KTP Half Yearly Meet

27th June 2009 (Inrinni) zan leh 28th June 2009 (Pathianni) chawhnu leh zanah khan Chanmari Pator Bial KTP chuan Chanmari West Kohhran Biak Inah KTP Half Yearly Meet an hmang. Inrinni zan chu Fakna Inkhawm hun atan hman a ni a. Hetah hian Bial chhunga Branch hrang hrangte atangin Item tha tak tak ngaihthlak a ni.

Pathianni chawhnu leh zanah chuan Bial hruaitute (Upa C.Vanlalvuana leh Upa JH Vanlalhuma) hnen atangin thuchah ngaihthlak a ni. Pathianni chawhnu leh zan inkhawm banahte hian Fellowship hun hlimawm taka hman a ni.

For more pics Click here

YMA BUK - Chanmari veng tana chhinchhiah tlak

KUM 1983: YMA Member tinte'n kan tha leh zung senga kan buaipui leh khawtlang tana tangkai tak tur YMA BUK chu ni 10.9.1983 chawhnu dar 2:00 khan Brig T. Sailo, Mizoram Chief Minister-in a hawng. Chairman chu Pu B. Daniala, Chanmari Branch YMA President a ni. Tv. K. Chhawnthuama, Secretary, CBYMA hnen atangin report ngaihthlak a ni a, thusawi tawi Pu Rozinga, Chanmari VCP leh midangte atangin ngaihthlak a ni bawk.

YMA BUK hawnnaah hian Pu Lalrengpuia Sailo leh a pawl ten Darbu an tum a, Pu Tenga'n phenglawng tumin Chawngbawla Section ten YMA BUK cheimawi hna an thawk a ni.

Chanmari West nen kan inthen hnu, July ni 13, 1990 khan YMA BUK chu Chanmari West Branch YMA kutah hlan a ni. Hemi rual hian Chawngbawla Section leh Khuangchera Section te chu Chanmari West Branch YMA a ni nghal a, an bungraw kawl te hi Chanmari West hian an changzui ta bawk a ni.

YMA BUK hi vawiin thlenga Chanmari veng tana chhinchhiah tlak leh hriatzui tlak zingah a tel a ni.

KUM 1965 LEH 2009 YMA DAY

Chanmari Branch YMA in YMA Day a lo hman tawh dan chu thlalak atang hian a indanglam hleih tawh hle. Kum 1965 hian hnatlanga hun hman niin tlai lamah hnatlangte tan ruai buatsaih a ni, he lai hmun hi Pu Lalchhawna te in kawt a ni. (Branch in YMA Day thlalak a neih hlui ber a ni awm e). Kum 2009 hian zan lamah YMA Hall-ah Section intihsiaknaa hun hman a ni.

AIJAL - 0 KM

Mizorama km/miles chhinchhiahna atana an hman hmasak ber nia lang chu tuna Pu RK Sapa te dawr bulah hian a awm a, lungphunah chuan ‘AIJAL - O Km’ tih hi chiang takin a la lang thei a. Tuna a dinna zawnah hian Dak in a awm thin a ni. Tun hnai khan he lungphun hi a bo pil mai loh nan Pu Lalsawmkima, Branch Executive member chuan YMA colour a hnawih thar bakah thuziak fiah lo laite a chei tha.

He lai hmun hi ‘0 Km’ a nih chuan Mizoram chhunga khaw inkar hlat zawng teh tanna a ni tihna em ni ang? Hei hi engtik kuma phun nge?

Blog enkawltu insiamrem

Vawiin, 18th June, 2009 atang hian Chanmarians Editor nilai mek Tv.H.Thantluanga chuan He Blog hi a enkawl tan ta. Hetih rual hian a enkawltu hmasa pawhin a puibawm reng bawk ang. He blog hmasawnna tur hian member tin-te hnen atangin thurawn (suggestions) kan pawm reng a ni. Comment Box -ah emaw, Shout Box-ah emaw in thurawn te chu in rawn tarlang thin dawn nia.

Chanmarians Blog hmasawn zel theihna turin tan i la zel ang u.

YMA Day Hlimawm

15th June 2009 (Thawhtanni) zan khan Chanmari Branch YMA chuan YMA Day vawi 74-na chu Chanmari YMA Hall-ah hun hlimawm tak hmangin a lawm. He YMA Day lawmna Programme hi zan dar 8 (Inkhawm ban) ah hman tan a ni a. Section huapa inelna hrang hrang - 1) Chanmari Anthem 2) Short Play, 3) Innuihsiak, 4) Attendance hmanga inelna thianghlim neih a ni.

Veng chhunga zaithiam hrang hrangte an zai bawk a, kham lo takin zan dar 12:00-ah he hun hi hman zawh a ni. He YMA Day lawmna Programme-ah hian Member-te an kal tha hle a, YMA Hall lenglo mipui an kal khawm a ni.

