauva
Zaipawl
1) Ramhlun North Kohhran
2) Mizoram Synod Choir

Kawn chei

Mizo Kristiante Kutpui hlimawm ber leh nuam ber, Krismas hun chu a lo hnai leh ta hle. Hetih hunlai hian mi zawng zawng hian kutpui boruak hi mahni phak tawk tawkin kan ur lawk ve a, Thuamhnaw, ei leh ein, etc etc te pawh hun dang aiin kan uluk zawk thin a nih hi.

Hetianga kan kutpui ber kan lawmnaa pawimawh tak pakhat chu Kawtlai/kawtthler cheimawi a ni. Chanmari Kawn hi hun rei tak atangin kan lo chei tawh thin a, kawn chei hmasak pawl ber pawh a ni hialin a rinawm. He kawn chei hian mipui a hip nasa thei hle a, veng hlutna pawh a tizual nasa hle thin niin a hriat. Hmun hrang hrang atanga lokalten Chanmari kawn chei mawi tak tak te tlawha, a bulhnai vela thla an rawn la thinte hian a veng neitute a tihlim viau thrin. Ram hrang hrangah te pawh hian Building nalh tak tak leh Historical monuments hlu tak tak an neih avangin an ram hming a than phah thin a, sum leh pai tam tak an lakluh phah thin. Chungte avang chuan an ram Tourism pawhin nasa takin hma a sawn phah thin tih kan hriaiin a rinawm.

Hetiang a nih avang hian Krismas vuakvet laia Chanmari Kawn chei a nih loh hi chuan veng mipuite (a bikin naupang) leh veng pawn mi thleng tan a hrilhai thlak duh hle thin.

Firehouse Concert

Aizawl-ah International Rock Band - Firehouse chuan 18th December, 2008 (3:00pm) hian Lammual-ah concert an rawn nei dawn.

Bikers

Bike thar nei te

Christmas Banner

Nikuma Chanmari Presbyterian Kohhran Biak Ina Christmas Banner mawi tak hi a lo nalh hle mai. A siamtu Tv Bj & Co te an ngaihsanawm. CBox-a in sawilan avangin kan rawn post e. Kumin chuan hei ai hian a mawi lehzual zawk ngei i lo beisei ang u.

Kan Bialtu MLA thar

Vawiin hian 6th MLA Election Result chhiar a ni ta a. Aizawl Court Complex-ah he hun hi hman a niin Indian National Congress chuan hneh takin Sawrkarna an chang. Kan Bial, Aizawl North-III result bik chu hetiang hi a ni e :- Ist-Pu Lal Thanzara (INC) - 4109, 2nd-Pu K.Sangthuama (MNF) - 3603; 3rd-Pu Rosiamngheta (UDA) - 3472; 4th Pu C.Laltanpuia (Ind) - 120. Chutichuan Aizawl North - III bialah chuan Pu Lal Thanzara chu MLA atana thlan a ni ta a ni.

Vote chhiar hi uluk taka neih a ni a, Counting Complex chhungah hian duty neilo chu luh phal a ni lovin Gate pawnah party mi leh saten an lo ngaichang thup mai a ni.

Precious Gems

Krismas a lo hnai leh ta hle mai. Krismas hun laia Mizote lunglenna ber chu Krismas hla saa zai khawm/carol hi a ni. Chung hla zingah chuan Upa Rokunga (L) hlate hi an lar hlawm hle. Amaherawhchu Pu Rokunga hlate tluk hiala Mizote thinlunga Krismas hla riak reng thin chu heng kan veng rohlu pahnihte (Pu Thandanga leh Pu Charlie Lalkhawliana) te hla hi an ni.

