Chanmari Branch YMA Chanchinbu, Chanmarians hi January ni 30, 1982 (Inrinni) Chanmari Pastor Bial KTP Conference nghahna hmun, Ramthar Presbyterian Kohhran Biak In atanga Lammual pana YMA Chhang Football Final-a programme pawimawh neia kal, khatih laia kan Branch YMA President Pu B. Daniala chuan a kalpui Pu JH. Ramnghinglova hnenah chuan, “Chanchinbu hi buatsaih ila, keiin sum lam ka tum ang a, i buaipui peih ang em?” tiin a suangtuahna chu a han phawrh hlawl mai a. *
Chutiang thil lo phurpui em em tu Pu JH. Ramnghinglova nen chuan a buatsaih dan tur chu an rel chawpchilh nghal ta der mai a. A tirah chuan inthlahrung ang reng takin Pu Sangluia te’n Tv. James-a sem atan, chutih laia saptawng bulletin chhuak Soon hming tawmin Hmanhmawh an siamsak a. An hman chang changa an chhuah avangin, a hnuaiah Hmangchangly tih an ziak a. Pu Rama chuan “Aizawl a mite pawh Aizawlites an ti a, Chandmary a chengte chanchinbu chu Chandmarians ti ila” tiin fiamthu deuhin a rawt a, Pu B. Daniala chuan, “A thu hi ngaihnawm phawt sela, a bu hming chu a pawimawh ber lo ve, lo buatsaih phawt teh" tiin a ngen ta a ni.
*
Ni 19.3.1982 (Zirtawpni) chawhnu dar hnih velah stencil pahnihah chuan Pu Rama chuan a han chhu zo ve mai a, hming a la nei lova. “Pu Daniala’n thuneihna min pek angin, CHANDMARIANS tih chu P/L School naupang Jonah Lalmalsawma Pachuau stencil-ah chuan an ziah tir ta a, a tuk ni 23.3.1982 Zoram Hmeichhe Inkhawmpui Lian Chanmari-in an thlen tur buatsaih hnatlangah sem darh a lo ni ta a, vawiin thlengin Chanmarians chu Chanmari vengchhungah sem a lo ni ta a ni.
Ni 19.3.1982 (Zirtawpni) chawhnu dar hnih velah stencil pahnihah chuan Pu Rama chuan a han chhu zo ve mai a, hming a la nei lova. “Pu Daniala’n thuneihna min pek angin, CHANDMARIANS tih chu P/L School naupang Jonah Lalmalsawma Pachuau stencil-ah chuan an ziah tir ta a, a tuk ni 23.3.1982 Zoram Hmeichhe Inkhawmpui Lian Chanmari-in an thlen tur buatsaih hnatlangah sem darh a lo ni ta a, vawiin thlengin Chanmarians chu Chanmari vengchhungah sem a lo ni ta a ni.
*
Tunah hian Chanmarians hi Inrinni chhunah chhut a ni a, vengchhungah In tinah a la lut chhuak lo deuh a, Copy 870 chhuah mek a ni. Chanmarians hian vengchhung mipuite a tihlim thin hle a, a bik takin Infiamna huang(Belhchian dawllo)-ah hian mi hrang hrangte infiam thin a ni a, an haw ngai lem lo. Hei hian Veng a ti pumkhat thin hle.
7 comments:
Ka ti ve dawn
Engnge i tih ve dawn? Bj
I tih ang hian thil trha deuh
A lo pianchhuah dan inla hrechiang thei a, a pawimawh khop mai.
Infiamna huang(Belhchian dawllo) poh khi a tha thei fer2....
Published hmasa ber chu Zoram Kohhran Hmeichhe Inkhompui Lian hnatlangah teh daih maw in han sem a!!..haha
Ni e, mole... Kan kohhran-ah kha khawmpui kha kan thleng a, chumi atana hnatlang neihnaah chuan khatih laia KTP hruaitute kha YMA hruaitu an ni vek bawk a, chutah chuan an sem. A tirah chuan YMA lam ai mahin Kohhran/KTP thu a tam zawk a. 30 % vel hi fiamthu/inkahna a ni thin
Chanmarians hi chu a awm lovang tih a hlauhawm e...
Idea i nei tha e, chanchinbu han dah kual dan pawh mi a hip hle mai. Chanmarians chungchangah chuan sawi tura tam, sawi vek lo mai ang. Chanmarians dam reng rawh se.
Post a Comment