YMA denchhen hian heng mite atang hian Branch YMA chuan thilpek a dawng :-

1) Pu Thangkhuma te chhungkua atangin YMA Hall Generator (20 KVA) man tur -

Rs 3,50,000.00; (an fapa David Lalzuiliana hriatrengna atan)

2) Pi Lorrain Zokungi te chhungkua atangin Water Cooler (Rs 48,000.00 man), an pa Pu David VL Hnamte hriatrengna atan

Tin, YMA Day denchhen hian Mi harsate pual thawhlawm atangin hetiang hian thilpek pek a ni - 1) Mizo Welfare, Guwahati (Rs 7000.00);

2) Mizo Welfare, Kolkata (Rs 7000.00);

3) Mizo Welfare, Vellore (Rs 7000.00);

4) Veng chhunga harsa zualte mi 4 hnenah (Rs 2000.00 theuh)

A vaiin Rs 29,000.00 semral a ni

For more pictures CLICK HERE

GOSPEL BEAT CONTEST

12th June 2009 (Friday) zan khan Chanmari YMA Hall-ah Chanmari Branch Kristian Thalai Pawl buatsaihin GOSPEL BEAT CONTEST neih a ni. He Beat Contest hi Chanmari Pastor Bial chhunga KTP member-te tana buatsaih a ni.

Beat Contest-ah hian Beat Group 8 an tel a, Aizawl-a music lama mi hriat hlawh tak takte'n an endik a ni. He Beat Contest-ah hian hetiang hi result a ni :-

1st - Stigmata (Chanmari West)

*

2nd - Arms Nailed Down (Chanmari)

*

3rd - Neuhof School Band (Chanmari & Chanmari W)

Lawmman pakhatna dawngtu hian Trophy leh Certificate bakah pawisa fai Rs 5000/- an dawng a, Vodafone chuan Sim Card a thlawnin member tinte a pe vek bawk. Tin, heng bakah hian Audio Recording leh Music Video a thlawnin siamsak an ni bawk ang. Lawmman pahnihna leh Pathumna te pawhin tangka fai leh Certificate an dawng a, a tel apiangte hnenah Participation Prize tha tak pek vek an ni bawk.

Hmingpuia (Judge) in action

YMA Day Lawm dan tur

Branch Executive Committee in a lo rel tawh angin YMA Day vawi 74-na chu chhun leh zana hman turin a rel fel ta. Central Executive Committee (CEC) meeting chuan YMA Day hman dan tur hi a thlir lawk a, YMA Day hi khua leh vengchhung tana tangkai taka hman a nih ngei theih nan ruahmanna a siam a ni. He ruahmanna leh ngenna hi Branch tinah thawnchhuah vek a ni.

YMA Day hi Chanmari Branch YMA pawhin tangkai takin hman a tum a, hemi ni hian Branch Executive chinte chu chhun lamah nilengin YMA Hall tifaiin hnatlang an nei dawn a, zan lamah programme hlimawm tak hmangin YMA Day hi chhunzawm leh a ni ang.

YMA Day lawmna programme-ah hian Section tin ten ‘Zo nun ze mawi’ lam hawi lemchan leh Chanmari Anthem hmanga zaipawl intihsiaknain hun an hmang ang a. Hemi bakah hian Chanmari Branch YMA chuan YMA Day denchhen hian vengchhunga miharsate hnenah thilpek a pe dawn bawk a ni.

Sorkar pawhin YMA Day hi a ngaipawimawh a, sorkar office leh sorkar school te chu khar an ni ang. Chuvangin YMA member zawng zawngte naktuk zan hian YMA Hall-ah kal ngei turin ngen an ni.

Yma Day Lawmna Programme
A hmun : YMA Hall
A hun : Ni 15.6.2009 Zan dar 8:00 (KTP Inkhawm ban)
Chairman : Pu Lalhmangaiha, President
Hunserh : Tv Lalrammawia Rawite
Section Inchhiarna & Section Report

****

Solo : Nl Belinda L. Sailo
Zo Nun ze mawi Inzirtirna : Pu Lalpara
Intihsiakna : Chanmari Hla
Solo : Nl Rosy K. Remsangpuii
Intihsiakna : Lemchan tawi
Special Item : Section tin atangin

Intihsiakna : Innuihsiak
Section Inchhiarna
Solo : Nl Julie Lalthansangi
Result puan leh lawmman sem

Nupa tuak tharte

K. Lalduhawma, Sec-II leh Vanlalsiami (D/o PC. Zokhuma, Chhinga Veng ‘E’) June ni 11, 2009 (Ningani) chawhnu dar 2:00 khan Chanmari Presbyterian Kohhran Hall-ah an innei. K.Lalduhawma hi Section II Committee member ni lai a ni.

Moses Malsawmtluanga s/o C. Lalnunmawia, Sec-III leh Doris Lalramhmuaki (D/o Upa C. Laltanpuia, Thuampui Veng) te chu ni 12.6.2009 (Zirtawpni) chawhnu dar 2:30 khan Chanmari Presbyterian Kohhran Biak Inah an innei.

YMA DAY

Kumin YMA Day (15th June, 2009) chu Chanmari Branch YMA chuan Section hrang hrangte intihsiakna hun atan hman a tum. He hunah hian Section hrang hrangte chuan Chanmari veng hla (Chanmari Anthem by C.Lalkhawliana) hmangin an inel ang. Tin, Drama hmanga intihsiak pawh a awm dawn bawk. Hemi atan hian Section hrang hrangte chuan hma an la nasa tan hle.