Min Zui rawh

Ka zinna kawng khawharah hian malin ka kal zel a,

Beidawnnaah min hruailut a, ka phurrit tak mai chuan;

Ka hrehawmna zawng zawngte Lalpa hnen ka thlen a,

Chutin Lalpa aw nem duhawm ka hria...

*

"Kalvari tlang lam pana Kraws rit ka put lai khan,

Chakna reng ka nei lova, chauvin ka tlu asin.

Rinawmin lo awm zel la, Aw nang, Vanram zawngtu......

I Kraws chawisangin MIN ZUI RAWH," a ti

*

"Ka khualzinna kawng zimah hian ka Lal ram tizauvin,

Lei ropuinate hnuchhawnin engkim ka kalsan ta"

Tiin ka lo inchhuang thin, Mahse Lalpa aw chuan,

Ka thinlungah 'tihian min rawn hrilh ta..

*

"Van Lalthutthleng kalsanin lei hrehawm ka lokal,

Anchhedawng Kraws-ah tuarin tlanna kim ka hlan che,

Lei hrehawm i tan tuarin ka hneh ta, thlan thim chu,

I Kraws chawisangin MIN ZUI RAWH," a ti