Clean Chanmari Committee chuan Chanmari vengchhunga ei zawngte tan thuchhuah a siam. (hei hi lehkha sem atanga kaihtawi a ni)1. BAWLHHLAWH PAIHNA : Vengchhunga bawlhhlawh paihna hi vengchhunga chengte bawlhhlawh paihna tur a ni a. Parcel te, in sakna leh thilsiamna nawi hrawmhraw tak tak paihna tur a ni lo. Bawlhhlawh hrawmhraw bik nei thinte chu mahni sensova inchingfel tur a ni, tui luankawrah bawlhhlawh paih loh tur.
2. BUNGRUA : Kawngpuiah vantlang chetvelna dip lo thei ang bera bungraw load/unload tur a ni. Kawng dip a dawr bungraw dah loh tur
3. HAWKER : Vantlang kawng dip phakin mahni dawr kawtah dawrte (Hawker) awmtir loh tur.
4. BAZAR : Chanmari Bazar hmun ni lo, kawngpui dung leh dawr kawtah inzawrh phal a ni lo. Dawr neitu leh in neitute pawn zawhtir loh tur. Man tlawm thei ang bera thil zawrh tur a ni.
5. ZIRLAITE : School, College leh thildang zirnaa zirlaite zingah anmahni Institution pawna bengchheng siam ching an awm. Khawlaia intawllen lova an zirna hmuna lut nghal tur leh an zir zawh veleha haw nghal turin zirtirtuten an zirlaite lo hriattir se.
6. ZU LEH RUIHHLO : Chanmari vengchhunga eizawng zawng zawngte, zu leh ruihhlo laka inthiarfihlim turin Clean Chanmari Committee chuan a ngen a ni.
7. THIL DANG : # Mipui nunphung pangngai tikhaihlak thei rally, road show, concert etc. huaihawt a nih dawnin Sawrkar leh khawtlang hruaitute hriattir tur a ni. Hnawmhnawk hnutchhiah lo tur. # Phalna lovin poster, banner etc. tar khap a ni. Banner tar duhte chuan VC hriattir tur.
5 comments:
Clean Chanmari Committee hi kum dangah a la awm ngai lo. An hmalakna hi hlawhtling ngei se ka ti hle. Vengchhungah faina leh thianghlimna kawngah hma an chak hle. committee kutah chauh kan dah chuan rei an daih dawn lo. Chuangin an hnung thalaiten kan zui a ngai a ni.
Clean Chanmari a ding hi tun hnaia chanmari venga thil thleng ah chuan a tha ber pawl ani....hengtiang hmang hian an veng hian hma kan van sawn dawn em...mahse mipui(vengmi)te hian ngaihpawimawh nachang kan hrelo ang tih chu a hlauom khawp mai...
kan tanrual chu faina leh thianghlimna kawngah nasa takin chanmari hian hma a sawn pui ngei ka beisei.
Zawm tlan vek theih atan ava tha dawn ve? Kan veng luih2 poh hi rawn hmer tel ula thra ang....
ni e. bible te hi zawm vek thei ila chu thuchhuah te hi a awm lo mai tur a nia. clean chanmari hian mi a uap hneh ve reuh khawp mai.. ni e. es.. rawn hmer tel hram dan kan lo ngaihtuah ang e.
Post a Comment