He is risen!

Vawiin hi kan Lalpa Isua thihna hneha a thawhlehna ni a ni a, hei hi Kristiante tan kut ropui ber pakhat a ni. Khawvel sual tlan turin Pathianin a Fapa mal neihchhun khawvelah a rawn tir a, mihring angah lo piangin, mihring tak nihna nen khawvelah a tirtu, a Pa duhzawng tiin rawng a bawl a. Amaherawhchu khawvel sual phurtu a nihna avangin mi sual ber dinhmun changin Kraws-ah khenbeh a ni a, thlanah phumin a awm a, Pathian Nung, Chatuan Fapa a nih tlat si avangin ringtute tan thawh hmahruaitu a nihna turin thihna hnehin a tholeh ta a ni (I Kor. 15:20).
*
Krista, thihna hneha a thawhlehna tak hi Kristiante thurin inhlawmkhawmna ber a ni. Krista thawhlehna hian Kristiante thurin zawng zawng hi a khaikhawm vek a ni. Krista thawhlehna hi awm ta lo se, tirhkohte leh Kohhranho inzirtirna bakah kan rin pawh hian engmah awmzia a nei lovang (I Kor. 15:14). A thawhlehna avangin Krista chu Chatuan Pathian, thihna chunga thuneitu leh rintlak Pathian a ni tih a tichiang hle. Ringtu hmasate pawhin an rinna puanchhuah tihnghehna atan "Krista chu a tho leh ta!" tih thu hi an hmang thin a ni.

*
Chuvangin Krista thawhlehna ni-ah hian i lawmin ang u. Krista thawhlehna avanga dinhmun ropui kan chan tak ziate chhutin Pathian hnenah lawmthu i sawi ang u.