Mizote hi khawvel hnam hrang hrang zingah hian sa ei nasa pawl tak kan tling hial awm e. Eng sa pawh kan duh ti ila a sual tam pui lovang. Ei leh in siam lam (cuisine) hi kan changkan lohna a ni leh nghal. Chhum tawp, tlak tawp etc a ni deuh mai. Hnam dang chuan bawlhlo leh eng ilo nen tui tak leh thianghlim takin an siam a, keini chuan chuti lam chu kan uksak vak thin lo. Ei leh in lama fimkhur deuh leh duhtui deuhte phei chu "tenchhia" kan la ti zui a, tenchhia nih kan lo duh vak hlawm bawk si lova, a hniak tam lam duhdanin kan kal ve leh ngawt thin a nih hi.Kan sa ei duhdan leh kan sawngbawl dante erawh hi chu inenfiah a ngai tawh hle mai. Sa-ah pawh a kawchhung lam te hi kan duh hlei hlei bawk si.. Vawk lah "Kum tling ngei" kan han ti a, a thau taksa tan a pawi hnuah kher kan han talh a. Ruai kan siam lahin kan eitur siamdanah kan fimkhur tawklo fo. Heng vangte hian natna engemaw kan pumpelh theih reng hi kan tawrh phah fo ang em tih pawh ngaihtuah tham tak a ni.
Engpawh nise, khing sa ho khi mizote hrawkah chuan a la tui ber miau si a le!!
1 comment:
a dik a lawm, kan ruai siam dan hi kan hmasawn ang zel hian a fute te pawh hian hmasawn zel thei se a duhawm hle. Fatu peih tak leh tlangnel tak mahse mitena an ten ruk tlat te hi, fatu zingah hian an awm ve chawk thin a. Kan inruat a nih chuan telh loh ngam tepawh hi a hun tawh a ni. Bakah fatu nih avanga tawp taka awm kher tur a ni lova, a thianghlim thei ang bera chet a hun tawh a ni.
Post a Comment