Tunlai chuan Internet user kan tam ta. Kan correspondence dawn tam ber chu kan Email-a Mailbox chhungah a awm a, kan en ngun hle. Postal Mailbox lam hi a lun ta vak lo. Tunhma kha chuan Love letter, Govt letters, family letters, Radio-a hla thlanna, etc, te chu postal stamp (ticket) chila liak huh chawpin envelop-ah kan han bel a, dak bawm-ah ngei mai kan han thlak kauh a, "Eng chen nge kawngah a thang ang a, engtik hunah nge kan thil thawnten dakpu atangin an lo hmuh ang aw?" kan ti zui vang vang thin. Thian thenkhat uang deuhvin "Due Letters"an rawn thawn phei chuan Dakpu atangin an rawn thawnna man kan han chawi a,,, thu ho deuh te kha chu ngeiawm duh ve tak a ni.
Tv Mohud-a fiamthu pakhat chu "Khaw pakhatah hian tlangau hi hetiang hian a rawn au - 'Nimina lehkhathawn zawng zawngte'n ziah that leh vek tur, nizan khan tlangval hawklakin dak bawmah meiling an lo thlak a, a kang fai ve!!!'". A buaithlak ngawt ang. A... Carpenters hla "Mr.Postman"tihte pawh rilruah a lang chuai chuai mai!!
(Hetiang Mailbox ve hi chu eng GB/MB nge? tih lam ni lovin "lehkhathawn 200 a leng, Dakpu hman hun hun khan delivery hun a ni mai"tih vel kha a ni tawp mai)
1 comment:
Stamp a lo that vak tawh loh chuan chil mai chuan a ban zo lova, a buathlak duh khawp mai. Chanmari kawna bawlhhlawhbawm sen an khaiah vawikhat chu vai sipai hian dak bawm emaw tiin lehkhathawn a thlak ve hmiah. thleng har ang chu
Post a Comment