Pu C. Valbuanga (67), Sec-I, Presbyterian Kohhran hi Upa Rana (L) leh Pi Manthangi (L) te fa 10 zinga 6-na niin kum 1944 khan Muthiah a lo piang a. 1968-ah Malsawmtluangi nen inneiin fa 4 an nei. BA B.Ed thleng zirin 2004-ah MBSE-ah Under Secretary in a pension.
Thian ngaina, titi thiam, mi kawm thiam, chhungte huikhawmtu a nih bakah thil chhinchhiah leh vawn that a taima hle.
CBYMA ah Vice President, Secretary, Asst. Secy., leh Central YMA ah Fin. Secreatary a lo ni tawh. 2010-a CYMA Platinum Jubilee-ah hruaitu hlui chawimawina hlan a ni. Mizoram Wrestling Association-ah Exe. Member, Commt. Member, Treasurer leh 2011-ah Adviser a ni. A article ziah ‘Mizopa In’ chu High School leh College-ah zir a lo ni tawh.
Hun rei tak atanga a natna pumpui hnun leh tonsil cancer vangin November ni 28, thawhtanni zan dar 1:07 khan chatuan ram min lo pansan ta a ni. Amah hi YMA Life Member a ni.
1 comment:
Chanmari veng tan leh Zoram tana mi chhuanawm Chanmari in a chan ta. A kalsan tak a chhungte Pathianin thlamuanin awmpui zel rawh se.
Post a Comment