Pu Thandanga hla phuah leh thluk siam , "Khawvel thim en tura chu" tih leh Pu Charlie Lalkhawliana hla "Kumsul liam hnu kan nun ngaihlai tho leh thin" te chu Mizo zingah chuan a hrelo fa an awm lovang e, tih khawpin an lar a. Heng hla pahnihte phei hi chu Kristian Hlabu-ah pawh telh an ni nghe nghe. Tin, Pu Lalkhawliana hla "Kan nghah Krismas lawmna ni kawl a eng tan ta" pawh tunlai Krismas hla lar ber zinga mi a ni. Chanmarians te phei chuan kan thiam deuh vek a nih hi.

Heng kan veng pa hlu tak takte zarah hian Mizoten Krismas hla duhawm tak kan neih theih avang hian anmahni hi kan chhuang a, kan ngaisang hle. An thiante viz. Pu F.Sapbawiha, Pu Hranthanga etc te awm tawh lo mah se, hlim leh hrisel taka Krismas an hman kan duhsak e.

Election Thalak

Vawiina MLA Election chu he thu buatsaih lai (3:32 PM) thleng hi chuan Kan vengah boruak a duhawm hle. Inthlan thalak en duh tan link click mai tur - Inthlan Thlalak Album

MLA Inthlan

Vawiin 2nd December 2008 hian Member of Legislative Assembly tur inthlanna neih a ni a, Chanmari chuan YMA Hall chung chiah, Govt HSS Building-ah vote kan thlak. Zingkar atangin Vote thlak a ni. Aizawl North III-a Candidate -te : 1. Pu K.Sangthuama (MNF); 2. Pu Lal Thanzara (INC); 3. Pu Rosiamngheta (UDA); 4. PC Lalsangliana(Lok Jan Shakti) leh 5.Pu C.Laltanpuia (Ind) te chuan he bial hi an inchuh a, Vote hmu tam ber hi kan biltu MLA an ni mai dawn a ni. :-) hun ralmuang leh fel fai tak hnuaia inthlan hi kalpui a ni.

Hrangbana College hnuaia MPF-in Office an siam a, Chutah chuan KTP hruaitute duty-in Vote thlak turte hnenah a tul ang ang an lo kawhhmuh a ni.

My New Babe!!

A thupui en khi chuan Sas thar lam a nih duh hmel. Mahse a ni lo hlauh. Tv Adama hian a chhungte bulah Thil Thar a ngen a, Nunna nei ngei a ngen a, an phal a, Mahse amah hian chutiang chu a hmuh loh avangin chu nunna nei chu a tan a remchang ta . Mahse thil hi duhzawng ang zawng zawng hi a lo remchang lo a nih dawn hi. Krismas leh a vuakvet laia a chulnel turin tunlai Bike Chhuak thar YAMAHA's FZ16 chu a ngen chhuak ta hlawl mai. Chhungten an phal zawk a hmu lova, an phal loh zawk a nei ta. A chetdan hi a ngaihtuahawm ang tih chu a hlauhthawnpuiawm khawp mai.

Amahin a sawi dan takah, "Pu Nunga pawhin a neih thar chuan enge ka neih thar loh bik lem ang le?" tiin tunah hian Pu Nunga nen Race turin hma an la mek. Chutih hunah chuan Tv Chhuansanga'n Chequered Flag a vai dawn a niawm e

X-Treme Rider

Chanmari Branch YMA Vice President Pu C.Vanlalnunga chuan kar hmasa khan BIKE thar (Hero Honda's CBZ Xtreme) a lei a. Tunlai hian a che bon khawp mai an ti.

Pawisa Tam

Tunlaiin Chiahpuam a lar bawk a, Chiahpuam pawisa collector pakhatin a pawisa khawn sa thla a lakpui hi a tam khawp mai. Han en mai chuan itawm tak a ni. Amaherawhchu thawhrim rah a nih loh chuan pawisa eng anga tam pawh hian hahdamna min lo pe lo fo. Heng pawisa tam tak kawltute leh lo hlep chhuak tute hi tunah hian mi rilru hahdam an ni ta kher lo. Thenkhatte phei chu damchhunga khawsak nuam thei tawh lo tur, mi khawngaihthlak tak tak an awm ta nawk mai. Mi neihah hian rilru tihah lo ila, Rinawm taka mahni thawhrim rah seng hian malsawmna a thlen thin tih hriat a pawimawh hle.

