13th April, 2009 (Thawhtanni) chhunah khan Durtlang Field-ah Central YMA Cricket Tournament 2009 2nd Round match-ah Chanmari Branch YMA leh Ramhlun South Branch YMA te chu an inkhel. Kan Branch hian bat hmasain Over 20-ah Run 224 siamin Wicket 4 kan hloh va, Ramhlun S te hian Run 83 siam hmanin Wicket an hloh vek a, Run 141 zetin kan chak ta a ni. Kan lawm hle mai.
*
Kan Branch hi Runner-up nilai leh Champion tawh kan nih avangin Seeded Team kan ni a, chuvangin Ist Round-ah kan bye a ni. Ruahman ang chuan 17th April, 2009 (Zirtawpni) chhun dar 12:00-ah hian AR Lammual-ah Chaltlang Branch nen Quarter Final Match kan khel ang. (Chaltlang Branch hi nikum hmasa lamah khan D/L Method-in kan lo hnehlo tawh a ni).
*
Vawiin inkhelah chuan Zothansanga chuan Run 74 (not out) a siam a, Lalfakzuala’n Run 59 zet a siam tling bawk. Tin, Lalfakzuala hian Wicket 3 lain Victor Ramchhana’n Wicket 2 a la bawk. Inkhelh leh hunah hian veng mipui a tam thei ang berin kan Branch YMA Team te hi tawiawm turin kan insawm a ni.
2005-CYMA Cricket Tournament (Happy Moments)
2005-CYMA Cricket Trophy, The Captain received the Trophy
8 comments:
Chanmari hi chu veng entawn tlak tak inni ka ti thin, in intawiawmna hi player-te skill mai bakah chakna atana hmanraw poimawh tak a ni, chak poh in phu, han Champ leh mawlh teh u.
Kan khelh ve lai (Capt.zak2 toh mawle,haha) -a khelte poh ka la hmu pheuh2 anih khi.
Lalfaka khi inkhelh bak a ngaihtuah lo, lo hau teh u'n, haha
Pathian zarah Champion Team ni leh hlauh ila kan ti hle mai. Mahse chumi ni tur chuan beih fe a ngai ang. Kan Players te hi KTP Active tak tak, zaipawl te, chhas rim te, Kawna thrut te, etc an tikawp tel a, an fit loh a hlauhawm khawp mai.. Engpawh nise Pathian thu a ni ang chu.
Ni e, Lalfaka hi kan lo zilh ang. Mi vawm hlum ringawt hi a buaipui lehnghal a.
Congratulations!!! In lawm em? :) A nuam awm. Cricket te pawh hi hmanah chuan Mizo tuman an khel ngai lova, tunah erawh chuan tournament lian deuhvah an lo chhuah ve tawh a, a ropui e.
illusionare, kan lawm khawp mai, Match khatna chauh pawh nise, Thingpui dawrah player te hian an duh duh an lam, a thenin Chow, a thenin chana, etc.. LOL... Pathian zarah kan Champ hlauh chuan kan lawm nasa teh ang chu... kei pawh vawi sarih ka bingbilet ang. :))))
Champion hi ka duh a ni. thil engpawh kan ti a nih chuan pakhatna nitura inbuatsaih hi ka duh dah a ni. Sum sen ngai a nih chuan insen huam ila, thawhchhuah a ngai a nih chuan pheikhai rual takin chet a hun ta. A khawnawtin tleh huk ila, i bei vak teh ang u khai.
ChD-a bawk maw
common ve aw
Tu Zothansanga nge aw?
Nia in phur thei bawk a champ tlak in ni
ka lawmpui takzet a che u
"Pathian zarah kan Champ hlauh chuan kan lawm nasa teh ang chu... kei pawh vawi sarih ka bingbilet ang."Pu pezo kan lo chhinchhiah e...
Post a Comment