Pi Chawngthanpari (Papari) hi Pu Thangliana (L) leh Pi C. Ronguri(L) te fa upa ber niin 12th May 1961 khan Lungleiah a lo piang a, an unau chu hengte hi an ni: #Chawngthanpari w/o Richard Lallawmzuala, Chanmari#Chawngdingpuii w/o V. Lalbiaktluanga, Lunglei #Rebecca Lalzawmpuii w/o David K. Lalmawizuala, Lunglei
Papari hian B.A. a pass hnu hian hmun hrang hrangah zirtitu hna a lo thawk tawh a. March ni 5, 1990 atangin tuna a thawhna Mizoram Legislative Assembly Secretariat-ah hian Translator hna thawkin a thih ni thlengin he hna hi rinawm takin a thawk a ni.
May ni 10, 1990 khan Dawrpui Kohhran Biak inah Richard L.Pachuau (Patea) nen inneiin, fanu pakhat leh fapa pakhat an nei a, an fate chu Rosalyn Lalmuanpuii leh Reuben Lalremruata. Papari hi mi invawng fel leh insum thei tak, taima tak a ni. A phak ang tawka rawngbawlna chanvo a neih te theihtawpa hlen chhuah tum tlat mi a ni a. Tunah hian Chanmari Presbyterian Kohhran - Puitling Sunday School Zirtirtu niin, Kohhran Hmeichhe lamah pawh Bial puitu leh Bible Society ah Collector ni lai mek a ni a, Sunday School exam-a ti tha, a zawna kum 5 Honours hmu te chawimawina Zalawra Medal a dawng tawh a, Dawrpui Kohhrana a lawi laiin KTP ah Branch Committee Member a ni tawh bawk.
Papari hian insawiselna em em pawh a nei ngai lova. Thla hnih vel kalta atang khan lu na a sawi ve thin a. Medical check-up te pawh neiin engmah sawisel fak tur chu hmuh a ni lova. A lu na hi a la sawi fo avangin Nerve (hriatna tha zam) lam ha lo hnathawh a nih takin tih thil thuah 2nd Sept 2009 khan Nerve lam thiam Dr. Judy hnena inentir turin Appointment pawh an siam fel vek tawh a, an inentir hman ta lo a ni. A lu na hian a kian san tak tak lo mah se Office a kal reng tho a, a thawhpuite nen hlim taka inkawmin hun an hmang a, chawhma dar 11:20 vela bathroom-a inthiar tura a kal chu nikhaw hre lovin a tlu a. A thawhpuiten rang takin Civil Hospital panpui nghal mahse chhan hman a ni ta lo a ni.
5 comments:
Pi Richard-a an nun a boralsan ta hi pawi ka tihpui hle mai.. An chhungkua Pathianin awmpuiin veng zel rawh se.
Pi Papari RIP,Pu patea te pafa chu ka tuarpui tak meuh meuh ani...a poi ka tihpuiin ka ui hle mai.Trawngtrai pui zel ang u.
RIP Pi Papari.
He thihna hi Pu Patea-te chhungkaw tan, "Tuarna phen a malsawmna" anih ka duhsak.
Papari, kan naupan tet atanga kan hriat athi tih thu ka hriat khan min thrawng hle mai. A chhungte Pathianin awmpui rawh se.
'Lui ral mawiah khian Tlantu faka kan la zai ho leh ngei kan beisei'
U Papari ka ui ngei mai, naupan lai kan naupan lai atang tawha kan zah lh ngaihsan tunhnu thlega inhmuh nikhuaa min be hmasa ziah thintu a ni a, awih cu a har duh khp mai, U Patea leh an fate ka tawrhpuih takzet a ni
Post a Comment