15th June 2009 (Thawhtanni) zan khan Chanmari Branch YMA chuan YMA Day vawi 74-na chu Chanmari YMA Hall-ah hun hlimawm tak hmangin a lawm. He YMA Day lawmna Programme hi zan dar 8 (Inkhawm ban) ah hman tan a ni a. Section huapa inelna hrang hrang - 1) Chanmari Anthem 2) Short Play, 3) Innuihsiak, 4) Attendance hmanga inelna thianghlim neih a ni.
Veng chhunga zaithiam hrang hrangte an zai bawk a, kham lo takin zan dar 12:00-ah he hun hi hman zawh a ni. He YMA Day lawmna Programme-ah hian Member-te an kal tha hle a, YMA Hall lenglo mipui an kal khawm a ni.
YMA denchhen hian heng mite atang hian Branch YMA chuan thilpek a dawng :-
1) Pu Thangkhuma te chhungkua atangin YMA Hall Generator (20 KVA) man tur -
Rs 3,50,000.00; (an fapa David Lalzuiliana hriatrengna atan)
2) Pi Lorrain Zokungi te chhungkua atangin Water Cooler (Rs 48,000.00 man), an pa Pu David VL Hnamte hriatrengna atan
Tin, YMA Day denchhen hian Mi harsate pual thawhlawm atangin hetiang hian thilpek pek a ni - 1) Mizo Welfare, Guwahati (Rs 7000.00);
2) Mizo Welfare, Kolkata (Rs 7000.00);
3) Mizo Welfare, Vellore (Rs 7000.00);
4) Veng chhunga harsa zualte mi 4 hnenah (Rs 2000.00 theuh)
A vaiin Rs 29,000.00 semral a ni
For more pictures CLICK HERE
2 comments:
Kum engemaw zat mahni Hall ah YMA Day hmang thei lovin kan awm a, mahni halh ah ngei hmang tura rilru han pek thut mai chu a buaithlak duh e!! Rilruah an rawn kal tlem ang tih hlau reng rengin kan awm a, mualpho a hlauhawm a ni, tunlaiin mi kan buaiin chhunlam programme ngat phei chu mihring inkohkhawm a harsatzai chu kan hre theuh awm e. Mahse, kumin YMA Day chu rilru a la awm ngai lo,, suangtuahna pawha la suangthuah thiam phak bakin veng mipuite rilruah a tlana hlein a lang. A lawmawm tak zet a ni. Hetiang hi hruaitute rilru pawh a ni pha lo.. beisei pawh an beisei lo... chuvangin YMA Day kan hman hi a hlawhtling a ni....Section hrang hrang ten an chanvo theuh hneh taka an rawn ti thei khan an inbuatsaih nasat zia a lang a ni. YMA Day hian veng mipuite ah inunauna leh inthianthatna a thlen ngei ka ring a. Tin, YMA leh tanpui ngaite tanpui hi a in hmeh hle a, YMA Moto pawh a ni, branch hrang hrangin tanpui ngaite tanpuina kawnga hma an laknasat zia kan hmu.. a dawngtute tan pawh YMA Day hi malsawmna a nih ngei ka beisei. Kan branch pawhin mi harsate hnenah tanpuina cheng engemaw zat a pe a, tin Zoram pawnah pawh pawisa thahnem tak a pe bawk a ni. Hei hian mi hnuaihnung/mi chanhaite a ensan loh zia a ti lang a, tanpui ngaite tanpui kawngah a rilru a la pangngai zia a lantir a ni.
Hall thar nuam leh changkang taka han hman chu nuam viau turah ngai ila. in prog poh a that hmel khop mai,U Adama a che leh viau turah han ngai ngot bok ila.
Khiting prog intihlimna mai bakah mi harsate hnenah tanpuina cheng engemaw zat in pek leh Zoram pawnah pawh pawisa thahnem tak in pe bawk hi in tih tur tak in ti-ah ka ngai a, in ti tha thlawt!
Ni e, hei hian mi hnuaihnung/mi chanhaite YMA-in a ensan loh zia a ti lang a, tanpui ngaite tanpui kawngah a rilru a la pangngai zia a lantir bok a ni.
Post a Comment