Chanmarians Blog tlawhtute zawng zawng Sunday hman nuam ule!

MLA te Lepse-na

MLA Inthlan a hnai ta bawk a, inthlan lam boruakin min luah tan. Amaherawhchu Chiahpuam boruak hian Aizawl mipui tam tak rilru chu a luah hneh hle thung.
Hmanni khan PRISM chuan MLA Candidate te ro neih hlut zawng te, Party hrang hrang Manifesto te an lepse-na a buin an chhuah a, kan han tarlang ve mai mai a ni e.
PRISM ho siam lepse-na bu en duh tan a hnuaia link hi click keuh mai teh
Lepsena_Bu

Tunlai

Tunlai hian Chanmari vengah thil ropui tak hriat belh tur a awm lo. Chiahpuam story-in ziaawm lam a pan a, MLA inthlan boruak veng thenkhatah chuan a lian hle tawh a, Mahse Chanmari vengah chuan Politics boruak pawh a la lian ve vak lo.

Mobile Network a thalo tlangpui. Zawngtah a la to deuh. Khua a thal tan a, chat a awl tan. Boruak inthlak avangin hritlang an awm nual. PHE Reservoir an siamthat dawn avangin ni 10 vel chhung PHE tuisem chawl dawn. Presbyterian kohhranin Kohhran Hall an sa tha tan. Nl Ramdini dawr a lun a, Pa Hmaa dawr pawhin ngai a la awh.

KTP in Jubilee Sports an hmang mek. Tv Mohud-a kal confi tran, kal fua fua tawh lo. Tv.Lalenga a hritlang. VCP a campaign. Tv Adama leh Amby-an urlawk zana mi tur Broiler an invulh trawm.

Inkhawm lote tan

Vawiin hi Pathianni a ni a, Chuvangin Biak inah kan inkhawm hlawm a. Phai lama awmte leh inkhawm renmchanglote tan Chanmari Presbyterian Biakin pawn leh chhung thlalak kan tarlang e.

Kan Veng atanga MLA Candidate te

Kumin MLA Election-ah hian kan veng atangin heng mite hian nomination an file.

1. Pu Rosiamngheta: Ani hi Section II huam chhunga awm a ni a, Chanmari Veng VCP nilai a ni a. UDA (MPC) ticket-in Aizawl N-III (Zarkawt, Electric veng, Chanmari, Chanmari W, Hunthar & Edenthar)-ah a ding dawn.

2. Pu C.Laltanpuia : Ani hi Section IV huam chhunga awm, Mosia Store neitu a ni a. Tunah hian Independent Candidate niin Aizawl North -III ah tho a ding dawn a ni.

3. Pu Chawngroliana (Patea) :- Ani hi Section IV huam chhunga awm a ni a. Tunah hian Aizawl North-I (Durtlang, Selesih, Bawngkawn, Chaltlang, etc)-ah National Congress Party (NCP) ticket-in a ding dawn.

KTP Sports

Vawiin (13th November, 2008) hian Chanmari Branch KTP chuan Golden Jubilee Sports chhunzawmna atan Sports neih a ni. Vawiin hian Mini Sports Complex-ah leh Govt H.S.School Indoor-ah Item hrang hrang hmanga infiamna hi hman a ni.
Golden Jubilee Sports hi 8th November khan Govt Higher School Field-ah tan a ni a, 11th November zan khan Indoor Items thenkhat Kohhran Hall-ah an nei. Sports Item tam zawk hi kuminah neih a ni ang a, a kharna chu Jubilee lawm hun, nakum March thlaah neih tum a ni.

Secretariat Building

New Capital Complex (NCC) lamah kan Sawrkar hnathawkte Pisa pui (Secretariat Main Building) chu hmanni lawk atang khan suan luh a ni ta. A Building hi a mawiin a awmna hmun pawh duhthusama fianrial a ni.

Collections