Ni 11.12. 09 (Zirtawpni) a Mizoram Wrestling Association buatsaih Mizo Inchaipui - Title Fight-ah Tv. Lalrohlua, Sec-II chuan pate (kg 60 hnuailam) ah F. Vanlalsiama, Tachhip hnehin a Champion a, lawmman atan Rs. 15,000/- a dawng. Tv. Lalrolhlua hi a u Tv. Lalrintluanga Jahau (Vala) nen Pu Lalsangluia Sailo in luahin an khawsa mek a ni. Chanmari tihmingthatu Tv. Rohlua hi Pu Lalbiakliana leh Pi Mary Lalneihtluangi te fa neihchhun niin July ni 29, 1990 khan Mission vengthlangah a lo piang a, zirna lamah chuan Class IX thleng a kal.
Interview leh Training chi hrang hrang a paltlang hnuah kum 2006 atang khan a tuina tak Wrestling lamah ngawrh taka bei turin SAI-ah a lut ta a ni. State Level Wrestling Competition chi hrang hrangah Gold Medal 8 tiamin lawmman thahnem tak a la tawh. National Level-ah chuan kum 2007 atangin Mizoram aiawhin a tel a, Medal erawh a la la lo thung. Karleh mai khian National Inter School Games, Delhi a neih turah an kal ang.
5 comments:
He nau hi technically-in a thiam tlat... a thra e.. duhsakna sang ber ka hlan e
A va chhuanawm triah2 ve! Veng tan chuan malsomna ni ringot alom, veng hming ti tha tu nih hi thil har tak ani, a lompuiawm e
Veng tihmingthatute hi an chhuanawmin an lampui awm hle a mai.
A kum lamah chuan a la naupang fu mai a, pate piantha, tut ilh elh tak a ni..... a kalzelnaah duhsakna ka hlan e.
a chhuanawm khawp mai....hetiang mi chak hi kan inhnnuai ah an awm tih kalo hrelo rere a...hehe...tunlai chu Pangpar Huan lam ka tlawh khat deuh ani...
Kan komchhak lok ah an om a, han lompui pah a, han buan ve tur ani!!
Post a Comment