Hman deuhva Charles Bronson-a Cowboy film "Red Sun" chu a ni lo. Mizo te chuan eizawnna dang nei hek lo i, kan ram ngaw tha tak tak te pawh ui hlei thei lovin kan hal duai duai a, kan duh bak bak a kang a; chumi khu chuan ram pumpui min tuam hlup a, kan khua a hniam ruih a, Carbon Monoxide an tih emaw ni te chuan kan boruak a pawlh nu a; ashtma vei tan a that loh thu te an la sawi ta deuh deuh va, ni eng mamawh tawk lah kan hmu thei bawk hek lo.
Chu mai a ni lo, Van boruakah a khu a zam chhova, chu tak mai chu boruak lama eizawngte tan a huatthlala em em a niawm e. "Clear Visibility" mamawh ang hmuh theih loh avangin kan Airport-ah thlawhna a tum thei lova, Thawhnaa zin mite'n an an cheh phah ta hial a. Media lamah lah subject pawimawh tak a tling nghal. "Hetianga kan ramngaw kan thiat a, kan tikang duai duai mai hi a hal tute ngei ngei tan pawh duhthusam a ni bik lo, ti lo thei lo dinhmunah an ding tlat a ni" an ti. (eizawnna kawng dang hre miau hek lo le!)
A ngaihtuah theite tan chuan ngaihtuah a hun ta hle. Eizawnna ngelnghet kan neih loh avang hian eng ang fakau hian tuar zel ang i maw?
4 comments:
Ava nalh vee! Noise a tam deuh tih mai loh
Ka lak lai hian naupang ho an bengchheng ltk a.... LOL.. Tak taka, ISO settings ka lo theihnghilh leh pek a nih kha!! Proffessional lo thei ve triah triah si a
Heng hi chu kan la tuar dawn,ka hmabak a ni. Thingtlang unau ten eizawnna an thlak hma chu. Suahsualna avanga ram tihkan luih erawh a pawi.
Sawi dik khop mai, thenkhatin ei zawnna tha tak an hmuh chhun hi lehlamah chuan harsatna etc etc ni ve thei tho mai a, kan ram dinhmun hian zirlohna tam tak aneih hi kan hriat tel angai ve khop mai bawk.
Post a Comment